Jueces 20:25 - Li Santil hu

²⁵ Ut joꞌcan cuiꞌchic queꞌxcꞌul. Eb li ralal xcꞌajol laj Benjamín queꞌel saꞌ li tenamit Gabaa ut queꞌxcamsiheb cuakxaklaju mil (18,000) chic li soldado li nequeꞌxnau pletic chi us.

Q'eqchi Bible

²⁵ Ab'anan jo'kan wi' chik ke'xk'ul. Eb' laj Benjamín ke'elk chaq Kibehá chi xk'ulb'aleb' ut ke'xkamsiheb' waqxaqlaju mil chik aj puub' aj Israel.

Jueces 20:25 ပူးပေါင်းရင်းမြစ်များ

Jueces 20:21

Ut eb li ralal xcꞌajol laj Benjamín queꞌel saꞌ li tenamit Gabaa ut queꞌxcamsiheb cuib xcaꞌcꞌa̱l mil (22,000) chi soldado aj Israel saꞌ li cutan aꞌan.

Romanos 11:33

Relic chi ya̱l nak kꞌaxal numtajenak li ruxta̱n li Dios. Aꞌan naxnau chixjunil. Numtajenak cuiꞌchic lix naꞌleb. Ma̱ ani nataꞌoc ru chanru nak narakoc a̱tin. Ut ma̱ ani nataꞌoc ru li naxba̱nu.

Romanos 3:5

Cuanqueb nequeꞌyehoc nak riqꞌuin li ma̱usilal nacꞌutun chi us li rusilal li Dios. Joꞌcan nak us xba̱nunquil li ma̱usilal re nak ta̱cꞌutu̱nk xcha̱bilal li Dios. Incꞌaꞌ us cui li Dios nocoxqꞌue chi xtojbal li kama̱c, chanqueb. Aban ma̱cuaꞌ aꞌan li naxye li Dios. Incꞌaꞌ naru nakaye nak incꞌaꞌ toxqꞌue chixtojbal li kama̱c xban nak nakanau nak ti̱c xchꞌo̱l li Dios. Joꞌcan nak tixqꞌue chixtojbal xma̱c laj ma̱c.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Salmos 97:2

Li Ka̱cuaꞌ quixcꞌutbesi rib saꞌ li chok kꞌojyi̱n ru. Li Ka̱cuaꞌ narakoc a̱tin saꞌ xya̱lal ut nataklan saꞌ ti̱quilal.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Jueces 20:24

Joꞌcan nak queꞌco̱eb cuiꞌchic chi pletic riqꞌuineb li ralal xcꞌajol laj Benjamín saꞌ xcab li cutan.

Jueces 20:26

Ut chixjunileb laj Israel queꞌco̱eb Bet-el. Queꞌxchꞌutub ribeb chiru li Ka̱cuaꞌ. Queꞌtijoc ut queꞌayunic toj qui-ecuu. Queꞌxmayeja li cꞌatbil xul ut queꞌxqꞌue ajcuiꞌ li mayej re xcꞌambaleb rib saꞌ usilal riqꞌuin li Dios.

Génesis 49:27

Ut la̱at, Benjamín, tatinjuntakꞌe̱ta riqꞌuin li joskꞌ aj xoj xban nak la̱at joꞌ eb la̱ cualal a̱cꞌajol nabal li pletic te̱ba̱nu riqꞌuineb li xicꞌ teꞌilok e̱re. Ekꞌela texxic chi pletic ut ecuu te̱jeqꞌui li cꞌaꞌru te̱makꞌ chak chiruheb nak texpletik, chan laj Israel.

Oseas 10:9

Li Ka̱cuaꞌ quixye reheb laj Israel: —Chalen nak quetiquib chak ma̱cobc aran Gabaa toj chalen anakcuan toj yo̱quex ajcuiꞌ chi ma̱cobc chicuu. Ut nak quicuan li ple̱t aran Gabaa riqꞌuineb li incꞌaꞌ useb xnaꞌleb, la̱ex incꞌaꞌ quex-osoꞌ.