Jueces 21:18 - Li Santil hu

¹⁸ Queꞌxye ajcuiꞌ: —La̱o incꞌaꞌ naru takaqꞌueheb li karabin reheb xban nak xkaba̱nu li juramento ut xkaye nak tzꞌekta̱nanbilakeb li ani teꞌxqꞌueheb xrabin chokꞌ rixakileb li ralal xcꞌajol laj Benjamín.

Q'eqchi Bible

¹⁸ Ab'an laa'o ink'a' naru tqak'eheb' li qarab'in cho'q rixaqileb', xb'aan naq chiqajunilo laa'o aj Israel xqaye sa' jurament naq tz'eqtaananb'ilaqeb' li te'xk'e xrab'ineb' cho'q rixaqileb' laj Benjamín”.

Jueces 21:18 ပူးပေါင်းရင်းမြစ်များ

Jueces 21:1

Eb li ralal xcꞌajol laj Israel queꞌxba̱nu jun li juramento aran Mizpa ut queꞌxye nak ma̱ jun reheb teꞌxsumub lix rabineb riqꞌuineb li ralal xcꞌajol laj Benjamín.

Jueces 11:35

Cꞌajoꞌ nak quirahoꞌ xchꞌo̱l laj Jefté nak quiril lix rabin. Quixpej li rakꞌ xban xrahil xchꞌo̱l ut quixye: —At inrabin, cꞌajoꞌ xrahil inchꞌo̱l nachal a̱ban. ¿Cꞌaꞌut nak la̱at li xbe̱n li xat-el chak chincꞌulbal? Ac xinyechiꞌi re li Dios nak tinmayejak chiru ut incꞌaꞌ naru tinkꞌet li cua̱tin, chan.

Jueces 21:17

Tento nak ta̱cua̱nk ralal xcꞌajoleb li ralal laj Benjamín re nak incꞌaꞌ teꞌe̱lk saꞌ xya̱nkeb laj Israel li xte̱paleb li ralal xcꞌajol laj Benjamín, chanqueb.

Jueces 21:22

Ut cui teꞌcuulak lix yucuaꞌeb malaj ut li raseb chixyebal ke cꞌaꞌut nak xcꞌulman chi joꞌcaꞌin, la̱o takaye reheb, “Nakatzꞌa̱ma che̱ru nak te̱ba̱nu usilal reheb, ut te̱canabeb li xkaꞌal chokꞌ rixakileb. La̱o xocuulac saꞌ li ple̱t ut incꞌaꞌ xoru chixtaubal tzꞌakal li ixk re takaqꞌue chokꞌ rixakileb. Moco xekꞌet ta li contrato li xeba̱nu, xban nak moco la̱ex ta xexqꞌuehoc reheb. Yal elkꞌanbil ban xeꞌxba̱nu,” chaꞌko reheb.—