Jueces 3:10 - Li Santil hu

¹⁰ Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Q'eqchi Bible

¹⁰ Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Jueces 3:10 ပူးပေါင်းရင်းမြစ်များ

1 Samuel 11:6

Laj Saúl quirecꞌa nak lix musikꞌ li Dios quichal saꞌ xbe̱n ut cꞌajoꞌ nak quijoskꞌoꞌ nak quirabi li queꞌxye li takl.

Jueces 14:19

Ut lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Co̱ saꞌ li tenamit Ascalón. Aran quixcamsi laje̱b xcaꞌcꞌa̱l chi cui̱nk ut quixcꞌam li cha̱bil akꞌ li cuan chirixeb. Ut coxqꞌue li rakꞌ reheb li cui̱nk li queꞌyehoc cꞌaꞌru lix ya̱lal li serakꞌ li quixye. Chirix aꞌan co̱ cuiꞌchic saꞌ rochoch ut cꞌajoꞌ lix joskꞌil xban li cꞌaꞌru quicꞌulman.

Jueces 14:6

Lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixchap li cakcoj ut quixpedasi riqꞌuin rukꞌ. Chanchan jun li chꞌina chiba̱t chiru. Ut laj Sansón co̱ cuiꞌchic riqꞌuin lix naꞌ xyucuaꞌ, abanan incꞌaꞌ quixye reheb li cꞌaꞌru quixba̱nu.

Jueces 13:25

Ut lix musikꞌ li Ka̱cuaꞌ li Dios qui-oc chirecꞌasinquil xchꞌo̱l laj Sansón nak cuan saꞌ li naꞌajej li cuanqueb cuiꞌ lix muheba̱leb li ralal xcꞌajol laj Dan, li cuan saꞌ xyiheb li cuib chi tenamit Zora ut Estaol.

Jueces 11:29

Lix musikꞌ li Dios quichal riqꞌuin laj Jefté, ut quixcꞌut chiru cꞌaꞌru tixba̱nu. Joꞌcan nak eb laj Israel queꞌnumeꞌ saꞌ li naꞌajej Galaad ut Manasés ut queꞌnumeꞌ ajcuiꞌ Mizpa, li cuan saꞌ xcue̱nt Galaad re nak teꞌre̱chani lix naꞌajeb laj Amón.

Jueces 6:34

Ut lix musikꞌ li Ka̱cuaꞌ quichal riqꞌuin laj Gedeón ut quixcꞌut chiru cꞌaꞌru tixba̱nu. Joꞌcan nak laj Gedeón quixya̱basi lix xucub re xbokbaleb chixjunileb li ralal xcꞌajol laj Abiezer.

2 Crónicas 15:1

Ut lix musikꞌ li Ka̱cuaꞌ quichal riqꞌuin laj Azarías li ralal laj Obed.

Números 24:2

Ut quiril lix muheba̱leb laj Israel chi te̱p chꞌutchꞌu̱queb. Ut lix musikꞌ li Ka̱cuaꞌ quichal riqꞌuin laj Balaam.

Hebreos 6:4

Cuanqueb li ac xeꞌxtau xya̱lal. Xeꞌxcꞌul li rusilal li Dios. Xeꞌxcꞌul li Santil Musikꞌej.

Salmos 51:11

Mina̱tzꞌekta̱na taxak ut incꞌaꞌ taxak ta̱cuisi li Santil Musikꞌej cuiqꞌuin.

2 Crónicas 20:14

Ut lix musikꞌ li Ka̱cuaꞌ quichal riqꞌuin laj Jahaziel nak chꞌutchꞌu̱queb aran eb laj Judá. Laj Jahaziel, aꞌan li ralal laj Zacarías. Laj Zacarías, aꞌan li ralal laj Benaía. Laj Benaía, aꞌan li ralal laj Jeiel. Laj Jeiel, aꞌan li ralal laj Matanías. Laj Jahaziel, aꞌan aj levita xcomoneb li ralal xcꞌajol laj Asaf.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

1 Samuel 10:6

Ut la̱at ta̱cuecꞌa lix cuanquil lix musikꞌ li Dios nak ta̱cha̱lk saꞌ a̱be̱n. Tat-oc chi lokꞌoni̱nc rochbeneb. Ut chalen saꞌ li cutan aꞌan jalanak chic la̱ naꞌleb.

