Jueces 20:34 - Li Santil hu

³⁴ Laje̱b mil chi soldado, li sicꞌbileb ru saꞌ xya̱nkeb li ralal xcꞌajol laj Israel, queꞌxtiquib pletic saꞌ li tenamit Gabaa ut cau queꞌpletic. Ma̱cꞌaꞌ saꞌ xchꞌo̱leb li ralal xcꞌajol laj Benjamín nak oc re xsachbal ruheb.

Q'eqchi Bible

³⁴ Lajeeb' mil chi winq aj Israel sik'b'ileb' ru ke'wulak sa' xka'yab'aal Kibehá ut ke'xtikib' yalok chi kaw, chi ink'a' ke'xk'e reetal eb' laj Benjamín li nimla rahilal li yo chi chalk sa' xb'eeneb'.

Jueces 20:34 ပူးပေါင်းရင်းမြစ်များ

Josué 8:14

Nak eb laj Josué cuanqueb saꞌ li ru takꞌa, li rey re li tenamit Hai quirileb. Ut saꞌ junpa̱t quixchꞌutubeb lix soldado re nak teꞌxic chi pletic riqꞌuineb laj Israel saꞌ li ru takꞌa Jordán. Abanan incꞌaꞌ queꞌxnau nak cuanqueb ta yijach lix soldado eb aj Israel mukmu̱queb chirix lix tenamiteb.

Isaías 47:11

Ta̱cha̱lk li raylal saꞌ e̱be̱n ut incꞌaꞌ ta̱ru̱k te̱col e̱rib chiru usta la̱ex aj kꞌe. Chi ma̱cꞌaꞌ saꞌ e̱chꞌo̱l te̱cꞌul li raylal ut ma̱cꞌaꞌ ta̱ru̱k te̱ba̱nu re xcolbal e̱rib. Chi incꞌaꞌ nequenau kꞌaxal ra te̱cꞌul.

Li xHu LAJ JOB 21:13

Nak cuanqueb saꞌ ruchichꞌochꞌ cuanqueb nabal cꞌaꞌru reheb. Ut nak nequeꞌcam incꞌaꞌ nequeꞌcꞌuluc raylal.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

San Mateo 24:44

Joꞌcan ajcuiꞌ la̱ex yoꞌon cua̱nkex chi oybeni̱nc xban nak incꞌaꞌ nequenau jokꞌe ho̱nal tincuulak la̱in li Cꞌajolbej. Tincuulak chi ma̱cꞌaꞌ saꞌ e̱chꞌo̱l.

Eclesiastés 9:12

Li cui̱nk incꞌaꞌ naxnau jokꞌe tixcꞌul junak chꞌaꞌajquilal. Chanchaneb li car li nequeꞌchapeꞌ riqꞌuin yoy. Ut chanchaneb li xul li nequeꞌchapeꞌ riqꞌuin raꞌal. Joꞌcan ajcuiꞌ nequeꞌxcꞌul li cui̱nk. Eb aꞌan nequeꞌxcꞌul li chꞌaꞌajquilal chi ma̱cꞌaꞌeb saꞌ xchꞌo̱l nak nacuulac xkꞌehil.

Proverbios 29:6

Li ma̱c li nequeꞌxba̱nu li incꞌaꞌ useb xnaꞌleb, aꞌan ajcuiꞌ li nasachoc reheb. Abanan li ti̱queb xchꞌo̱l junelic nequeꞌbichan xban xsahileb xchꞌo̱l.

Proverbios 4:19

Abanan eb li incꞌaꞌ useb xnaꞌleb cuanqueb saꞌ xkꞌojyi̱nal ru li ma̱c xban li ma̱usilal nequeꞌxba̱nu. Moco teꞌxnau ta cꞌaꞌru ta̱cha̱lk saꞌ xbe̱neb.

Jueces 20:35

Li Ka̱cuaꞌ quixtenkꞌaheb li ralal xcꞌajol laj Israel chi numta̱c saꞌ xbe̱neb li ralal xcꞌajol laj Benjamín. O̱b xcaꞌcꞌa̱l mil riqꞌuin jun ciento (25,100) lix soldado li ralal xcꞌajol laj Benjamín queꞌcamsi̱c saꞌ li cutan aꞌan.