Jueces 20:5 - Li Santil hu

⁵ Chiru li kꞌojyi̱n aꞌan, eb laj Gabaa queꞌxsut li cab li cuanco cuiꞌ. Queꞌraj raj incamsinquil. Ut queꞌxba̱nu raylal re li cuixakil toj retal queꞌxcamsi.

Q'eqchi Bible

⁵ Ab'anan sa' ajwi' li q'oqyink a'an eb' laj Kibehá xe'chalk sa' inb'een ut xe'xsut li ochoch. Xe'raj raj inkamsinkil, ut k'ajo' naq xe'xb'atz'une li wixaqil toj reetal xkamk.

Jueces 20:5 ပူးပေါင်းရင်းမြစ်များ

Jueces 19:22

Nak sa saꞌ xchꞌo̱leb, queꞌcuulac jun chꞌu̱tal li cui̱nk li incꞌaꞌ useb xnaꞌleb. Queꞌxsut li cab ut yo̱queb chixtꞌochbal li puerta ut queꞌxye re li che̱quel cui̱nk, laj e̱chal re li cab: —Isi chak li cui̱nk li xacꞌul saꞌ la̱ cuochoch. Takaj ma̱cobc riqꞌuin, chanqueb.

Deuteronomio 22:24

aꞌaneb tento nak teꞌcꞌamekꞌ chi xcabichaleb chiruheb laj rakol a̱tin saꞌ li oqueba̱l re li tenamit ut teꞌcutekꞌ chi pec toj retal teꞌcamsi̱k. Ta̱camsi̱k li ixk xban nak incꞌaꞌ quixjap re saꞌ li tenamit chixcolbal rib. Ut li cui̱nk ta̱camsi̱k xban nak quixmux ru li rixakil li ras ri̱tzꞌin. Chi joꞌcaꞌin te̱risi li ma̱usilal saꞌ e̱ya̱nk.

Deuteronomio 22:21

li xkaꞌal ta̱cꞌamekꞌ chiru li puerta re li rochoch lix yucuaꞌ ut eb li cui̱nk saꞌ li tenamit aꞌan teꞌxcuti chi pec toj retal teꞌxcamsi xban nak xba̱nu li incꞌaꞌ us nak toj cuan saꞌ rochoch lix yucuaꞌ. Chi joꞌcaꞌin te̱risi li ma̱usilal aꞌan saꞌ e̱ya̱nk la̱ex.

Jueces 19:28

Li cui̱nk quixye re: —Cuaclin, yoꞌo, chan. Abanan li ixk incꞌaꞌ quichakꞌoc xban nak ac camenak chic. Li cui̱nk quixqꞌue li camenak chirix li bu̱r ut co̱ saꞌ rochoch.

Jueces 20:4

Ut li cui̱nk laj levita li quicamsi̱c rixakil quixye reheb: —La̱in cuochben li cuixakil xo-oc chi cua̱rc saꞌ li tenamit Gabaa li cuan saꞌ xnaꞌajeb li ralal xcꞌajol laj Benjamín.

Levítico 18:24

Me̱mux e̱rib xba̱nunquil li cꞌaꞌak re ru aꞌin xban nak aꞌan incꞌaꞌ us. Aꞌan lix ma̱usilaleb li tenamit li tincuisi saꞌ li naꞌajej li tex-oc cuiꞌ.

Josué 7:15

Ut li cui̱nk li xxococ re li cꞌaꞌru tento raj xsachman, aꞌan li cuan xma̱c. Aꞌan ta̱cꞌatekꞌ rochben li rixakil ut li ralal xcꞌajol joꞌ ajcuiꞌ chixjunil li cꞌaꞌru cuan re xban nak xba̱nu li incꞌaꞌ us saꞌ xya̱nkeb laj Israel nak quixkꞌet li contrato li quinba̱nu riqꞌuineb, chan li Ka̱cuaꞌ.