Jueces 3:13 - Li Santil hu

¹³ Eb laj Eglón queꞌxjunaji ribeb riqꞌuineb li ralal xcꞌajol laj Amón ut riqꞌuineb li ralal xcꞌajol laj Amalec. Queꞌcuulac chi pletic riqꞌuineb laj Israel ut queꞌre̱chani li tenamit Jericó li cuan cuiꞌ nabal li cheꞌ palmera.

Q'eqchi Bible

¹³ Laj Eklón kixjunaji rib' rik'ineb' laj Amón ut laj Amalek, koho ut kixq'ax ruheb' laj Israel, ut kixchap Jerikó, li xTenamitul li kala'.

Jueces 3:13 ပူးပေါင်းရင်းမြစ်များ

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

Deuteronomio 34:3

Quixcꞌut ajcuiꞌ chiru li naꞌajej Neguev ut eb li ru takꞌa Jordán ut Jericó, li tenamit li cuanqueb cuiꞌ li cheꞌ palmera toj saꞌ li naꞌajej Zoar.

Jueces 5:14

Eb li ralal xcꞌajol laj Efraín li cuanqueb saꞌ li naꞌajej li queꞌcuan cuiꞌ laj Amalec, queꞌco̱eb saꞌ li ru takꞌa. Queꞌco̱eb ajcuiꞌ li ralal xcꞌajol laj Benjamín. Ut queꞌco̱eb li nequeꞌtaklan saꞌ xya̱nkeb laj Maquir, joꞌ eb ajcuiꞌ li cuanqueb xcuanquil saꞌ xya̱nkeb li ralal xcꞌajol laj Zabulón.

Jueces 3:14

Chiru cuakxaklaju chihab eb laj Israel queꞌcuan rubel xtakl laj Eglón lix reyeb laj Moab.

Jueces 10:11

Li Ka̱cuaꞌ quixye reheb: —¿Ma incꞌaꞌ ta biꞌ quexrahobtesi̱c xbaneb laj Egipto ut eb laj amorreo? ¿Ma incꞌaꞌ ta biꞌ quexrahobtesi̱c xbaneb laj Amón ut xbaneb laj filisteo?

Jueces 6:3

Rajlal nak eb laj Israel yo̱queb chi a̱uc, eb laj Madián, ut eb laj Amalec rochbeneb li cuanqueb saꞌ li oriente queꞌxjunaji ribeb, ut queꞌco̱eb chi pletic riqꞌuineb laj Israel.

Jueces 10:9

Ut eb laj Amón queꞌnumeꞌ jun pacꞌal li nimaꞌ Jordán chi pletic riqꞌuineb li ralal xcꞌajol laj Judá, ut eb li ralal xcꞌajol laj Benjamín, joꞌ ajcuiꞌ li ralal xcꞌajol laj Efraín. Ut kꞌaxal ra queꞌxcꞌul eb laj Israel.

Jueces 10:12

Ut, ¿ma incꞌaꞌ ta biꞌ quexrahobtesi̱c xbaneb laj Sidón ut eb laj Amalec, joꞌqueb ajcuiꞌ laj Madián? ¿Ma incꞌaꞌ ta biꞌ xexincol saꞌ rukꞌeb nak xetzꞌa̱ma chicuu nak texintenkꞌa?