Jueces 3:1 - Li Santil hu

¹ Li Ka̱cuaꞌ quixcanabeb lix xicꞌ nequeꞌiloc reheb saꞌ lix naꞌajeb laj Israel re xyalbal rixeb li ralal xcꞌajol eb laj Israel li toj teꞌyoꞌla̱k mokon xban nak incꞌaꞌ queꞌpletic chire̱chaninquil li naꞌajej Canaán.

Q'eqchi Bible

¹ A'aneb' a'in li tenamit kixkanab'eb' li Qaawa' re xyalb'al rixeb' laj Israel, xb'aan naq wankeb' laj Israel li maji' yo'lajenaqeb' naq ki'uxk li yalok re reechaninkil Kanahán.

Jueces 3:1 ပူးပေါင်းရင်းမြစ်များ

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

Deuteronomio 7:22

Chi caꞌchꞌinkil li Ka̱cuaꞌ le̱ Dios ta̱risiheb li tenamit aꞌan che̱ru nak yo̱kex chi xic. Incꞌaꞌ naru te̱sacheb ru chi junaj cua re nak incꞌaꞌ teꞌta̱mk li joskꞌ aj xul saꞌ le̱ naꞌaj re nak incꞌaꞌ texchꞌiꞌchꞌiꞌi̱k xbaneb.

Jeremías 6:27

At Jeremías, xatinxakab chirilbaleb lin tenamit re nak ta̱qꞌue retal chanru cuanqueb ut chanru lix naꞌlebeb.

Li xHu LAJ JOB 23:10

Abanan aꞌan naxnau chixjunil li cꞌaꞌru ninba̱nu. Nak naxyal rix lin pa̱ba̱l, naril nak ma̱cꞌaꞌ inma̱c. Chanchan li tzꞌakal oro li ma̱cꞌaꞌ xtzꞌajnil.

Jueces 2:10

Ut queꞌcam ajcuiꞌ chixjunileb laj Israel li cuanqueb nak toj yoꞌyo laj Josué. Ut eb li ralal xcꞌajol li queꞌyoꞌla mokon incꞌaꞌ chic queꞌxpa̱b li Ka̱cuaꞌ, chi moco queꞌxnau chixjunil li usilal li quixba̱nu li Dios reheb laj Israel.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

1 Pedro 4:12

Ex inherma̱n, misach e̱chꞌo̱l nak ta̱cha̱lk li ra xi̱cꞌ saꞌ e̱be̱n. Chanchan li xam nak nachal saꞌ e̱be̱n re xyalbal rix le̱ pa̱ba̱l. Me̱cꞌoxla nak caꞌaj cuiꞌ la̱ex yo̱quex chi cꞌuluc re.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

San Juan 2:24

Abanan li Jesús incꞌaꞌ quixcꞌojob xchꞌo̱l riqꞌuineb xban nak naxnau chanru lix cꞌaꞌuxeb.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

Éxodo 15:25

Ut laj Moisés quitijoc chiru li Ka̱cuaꞌ Dios. Li Dios quixcꞌut jun to̱n li cheꞌ chiru laj Moisés. Laj Moisés quixcut li cheꞌ aꞌan saꞌ li haꞌ ut quicha̱biloꞌ li haꞌ. Sa chic rucꞌbal. Li Ka̱cuaꞌ Dios quixqꞌue jun li chakꞌrab reheb ut quixyaleb saꞌ lix pa̱ba̱leb.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Jueces 2:23

Joꞌcan nak li Ka̱cuaꞌ quixcanabeb li tenamit chi cua̱nc saꞌ li naꞌajej aꞌan. Incꞌaꞌ quirisiheb saꞌ junpa̱t li tenamit li incꞌaꞌ quixkꞌaxtesiheb saꞌ rukꞌ laj Josué nak toj yoꞌyo.

Jueces 3:2

Quixba̱nu chi joꞌcan yal re nak teꞌxtzol rib chi pletic eb laj Israel, li ma̱jiꞌ nequeꞌyoꞌla nak quicuan li ple̱t junxil.

1 Reyes 9:21

Eb li ralal xcꞌajoleb li queꞌcana chi cua̱nc saꞌ li tenamit Israel queꞌqꞌueheꞌ chi cꞌanjelac chi cau xban laj Salomón re xtojbal rix lix naꞌajeb. Eb aꞌan queꞌcana chi cua̱nc aran xban nak eb laj Israel incꞌaꞌ queꞌru chirisinquileb saꞌ lix naꞌajeb.