Números 27:18

Ut li Ka̱cuaꞌ quixye re laj Moisés: —Laj Josué li ralal laj Nun, aꞌan cuan lin musikꞌ riqꞌuin. Ta̱qꞌue la̱ cuukꞌ saꞌ xjolom ut ta̱xakab chi cꞌamoc be chiruheb li tenamit.

Números 11:29

Abanan laj Moisés quixye re: —¿Ma x-oc chi cakocꞌ la̱ chꞌo̱l chicuix? Us raj cui li Ka̱cuaꞌ tixqꞌue lix musikꞌ reheb chixjunileb lix tenamit re nak chixjunileb teꞌyehok ra̱tin profeta, chan.

Números 11:25

Ut li Ka̱cuaꞌ quicube chak saꞌ jun li chok ut quia̱tinac riqꞌuin laj Moisés. Ut quixqꞌue lix musikꞌ reheb li laje̱b xca̱cꞌa̱l li cui̱nk li nequeꞌcꞌamoc be joꞌ li cuan riqꞌuin laj Moisés. Nak li musikꞌ cuan riqꞌuineb, queꞌoc chi a̱tinac joꞌ profetas. Abanan incꞌaꞌ chic quicꞌulman chi joꞌcan mokon.

Números 11:17

La̱in tincubek chak ut tina̱tinak a̱cuiqꞌuin. Ut tinqꞌue lin musikꞌ reheb joꞌ quinqꞌue a̱cue la̱at re nak tateꞌxtenkꞌa chixcꞌambaleb xbe li tenamit aꞌin. Chi joꞌcan incꞌaꞌ ta̱cana̱k saꞌ a̱be̱n a̱junes la̱at li i̱k aꞌin.

Jueces 3:8

Xban li ma̱usilal queꞌxba̱nu, cꞌajoꞌ nak quijoskꞌoꞌ li Dios saꞌ xbe̱neb ut quixcanabeb saꞌ rukꞌeb laj Cusan-risataim, lix reyeb laj Mesopotamia. Joꞌcan nak eb laj Israel queꞌcuan rubel xtakl li rey aꞌan chiru cuakxakib chihab.

Jueces 3:11

Incꞌaꞌ chic quicuan li pletic chiru caꞌcꞌa̱l chihab nak toj yoꞌyo laj Otoniel li ralal laj Cenaz.

1 Crónicas 12:18

Quichal lix musikꞌ li Dios riqꞌuin laj Amasai li nataklan saꞌ xbe̱neb li laje̱b xcaꞌcꞌa̱l chi cui̱nk. Ut laj Amasai quixye: —Chicua̱nk taxak li tuktu̱quil usilal a̱cuiqꞌuin, at David. La̱at li ralal laj Isaí. Chicua̱nk taxak li tuktu̱quilal a̱cuiqꞌuin la̱at joꞌ ajcuiꞌ riqꞌuineb li yo̱queb chi tenkꞌa̱nc a̱cue xban nak li Ka̱cuaꞌ cuan a̱cuiqꞌuin, chan re. Chirix aꞌan laj David quixcꞌuleb ut quixqꞌueheb saꞌ xya̱nkeb li nequeꞌtaklan saꞌ xbe̱neb lix soldado.

Jueces 11:32

Ut laj Jefté quinumeꞌ jun pacꞌal li nimaꞌ chi pletic riqꞌuineb laj Amón. Ut li Ka̱cuaꞌ Dios quixkꞌaxtesiheb laj Amón saꞌ rukꞌeb laj Israel.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.

1 Samuel 10:10

Mokon nak laj Saúl quicuulac Gabaa rochben lix mo̱s, queꞌxcꞌul li jun chꞌu̱tal li profetas yo̱queb chi cubec saꞌ li tzu̱l. Yo̱queb chixlokꞌoninquil li Ka̱cuaꞌ. Ut laj Saúl quirecꞌa lix cuanquil li Dios nak quichal saꞌ xbe̱n ut qui-oc chi yehoc ra̱tin profeta rochbeneb.