Jueces 21:12 - Li Santil hu

¹² Ca̱hib ciento li tukꞌ ixk li ma̱jiꞌ cuanjenakeb riqꞌuin cui̱nk li queꞌxtau aran. Ut queꞌxcꞌameb saꞌ li muheba̱l li cuan aran Silo xcue̱nt Canaán.

Q'eqchi Bible

¹² Sa' xyanqeb' laj Yabés re Galahad ke'xtaw jun o'q'ob' (400) chi tuq'ixq li ink'a' wanjenaqeb' rik'in winq, ut ke'xk'ameb' sa'eb' li muheb'aal re Siló, sa' xteepal Kanahán.

Jueces 21:12 ပူးပေါင်းရင်းမြစ်များ

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Jeremías 7:12

Ayukex anakcuan Silo saꞌ li naꞌajej li quinsicꞌ chak ru junxil re tinlokꞌoni̱k cuiꞌ. Qꞌuehomak retal cꞌaꞌru quinba̱nu re xban li ma̱c li queꞌxba̱nu lin tenamit Israel.

Salmos 78:60

Ut quixtzꞌekta̱na ajcuiꞌ li tabernáculo li quixakaba̱c aran Silo, li naꞌajej li quiqꞌueheꞌ cuiꞌ xlokꞌal xbaneb laj Israel.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 20:18

Eb laj Israel queꞌco̱eb Bet-el saꞌ li rochoch li Dios chi tijoc. Queꞌxye re li Dios: —At Ka̱cuaꞌ, ba̱nu usilal, cꞌut chiku aniheb li teꞌxic xbe̱n cua chi pletic riqꞌuineb li ralal xcꞌajol laj Benjamín, chanqueb. Ut li Dios quixye reheb: —Eb li ralal xcꞌajol laj Judá, aꞌaneb li teꞌxic xbe̱n cua, chan.

Jueces 21:8

Ut queꞌxye chi ribileb rib: —¿Ma cuanqueb saꞌ xya̱nkeb li ralal xcꞌajol laj Israel li incꞌaꞌ queꞌxchꞌutub ribeb chiru li Ka̱cuaꞌ arin Mizpa? chanqueb. Ut queꞌxqꞌue retal nak eb li cuanqueb Jabes-galaad incꞌaꞌ queꞌcuan aran nak queꞌxchꞌutub ribeb.

Jueces 21:11

Te̱camsiheb ajcuiꞌ chixjunileb li cui̱nk ut eb li ixk li ac cuanjenakeb riqꞌuin cui̱nk, chanqueb.

Jueces 21:13

Ut eb li chꞌutchꞌu̱queb queꞌxtakla resil riqꞌuineb li ralal xcꞌajol laj Benjamín li cuanqueb saꞌ li sako̱nac aran Rimón. Queꞌxbokeb re nak teꞌxcꞌam cuiꞌchic ribeb saꞌ usilal.