Jueces 20:23 - Li Santil hu

²³ Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 20:23 ပူးပေါင်းရင်းမြစ်များ

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Josué 7:6

Laj Josué ut eb li nequeꞌcꞌamoc be saꞌ xya̱nkeb laj Israel queꞌxkꞌich li rakꞌeb ut queꞌxcut rib saꞌ chꞌochꞌ chiru li Lokꞌlaj Ca̱x xban xrahil xchꞌo̱leb ut queꞌxqꞌue poks saꞌ xjolomeb ut queꞌcana aran toj qui-ecuu.

Jueces 20:18

Eb laj Israel queꞌco̱eb Bet-el saꞌ li rochoch li Dios chi tijoc. Queꞌxye re li Dios: —At Ka̱cuaꞌ, ba̱nu usilal, cꞌut chiku aniheb li teꞌxic xbe̱n cua chi pletic riqꞌuineb li ralal xcꞌajol laj Benjamín, chanqueb. Ut li Dios quixye reheb: —Eb li ralal xcꞌajol laj Judá, aꞌaneb li teꞌxic xbe̱n cua, chan.

Josué 7:7

Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.

Jueces 20:22

Eb li ralal xcꞌajol laj Israel queꞌxcacuubresi cuiꞌchic xchꞌo̱leb re nak teꞌxic cuiꞌchic chi pletic saꞌ li naꞌajej li queꞌco̱eb cuiꞌ saꞌ li xbe̱n cutan.

Jueces 20:24

Joꞌcan nak queꞌco̱eb cuiꞌchic chi pletic riqꞌuineb li ralal xcꞌajol laj Benjamín saꞌ xcab li cutan.

1 Samuel 11:4

Eb li takl queꞌcuulac aran Gabaa saꞌ lix tenamit laj Saúl ut queꞌxye reheb li cꞌaꞌru teꞌxba̱nu eb laj Amón. Nak queꞌrabi li resil aꞌan, queꞌrahoꞌ xchꞌo̱leb ut queꞌoc chi ya̱bac chixjunileb li tenamit.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Jueces 21:2

Ut chixjunileb laj Israel queꞌxchꞌutub ribeb aran Bet-el. Queꞌxnumsi li cutan aꞌan chiru li Ka̱cuaꞌ toj qui-ecuu. Queꞌya̱bac chi cau ut queꞌxye:

1 Samuel 7:6

Ut queꞌxchꞌutub ribeb aran Mizpa. Queꞌrisi li haꞌ saꞌ li becbil haꞌ ut queꞌxhoy chiru li Ka̱cuaꞌ chokꞌ xmayejeb. Queꞌxba̱nu x-ayu̱n chiru li cutan aꞌan. Queꞌxxo̱to xma̱queb ut queꞌxye: —Xoma̱cob chiru li Ka̱cuaꞌ, chanqueb. Ut aran Mizpa laj Samuel quicana chokꞌ aj rakol a̱tin saꞌ xbe̱neb li ralal xcꞌajol laj Israel.

1 Samuel 10:3

La̱at tat-e̱lk saꞌ li naꞌajej aꞌan ut tatxic toj tatcuulak cuan cuiꞌ li nimla cheꞌ ji aran Tabor. Aran ta̱cꞌuleb oxib li cui̱nk li yo̱queb chi xic Bet-el chixlokꞌoninquil li Dios. Li jun yo̱k chixcꞌambal oxib li cocꞌ chiba̱t. Li xcab yo̱k chixcꞌambal oxib li caxlan cua. Ut li rox yo̱k chixcꞌambal jun botella li vino.

2 Samuel 3:35

Queꞌxye re laj David nak tento nak ta̱cuaꞌak. Abanan laj David incꞌaꞌ quicuaꞌac ut quixye: —Li Dios taxak chiqꞌuehok cue chixtojbal inma̱c cui tintzaca yalak cꞌaꞌru chi tzacae̱mkil nak toj ma̱jiꞌ na-ecuu, chan.