Jueces 21:10 - Li Santil hu

¹⁰ Ut eb li chꞌutchꞌu̱queb aran queꞌxsiqꞌueb ru cablaju mil lix soldado li kꞌaxal cauheb rib chi pletic ut queꞌxye reheb: —Texxic aran Jabes-galaad ut te̱camsiheb chixjunileb li cuanqueb aran, joꞌ ixk, joꞌ cocꞌal.

Q'eqchi Bible

^10-11 Toja' naq sa' komonil ke'xtaqlaheb' kab'laju mil chi winq kaweb' rib' ut ke'xchaq'rab'iheb' chi jo'ka'in: “Ayuqex ut kamsihomaq chaq chi ch'iich' eb' laj Yabés re Galahad. Teekamsi ajwi' eb' li ixq ak wanjenaqeb' rik'in winq ut li kok'al”. Ut jo'kan ke'xb'aanu.

Jueces 21:10 ပူးပေါင်းရင်းမြစ်များ

1 Samuel 11:7

Quixchap cuib li bo̱yx ut quixsetiheb. Quixtakla li tib saꞌ chixjunileb li tenamit Israel. Quixtakla xyebal reheb: —Joꞌcaꞌin takaba̱nu reheb lix bo̱yxeb li incꞌaꞌ teꞌoque̱nk chixtenkꞌanquil chi pletic laj Saúl ut laj Samuel, chan. Cꞌajoꞌ nak queꞌxucuac eb laj Israel. Chi junajeb xchꞌo̱leb queꞌxchꞌutub ribeb re teꞌxic chi pletic.

Jueces 21:5

Queꞌxye chi ribileb rib: —¿Ma cuanqueb kacomon incꞌaꞌ queꞌcuulac nak kachꞌutub kib aran Mizpa re xlokꞌoninquil li Ka̱cuaꞌ? La̱o kaba̱nu li juramento nak teꞌcamsi̱k li incꞌaꞌ queꞌcuulac chixchꞌutubanquil ribeb Mizpa, chanqueb.

Jueces 5:23

Lix ángel li Ka̱cuaꞌ quixye, “Chetzꞌekta̱naheb li cuanqueb saꞌ li tenamit Meroz xban nak incꞌaꞌ queꞌco̱eb chi pletic. Chetzꞌekta̱naheb xban nak incꞌaꞌ queꞌxtenkꞌaheb lix soldado li Ka̱cuaꞌ nak queꞌpletic riqꞌuineb li cuanqueb xcuanquil.”

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Josué 7:24

Laj Josué ut chixjunileb laj Israel queꞌxchap laj Acán ut queꞌxcꞌam saꞌ li ru takꞌa Acor rochben li plata, li tꞌicr, li oro, ut eb li ralal xcꞌajol joꞌ ixk joꞌ cui̱nk. Queꞌxcꞌam ajcuiꞌ lix bo̱yx, lix bu̱r ut eb lix carner. Ut queꞌxcꞌam ajcuiꞌ lix muheba̱l. Chixjunil li cꞌaꞌru cuan re queꞌxcꞌam.

Deuteronomio 13:15

tento nak teꞌcamsi̱k chi chꞌi̱chꞌ chixjunileb li cuanqueb saꞌ li tenamit aꞌan. Teꞌsachekꞌ ru chi junaj cua, joꞌ cristian, joꞌ eb ajcuiꞌ lix queto̱mk.

Números 31:17

Anakcuan tento nak te̱camsiheb chixjunileb li cocꞌ te̱lom ut te̱camsiheb ajcuiꞌ li ixk li ac cuanjenakeb riqꞌuin cui̱nk.

Jueces 21:8

Ut queꞌxye chi ribileb rib: —¿Ma cuanqueb saꞌ xya̱nkeb li ralal xcꞌajol laj Israel li incꞌaꞌ queꞌxchꞌutub ribeb chiru li Ka̱cuaꞌ arin Mizpa? chanqueb. Ut queꞌxqꞌue retal nak eb li cuanqueb Jabes-galaad incꞌaꞌ queꞌcuan aran nak queꞌxchꞌutub ribeb.

Jueces 21:9

Queꞌxnau nak ma̱ aniheb xban nak queꞌpatzꞌeꞌ xcꞌabaꞌeb ut ma̱ jun re li tenamit Jabes-galaad queꞌchakꞌoc xban nak ma̱ aniheb.