Jueces 3:31 - Li Santil hu

³¹ Li jun chic li quicꞌamoc be chiruheb laj Israel, aꞌan laj Samgar li ralal laj Anat. Laj Samgar quicoloc reheb laj Israel chiruheb laj filisteo xban nak quixcamsi cuakib ciento (600) aj filisteo riqꞌuin lix cheꞌ re xberesinquil bo̱yx.

Q'eqchi Bible

³¹ Chirix laj Ehud kichalk laj Sankar, ralal laj Anat, li kixkamsi lajeek'aal xkab' o'q'ob' (600) chi winq rik'in jun topleb' b'ooyx. A'an ajwi' kixkoleb' laj Israel.

Jueces 3:31 ပူးပေါင်းရင်းမြစ်များ

Jueces 5:6

Saꞌ eb li cutan nak queꞌcuan laj Samgar, li ralal laj Anat, ut lix Jael, eb laj cꞌay incꞌaꞌ chic queꞌnumeꞌ saꞌ li nim be ut eb laj viaje junes jalbe aj chic queꞌnumeꞌ cuiꞌ.

1 Corintios 1:17

Li Cristo incꞌaꞌ quinixtakla chak chi cubsi̱nc haꞌ. Quinixtakla ban chak chixjulticanquil resil li colba-ib. Abanan ma̱cuaꞌ riqꞌuin a̱tin chꞌaꞌaj xtaubal ru xya̱lal quina̱tinac. Cui ta riqꞌuin a̱tin chꞌaꞌaj xtaubal ru quina̱tinac, cuan raj incꞌaꞌ queꞌtaꞌoc ru ut ta̱cana̱k raj chi ma̱cꞌaꞌ rajbal xcamic li Cristo chiruheb.

1 Samuel 17:50

Joꞌcaꞌin nak quixcamsi laj Goliat laj David, usta ma̱cꞌaꞌ xchꞌi̱chꞌ riqꞌuin. Quixcamsi ban riqꞌuin rantꞌin ut pec.

1 Samuel 17:47

Chixjunileb li chꞌutchꞌu̱queb arin teꞌxqꞌue retal nak li chꞌi̱chꞌ ut li la̱ns ma̱cꞌaꞌ na-oc cuiꞌ chiru li Dios. Aꞌ li Ka̱cuaꞌ, aꞌan li ta̱e̱chani̱nk re li ple̱t aꞌin ut aꞌan ta̱kꞌaxtesi̱nk e̱re saꞌ kukꞌ la̱o aj Israel, chan laj David.

Jueces 15:15

Laj Sansón quixtau jun xbakel xca̱lam re bu̱r toj rax bak. Quixchap ut chiru aꞌan quixcamsiheb jun mil chi cui̱nk xcomoneb laj filisteo.

Jueces 5:8

Nak nequeꞌoc chixlokꞌoninquil li jalanil dios, naticla cuiꞌchic li ple̱t. Ut ma̱ jun saꞌ xya̱nkeb li caꞌcꞌa̱l mil (40,000) chi cui̱nk quicuan xchꞌi̱chꞌ malaj xla̱ns re teꞌxcol cuiꞌ ribeb nak queꞌchal chi pletic li xicꞌ nequeꞌiloc reheb.

Jueces 2:16

Usta yo̱ xjoskꞌil li Ka̱cuaꞌ saꞌ xbe̱neb, abanan quixxakabeb laj rakol a̱tin chixtenkꞌanquileb laj Israel re nak teꞌxcol ribeb chiruheb li yo̱queb chi makꞌoc re li cꞌaꞌru reheb.

1 Samuel 4:1

Laj Samuel quixye reheb laj Israel li cꞌaꞌru quiyeheꞌ re xban li Ka̱cuaꞌ. Saꞌ eb li cutan aꞌan eb laj filisteo queꞌxchꞌutub ribeb re nak teꞌxic chi pletic riqꞌuineb laj Israel. Eb laj Israel queꞌxyi̱b lix muheba̱leb saꞌ li naꞌajej Eben-ezer ut eb laj filisteo queꞌxyi̱b lix muheba̱leb saꞌ li naꞌajej Afec.

Jueces 10:17

Queꞌxchꞌutub ribeb laj Amón ut queꞌxyi̱b lix muheba̱leb aran Galaad. Ut joꞌcan ajcuiꞌ eb laj Israel. Queꞌxchꞌutub ribeb ut queꞌxyi̱b lix muheba̱leb aran Mizpa.

Jueces 10:7

Ut li Ka̱cuaꞌ Dios quijoskꞌoꞌ saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj filisteo ut saꞌ rukꞌeb laj Amón.

Jueces 4:1

Nak ac xcam laj Aod, eb laj Israel queꞌoc cuiꞌchic chixba̱nunquil li incꞌaꞌ us chiru li Ka̱cuaꞌ.

Jueces 3:30

Joꞌcaꞌin nak eb laj Israel queꞌnumta saꞌ xbe̱neb laj Moab saꞌ li cutan aꞌan. Ut incꞌaꞌ chic queꞌpletic chiru ca̱cꞌa̱l chihab.

1 Samuel 12:9

Abanan eb le̱ xeꞌto̱nil yucuaꞌ queꞌxtzꞌekta̱na li Ka̱cuaꞌ lix Dioseb. Joꞌcan nak li Dios quixkꞌaxtesiheb saꞌ rukꞌ laj Sísara li nataklan saꞌ xbe̱neb lix soldado laj Jabín lix reyeb laj Hazor. Quixcanabeb ajcuiꞌ rubel xcuanquileb laj filisteo ut rubel xcuanquileb lix reyeb laj Moab. Queꞌpletic riqꞌuineb le̱ xeꞌto̱nil yucuaꞌ ut queꞌnumta saꞌ xbe̱neb.

Jueces 10:11

Li Ka̱cuaꞌ quixye reheb: —¿Ma incꞌaꞌ ta biꞌ quexrahobtesi̱c xbaneb laj Egipto ut eb laj amorreo? ¿Ma incꞌaꞌ ta biꞌ quexrahobtesi̱c xbaneb laj Amón ut xbaneb laj filisteo?