Jueces 3:15 - Li Santil hu

¹⁵ Ut eb laj Israel queꞌxya̱ba cuiꞌchic xcꞌabaꞌ li Ka̱cuaꞌ Dios. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb laj Moab. Li cui̱nk li quisiqꞌueꞌ ru, aꞌan laj Aod li ralal laj Gera ut xcomoneb li ralal xcꞌajol laj Benjamín. Laj Aod nacꞌanjelac riqꞌuin lix tzꞌe ukꞌ. Eb laj Israel queꞌxtakla laj Aod riqꞌuin laj Eglón lix reyeb laj Moab re tixqꞌue jun lix ma̱tan.

Q'eqchi Bible

¹⁵ Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj kolonel: laj Ehud, ralal laj Kerá, aj Benjamín, a'an jun li winq sik li xnim uq'. Sa' jun kutan eb' laj Israel ke'ab'enak chirix, re naq a'an tk'amoq re li tojleb' re laj Eklón, awab'ej re Mohab.

Jueces 3:15 ပူးပေါင်းရင်းမြစ်များ

Jueces 3:9

Tojoꞌnak eb laj Israel queꞌxya̱ba xcꞌabaꞌ li Ka̱cuaꞌ. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb li xicꞌ nequeꞌiloc reheb. Li cui̱nk aꞌan, aꞌan laj Otoniel, li ralal laj Cenaz. Laj Cenaz, aꞌan li ri̱tzꞌin laj Caleb.

Salmos 78:34

Nequeꞌril nak li Dios naxcanabeb chi ca̱mc, tojeꞌ nak nequeꞌoc chixsicꞌbal li Dios. Nayotꞌeꞌ xchꞌo̱leb ut nequeꞌxtzꞌa̱ma xtenkꞌanquileb chiru.

Isaías 36:16

Me̱pa̱b li cꞌaꞌru tixye e̱re laj Ezequías. Aꞌan aꞌin li naxye e̱re lix reyeb laj Asiria: Cui te̱cꞌam e̱rib saꞌ usilal cuiqꞌuin, che̱ju̱nkal te̱tzaca li ru le̱ uvas ut te̱tzaca li ru le̱ higo ut naru ajcuiꞌ te̱rucꞌ li haꞌ li na-el saꞌ le̱ jul haꞌ,

1 Crónicas 12:2

Eb li cui̱nk aꞌin cuanqueb xtzimaj riqꞌuineb. Ut naru nequeꞌcutuc riqꞌuin lix nim ukꞌ ut riqꞌuin lix tzꞌe ukꞌ. Nequeꞌcutuc ajcuiꞌ pec riqꞌuin rantꞌin. Aꞌaneb rechꞌalal laj Saúl ut xcomoneb li ralal xcꞌajol laj Benjamín.

Jueces 20:16

Saꞌ xya̱nkeb chixjunileb li cui̱nk cuanqueb cuukub ciento li nequeꞌcutuc chi rantꞌin riqꞌuin lix tzꞌe ukꞌ. Kꞌaxal ti̱c rukꞌeb. Usta jun chi chꞌina ismal teꞌxcut, ho̱n nequeꞌxtau riqꞌuin li pec.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Proverbios 21:14

Li ani nasihin chi mukmu, aꞌan narisi xjoskꞌil li yo̱ xjoskꞌil.

Proverbios 19:6

Nabaleb nequeꞌraj nak teꞌuxk usilal reheb xbaneb li cuanqueb xcuanquil xban nak nasihin. Nabaleb nequeꞌxcꞌam rib saꞌ amiguil riqꞌuin li ani nasihin.

Proverbios 18:16

Riqꞌuin junak li ma̱tan li ta̱si, naru naqꞌueheꞌ a̱cue li cꞌaꞌru ta̱tzꞌa̱ma. Ut naru nacat-oc chi a̱tinac riqꞌuineb li cuanqueb saꞌ xcuanquil.

Salmos 90:15

Ta̱qꞌue ta nabalak chihab li sahil chꞌo̱lej ke joꞌ nak xoa̱qꞌue chi cꞌuluc raylal nabal chihab.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

Jueces 3:14

Chiru cuakxaklaju chihab eb laj Israel queꞌcuan rubel xtakl laj Eglón lix reyeb laj Moab.

Jueces 3:16

Laj Aod quixyi̱b jun lix chꞌi̱chꞌ caꞌ pacꞌal xkꞌesnal. Mero vara tana li rok. Quixchꞌic saꞌ xcꞌa̱mal xsaꞌ saꞌ li rakꞌ saꞌ lix nim.

Jueces 2:16

Usta yo̱ xjoskꞌil li Ka̱cuaꞌ saꞌ xbe̱neb, abanan quixxakabeb laj rakol a̱tin chixtenkꞌanquileb laj Israel re nak teꞌxcol ribeb chiruheb li yo̱queb chi makꞌoc re li cꞌaꞌru reheb.

Jueces 4:3

Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

2 Samuel 20:9

Laj Joab quixye re laj Amasa: —¿Chan xacuil, at cuami̱g?— Ut quixchap lix mach laj Amasa riqꞌuin li rukꞌ nim re ta̱rutzꞌ ru.

2 Samuel 20:10

Laj Amasa incꞌaꞌ quixqꞌue retal nak cuan xchꞌi̱chꞌ laj Joab saꞌ li rukꞌ jun chic. Ut laj Joab quixcuj chi chꞌi̱chꞌ laj Amasa ut qui-el lix cꞌamcꞌot ut quitꞌaneꞌ saꞌ chꞌochꞌ ut quicam saꞌ junpa̱t. Jun sut ajcuiꞌ quixcuj chi chꞌi̱chꞌ. Chirix aꞌan laj Joab rochben laj Abisai li ri̱tzꞌin queꞌco̱eb chixsicꞌbal laj Seba.

1 Crónicas 8:3

Eb li ralal xcꞌajol laj Bela, aꞌaneb aꞌin: laj Adar, laj Gera, laj Abiud,

1 Crónicas 8:5

laj Gera, laj Sefufán ut laj Hiram.

2 Crónicas 9:24

Rajlal chihab li nequeꞌxic chirilbal laj Salomón nequeꞌxcꞌam nabal xma̱tan. Nequeꞌxsi re li cꞌaꞌak re ru yi̱banbil riqꞌuin oro ut plata, li rakꞌeb, li sununquil ban, li chꞌi̱chꞌ re pletic, joꞌ eb ajcuiꞌ li cacua̱y ut eb li mu̱l.