Jueces 3:20 - Li Santil hu

²⁰ Nak cꞌojcꞌo xjunes li rey saꞌ xcaꞌ tasal li rochoch li naxnumsi cuiꞌ li sakꞌehil, laj Aod quinachꞌoc riqꞌuin ut quixye re: —Li Ka̱cuaꞌ Dios quinixtakla chixyebal a̱cue li a̱tin aꞌin, chan. Ut li rey Eglón quicuacli chirabinquil.

Q'eqchi Bible

²⁰ ut li awab'ej kikanaak xjunes, k'ojk'o sa' li na'ajej wank taqe'q naxnumsi wi' li saq'ehil. Laj Ehud kijilok chi xk'atq ut kixye re: “Li aatin ok we xyeeb'al aawe, rik'in li Yos nachalk chaq”, chan. Toja' naq li awab'ej kixaqliik b'ar k'ojk'o wi',

Jueces 3:20 ပူးပေါင်းရင်းမြစ်များ

Amós 3:15

La̱in tinsach lix naꞌajeb bar nequeꞌcuan cuiꞌ saꞌ li sakꞌehil. Ut tinsach ajcuiꞌ li nequeꞌcuan cuiꞌ saꞌ li habalkꞌe. Teꞌosokꞌ li rochocheb yi̱banbil riqꞌuin marfil. Tinsacheb chixjunileb lix palacio, chan li Ka̱cuaꞌ.

Jeremías 10:7

¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

Miqueas 6:9

Li Ka̱cuaꞌ yo̱ chi a̱tinac chi cau xya̱b xcux e̱riqꞌuin la̱ex li cuanquex saꞌ li tenamit Jerusalén. Ut cui cuan e̱naꞌleb, te̱xucua ru li Dios. Aꞌan yo̱ chixyebal e̱re chi joꞌcaꞌin: —Cheqꞌuehak retal li tojba ma̱c ut cheqꞌuehak ajcuiꞌ retal li ani quixakaban re.

Salmos 29:1

La̱ex ángel li cuanquex saꞌ li santil choxa, qꞌuehomak xlokꞌal li Ka̱cuaꞌ. Chenima ru xban nak kꞌaxal nim xcuanquil.

2 Samuel 24:12

Quixye re: —Tatxic riqꞌuin laj David ut ta̱ye re, “Joꞌcaꞌin xye li Ka̱cuaꞌ. Tinye a̱cue oxib pa̱y ru li raylal naru tinba̱nu. Ta̱sicꞌ ru li bar cuan ta̱cuaj la̱at tinba̱nu”, chan li Dios.

Jueces 3:19

Nak quicuulac nachꞌ riqꞌuin li naꞌajej Gilgal bar cuanqueb cuiꞌ li jalam u̱ch, laj Aod quisukꞌi riqꞌuin li rey Eglón ut quixye re: —At rey, cuan cꞌaꞌru nacuaj xyebal a̱cue a̱junes, chan. Tojoꞌnak li rey Eglón quixye reheb li cuanqueb rochben nak teꞌxcanab xjunes. Ut eb aꞌan queꞌel chixjunileb.

Jueces 3:21

Ut laj Aod quixchꞌic lix tzꞌe ukꞌ rubel li rakꞌ ut quirisi saꞌ rochoch lix chꞌi̱chꞌ ut quixchꞌic chi cau saꞌ xsaꞌ laj Eglón.

Nehemías 8:5

Chixjunileb li tenamit li cuanqueb aran queꞌril nak laj Esdras quixte li hu li tzꞌi̱banbil cuiꞌ li chakꞌrab xban nak najt xteram li naꞌajej li xakxo cuiꞌ. Nak quixte li hu, chixjunileb li tenamit queꞌxakli.

Jeremías 36:22

Aꞌin quicꞌulman saꞌ xbele li po nak li rey chunchu chire xam saꞌ li rochoch li naxnumsi cuiꞌ li habalkꞌe.

Números 23:18

Ut laj Balaam quixye li a̱tin aꞌin: —At Balac, ralal laj Zipor, qꞌue retal li cua̱tin. Abi li cꞌaꞌru oc cue chixyebal.