Jueces 3:28 - Li Santil hu

²⁸ Laj Aod quixye reheb: —Tine̱ta̱ke. Li Ka̱cuaꞌ ac xkꞌaxtesi saꞌ kukꞌ eb laj Moab, li xicꞌ nequeꞌiloc ke, chan. Joꞌcan nak eb laj Israel queꞌxta̱ke laj Aod. Li Dios quixtenkꞌaheb chi pletic ut queꞌre̱chani li naꞌajej bar nequeꞌnumeꞌ cuiꞌ jun pacꞌal li nimaꞌ Jordán. Ma̱ jun queꞌxcanab chi numecꞌ jun pacꞌal li nimaꞌ.

Q'eqchi Bible

²⁸ ut kixye reheb': “Taaqehomaqin, xb'aan naq li Qaawa' ak xq'axtesi sa' leeruq' eb' laj Mohab li xik' neke'ilok eere”, chan. Eb' a'an ke'kub'e chaq, koxe'reechani li na'ajej junqre li nima' Jordán ut maajun ke'xkanab' chi nume'k.

Jueces 3:28 ပူးပေါင်းရင်းမြစ်များ

Jueces 12:5

Eb laj Galaad queꞌxrameb li naꞌajej li incꞌaꞌ cham cuiꞌ li haꞌ bar nequeꞌru cuiꞌ chi numecꞌ jun pacꞌal li nimaꞌ Jordán re nak eb li ralal xcꞌajol laj Efraín incꞌaꞌ teꞌe̱lelik chiruheb. Nak eb laj Efraín queꞌraj xic saꞌ xnaꞌajeb, tento nak teꞌxpatzꞌ xlese̱ns chi numecꞌ. Ut eb laj Galaad queꞌxpatzꞌ reheb ma aꞌaneb li ralal xcꞌajol laj Efraín.

Jueces 7:15

Nak laj Gedeón quirabi lix matcꞌ li cui̱nk ut lix ya̱lal, quixlokꞌoni li Dios. Quisukꞌi cuanqueb cuiꞌ lix muheba̱leb laj Israel. Quixye reheb: —Cuaclinkex chi junpa̱t. Li Ka̱cuaꞌ Dios toxtenkꞌa chi numta̱c saꞌ xbe̱neb lix soldado laj Madián, chan.

Jueces 7:9

Saꞌ ajcuiꞌ li kꞌojyi̱n aꞌan li Dios quixye re laj Gedeón: —Ayu cuan cuiꞌ lix muheba̱leb laj Madián xban nak anakcuan tinkꞌaxtesiheb aꞌan saꞌ a̱cuukꞌ.

Josué 2:7

Li cui̱nk li quixtaklaheb li rey chixta̱kenquileb laj qꞌuehol etal co̱eb toj chire li nimaꞌ Jordán bar incꞌaꞌ cham li haꞌ. Nak ac xeꞌco̱eb li soldado li quixtaklaheb li rey, queꞌxtzꞌap li oqueba̱l re li tenamit.

1 Samuel 17:47

Chixjunileb li chꞌutchꞌu̱queb arin teꞌxqꞌue retal nak li chꞌi̱chꞌ ut li la̱ns ma̱cꞌaꞌ na-oc cuiꞌ chiru li Dios. Aꞌ li Ka̱cuaꞌ, aꞌan li ta̱e̱chani̱nk re li ple̱t aꞌin ut aꞌan ta̱kꞌaxtesi̱nk e̱re saꞌ kukꞌ la̱o aj Israel, chan laj David.

Jueces 7:24

Ut laj Gedeón quixtakla lix takl saꞌ lix naꞌaj laj Efraín, li tzu̱l ru, ut quixye reheb: —Cauresihomak e̱rib chixcꞌulbaleb laj Madián. Texxic saꞌ eb li naꞌajej Bet-bara bar incꞌaꞌ cham chi us li haꞌ, ut te̱ram xbeheb laj Madián re nak incꞌaꞌ teꞌnumekꞌ jun pacꞌal li nimaꞌ Jordán, chan. Ut eb li ralal xcꞌajol laj Efraín queꞌxba̱nu joꞌ quiyeheꞌ reheb.

Jueces 7:17

Ut quixye reheb: —Te̱qꞌue retal li cꞌaꞌru tinba̱nu la̱in. Nak acak xocuulac cuan cuiꞌ lix muheba̱leb, la̱ex te̱ba̱nu li cꞌaꞌru tinba̱nu la̱in.

Jueces 4:10

Ut laj Barac quixchꞌutubeb li ralal xcꞌajol laj Zabulón joꞌ eb ajcuiꞌ li ralal xcꞌajol laj Neftalí aran Cedes. Laje̱b mil chi cui̱nk li queꞌcana rubel xtakl laj Barac ut queꞌco̱eb. Ut co̱ ajcuiꞌ lix Débora.

Jueces 3:29

Saꞌ li cutan aꞌan eb laj Israel queꞌxcamsi laje̱b mil (10,000) tana lix soldado laj Moab, li kꞌaxal cauheb rib. Ma̱ jun quiru quie̱lelic chiruheb laj Israel.

Jueces 7:14

Ut li rochben quixye re: —Aꞌan retalil lix chꞌi̱chꞌ laj Gedeón, li ralal laj Joás laj Israel. Li Ka̱cuaꞌ Dios toxkꞌaxtesi chikajunilo la̱o aj Madián saꞌ rukꞌ aꞌan, chan.

Jueces 10:11

Li Ka̱cuaꞌ quixye reheb: —¿Ma incꞌaꞌ ta biꞌ quexrahobtesi̱c xbaneb laj Egipto ut eb laj amorreo? ¿Ma incꞌaꞌ ta biꞌ quexrahobtesi̱c xbaneb laj Amón ut xbaneb laj filisteo?

1 Reyes 20:21

Li rey Acab quira̱linaheb toj retal quixchapeb li cacua̱y ut li carruaje ut quinumta saꞌ xbe̱neb li soldados aj Siria. Kꞌaxal nabaleb li queꞌcamsi̱c.