Jueces 21:6 - Li Santil hu

⁶ Ut queꞌyotꞌeꞌ xchꞌo̱leb xban li cꞌaꞌru queꞌxcꞌul eb li ralal xcꞌajol laj Benjamín ut queꞌxye: —Anakcuan teꞌosokꞌ li jun xte̱paleb laj Israel.

Q'eqchi Bible

⁶ Raheb' sa' xch'ool eb' laj Israel xb'aan chixjunil li ke'xk'ul laj Benjamín rech aj Israelil, ut yookeb' xyeeb'al: “Sa' li kutan a'in xtochmank jun xteepal laj Israel.

Jueces 21:6 ပူးပေါင်းရင်းမြစ်များ

Jueces 21:15

Ut eb laj Israel queꞌrahoꞌ xchꞌo̱leb chirixeb li ralal xcꞌajol laj Benjamín xban nak jun te̱p li ralal xcꞌajoleb laj Israel incꞌaꞌ chic tzꞌakal ruheb.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

2 Samuel 2:26

Laj Abner quixjap re chixyebal re laj Joab: —¿Ma tento nak junelic yo̱ko chixcamsinquil kib? ¿Ma incꞌaꞌ nacanau nak junes raylal tixqꞌue saꞌ kabe̱n? La̱o kacomon kib chikajunilo. ¿Ma incꞌaꞌ ta̱ye reheb la̱ soldados nak teꞌxcanab ka̱linanquil? chan.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 11:35

Cꞌajoꞌ nak quirahoꞌ xchꞌo̱l laj Jefté nak quiril lix rabin. Quixpej li rakꞌ xban xrahil xchꞌo̱l ut quixye: —At inrabin, cꞌajoꞌ xrahil inchꞌo̱l nachal a̱ban. ¿Cꞌaꞌut nak la̱at li xbe̱n li xat-el chak chincꞌulbal? Ac xinyechiꞌi re li Dios nak tinmayejak chiru ut incꞌaꞌ naru tinkꞌet li cua̱tin, chan.

Jueces 21:5

Queꞌxye chi ribileb rib: —¿Ma cuanqueb kacomon incꞌaꞌ queꞌcuulac nak kachꞌutub kib aran Mizpa re xlokꞌoninquil li Ka̱cuaꞌ? La̱o kaba̱nu li juramento nak teꞌcamsi̱k li incꞌaꞌ queꞌcuulac chixchꞌutubanquil ribeb Mizpa, chanqueb.

Jueces 21:7

¿Cꞌaꞌru takaba̱nu re nak teꞌcua̱nk rixakileb li ralal xcꞌajol laj Benjamín li toj yoꞌyo̱queb? La̱o ac xkaba̱nu li juramento nak incꞌaꞌ takasumub li karabin riqꞌuineb, chanqueb.