Jueces 21:22 - Li Santil hu

²² Ut cui teꞌcuulak lix yucuaꞌeb malaj ut li raseb chixyebal ke cꞌaꞌut nak xcꞌulman chi joꞌcaꞌin, la̱o takaye reheb, “Nakatzꞌa̱ma che̱ru nak te̱ba̱nu usilal reheb, ut te̱canabeb li xkaꞌal chokꞌ rixakileb. La̱o xocuulac saꞌ li ple̱t ut incꞌaꞌ xoru chixtaubal tzꞌakal li ixk re takaqꞌue chokꞌ rixakileb. Moco xekꞌet ta li contrato li xeba̱nu, xban nak moco la̱ex ta xexqꞌuehoc reheb. Yal elkꞌanbil ban xeꞌxba̱nu,” chaꞌko reheb.—

Q'eqchi Bible

²² Wi eb' li xna' xyuwa'eb' malaj li ras riitz'ineb' te'chalq chi jitok qik'in, tqaye reheb': «B'aanuhomaq usilal, kuyumaqeb' xmaak, xb'aan naq ink'a' xoruuk xtawb'al rixaqileb' chixjunil naq xooyalok, chi moko laa'ex xexk'ehok reheb'. Wi ta jo'kan, laa'ex raj wank eemaak»”.

Jueces 21:22 ပူးပေါင်းရင်းမြစ်များ

Jueces 21:18

Queꞌxye ajcuiꞌ: —La̱o incꞌaꞌ naru takaqꞌueheb li karabin reheb xban nak xkaba̱nu li juramento ut xkaye nak tzꞌekta̱nanbilakeb li ani teꞌxqꞌueheb xrabin chokꞌ rixakileb li ralal xcꞌajol laj Benjamín.

Jueces 21:1

Eb li ralal xcꞌajol laj Israel queꞌxba̱nu jun li juramento aran Mizpa ut queꞌxye nak ma̱ jun reheb teꞌxsumub lix rabineb riqꞌuineb li ralal xcꞌajol laj Benjamín.

1 Corintios 7:2

Abanan us cui ta̱sumla̱k re nak incꞌaꞌ ta̱ma̱cobk. Teꞌsumla̱k re nak li cui̱nk teꞌcua̱nk rixakil chi xju̱nkaleb ut li ixk teꞌcua̱nk xbe̱lom chi xju̱nkaleb.

Proverbios 20:25

Xiu xiu chokꞌ re junak cristian xyechiꞌinquil li cꞌaꞌak re ru re li Dios cui incꞌaꞌ tixcꞌoxla chi us xbe̱n cua. Ma̱re mokon tixqꞌue retal nak incꞌaꞌ ta̱ru̱k chixba̱nunquil.

Jueces 21:14

Joꞌcan nak eb li ralal xcꞌajol laj Benjamín queꞌsukꞌi cuiꞌchic ut eb li tukꞌ ixk li incꞌaꞌ queꞌcamsi̱c aran Jabes-galaad queꞌqꞌueheꞌ reheb chokꞌ rixakileb. Abanan incꞌaꞌ quitzꞌakloc xban nak nabaleb li cui̱nk.

Jueces 21:7

¿Cꞌaꞌru takaba̱nu re nak teꞌcua̱nk rixakileb li ralal xcꞌajol laj Benjamín li toj yoꞌyo̱queb? La̱o ac xkaba̱nu li juramento nak incꞌaꞌ takasumub li karabin riqꞌuineb, chanqueb.

Génesis 7:13

Nak toj ma̱jiꞌ naticla li butꞌi haꞌ, laj Noé qui-oc saꞌ li jucub cab rochben li oxib chi ralal, laj Sem, laj Cam, ut laj Jafet. Ut qui-oc ajcuiꞌ li rixakil laj Noé joꞌ eb ajcuiꞌ li rixakileb li oxib chi ralal.

Génesis 1:27

Ut li Dios quixyoꞌobtesi li cui̱nk ut li ixk joꞌ li riloba̱l aꞌan. Cui̱nk ut ixk nak quixyoꞌobtesiheb.