Jueces 21:25 - Li Santil hu

²⁵ Saꞌ eb li cutan aꞌan ma̱cꞌaꞌ xreyeb laj Israel. Chixjunileb queꞌxba̱nu li cꞌaꞌru queꞌraj xba̱nunquil xjuneseb.

Q'eqchi Bible

²⁵ Sa'eb' li kutan a'an maak'a'eb' chaq awab'ej aran Israel ut li junjunq naxb'aanu li k'aru naraj xb'aanunkil.

Jueces 21:25 ပူးပေါင်းရင်းမြစ်များ

Deuteronomio 12:8

Saꞌ li naꞌajej aꞌan incꞌaꞌ chic te̱ba̱nu joꞌ nakaba̱nu la̱o saꞌ li naꞌajej aꞌin. Anakcuan nakaba̱nu joꞌ nakaj la̱o chikaju̱nkal.

Jueces 17:6

Saꞌ eb li cutan aꞌan li junju̱nk queꞌxba̱nu li cꞌaꞌru queꞌraj xba̱nunquil xban nak ma̱cꞌaꞌ junak rey chi takla̱nc saꞌ xbe̱neb.

Proverbios 3:5

Cauhak e̱chꞌo̱l riqꞌuin li Ka̱cuaꞌ. Me̱cꞌojob e̱chꞌo̱l e̱junes e̱rib yal xban nak cuan e̱naꞌleb.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Proverbios 14:12

Cuanqueb li nequeꞌxcꞌoxla nak us li nequeꞌxba̱nu xjuneseb, abanan li cꞌaꞌru nequeꞌxba̱nu, aꞌan ajcuiꞌ li nacꞌamoc chak re li ca̱mc saꞌ xbe̱neb.

Jueces 19:1

Saꞌ eb li cutan nak eb laj Israel toj ma̱cꞌaꞌ xreyeb quicuan jun li cui̱nk xcomoneb li ralal xcꞌajol laj Leví saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan quixsicꞌ jun li ixk re ta̱cua̱nk riqꞌuin. Li ixk aꞌan, Belén xtenamit xcue̱nt Judá.

Jueces 18:1

Saꞌ eb li cutan aꞌan toj ma̱cꞌaꞌak rey aran Israel. Eb li ralal xcꞌajol laj Dan yo̱queb chixsicꞌbal lix naꞌajeb xban nak toj ma̱jiꞌ nequeꞌxcꞌul lix naꞌajeb saꞌ xya̱nkeb li cablaju xte̱paleb li ralal xcꞌajol laj Israel.

Salmos 12:4

Chakꞌuseb li nequeꞌyehoc re chi joꞌcaꞌin: —La̱o nakanau a̱tinac kajunes. La̱o yal ke cꞌaꞌru takaye. Ma̱ ani naru nakꞌusuc ke.—

Jueces 18:7

Ut eb li o̱b chi cui̱nk queꞌel aran ut queꞌco̱eb saꞌ li tenamit Lais. Nak queꞌcuulac aran, queꞌxqꞌue retal nak eb li tenamit cꞌojcꞌo̱queb xchꞌo̱l. Chanchaneb laj Sidón. Cuanqueb saꞌ xya̱lal ut ma̱ ani nachꞌiꞌchꞌiꞌin reheb. Cuan chixjunil li cꞌaꞌruheb re. Najt xya̱nkeb riqꞌuineb laj Sidón. Ut incꞌaꞌ nequeꞌlokꞌoc chi moco nequeꞌcꞌayin riqꞌuineb li jalaneb xtenamit.

Jueces 21:24

Ut chixjunileb li ralal xcꞌajol laj Israel queꞌsukꞌi saꞌ lix naꞌajeb, li quiqꞌueheꞌ reheb junxil bar cuan cuiꞌ li rochocheb ut eb li ralal xcꞌajol.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.