Jueces 20:18 - Li Santil hu

¹⁸ Eb laj Israel queꞌco̱eb Bet-el saꞌ li rochoch li Dios chi tijoc. Queꞌxye re li Dios: —At Ka̱cuaꞌ, ba̱nu usilal, cꞌut chiku aniheb li teꞌxic xbe̱n cua chi pletic riqꞌuineb li ralal xcꞌajol laj Benjamín, chanqueb. Ut li Dios quixye reheb: —Eb li ralal xcꞌajol laj Judá, aꞌaneb li teꞌxic xbe̱n cua, chan.

Q'eqchi Bible

¹⁸ Eb' laj Israel koheb' ut ke'taqe'k Betel. Aran ke'xpatz' re li Yos: “Ani qe laa'o taaxik xb'enwa chi yalok rik'ineb' laj Benjamín?”, chankeb'. Ut li Qaawa' kixsumeheb': “Eb' laj Judá a'aneb' li te'xik xb'enwa”, chan.

Jueces 20:18 ပူးပေါင်းရင်းမြစ်များ

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Números 27:21

Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

Joel 1:14

Yehomak resil reheb li che̱quel cristian joꞌqueb ajcuiꞌ chixjunileb li tenamit nak teꞌxchꞌutub ribeb saꞌ lix templo li Ka̱cuaꞌ le̱ Dios re nak te̱ba̱nu e̱-ayu̱n. Ut te̱tzꞌa̱ma e̱tenkꞌanquil riqꞌuin li nimajcual Dios.

Jueces 20:7

Che̱junilex li cuanquex arin, la̱ex aj Israel. La̱ex te̱ye cꞌaꞌru takaba̱nu anakcuan, chan.

Jueces 19:18

Laj levita quixye re: —Yal numecꞌ yo̱co arin. Belén xochal chak, li cuan xcue̱nt Judá. Xic ke saꞌ kochoch. Najt cuanco chak toj saꞌ xnaꞌajeb li ralal xcꞌajol laj Efraín, li tzu̱l ru. Xincuulac chak Belén ut anakcuan xic ke saꞌ rochoch li Dios. Ma̱ ani nayechiꞌin kanaꞌaj re tocua̱rk cuiꞌ.

Jueces 18:31

Ut li yi̱banbil dios, li quixyi̱b laj Micaía, quicuan saꞌ xya̱nkeb laj Dan joꞌ najtil quicuan li rochoch li Ka̱cuaꞌ Dios aran Silo.

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Josué 9:14

Eb laj Israel queꞌxchap lix cuaheb ut queꞌril. Abanan incꞌaꞌ queꞌxtzꞌa̱ma chiru li Dios cꞌaꞌru us teꞌxba̱nu.

Números 27:5

Ut laj Moisés quixpatzꞌ re li Dios cꞌaꞌru tixba̱nu.

Jueces 20:17

Ut eb li cui̱nk aj Israel li queꞌco̱eb chi pletic riqꞌuineb laj Benjamín, cuanqueb ca̱hib ciento mil li cui̱nk li cuanqueb xchꞌi̱chꞌ. Chixjunileb li cui̱nk aꞌan nequeꞌxnau pletic.

Jueces 20:19

Cuulajak chic eb laj Israel queꞌco̱eb ut queꞌxyi̱b lix muheba̱leb nachꞌ riqꞌuin li tenamit Gabaa.

1 Samuel 10:3

La̱at tat-e̱lk saꞌ li naꞌajej aꞌan ut tatxic toj tatcuulak cuan cuiꞌ li nimla cheꞌ ji aran Tabor. Aran ta̱cꞌuleb oxib li cui̱nk li yo̱queb chi xic Bet-el chixlokꞌoninquil li Dios. Li jun yo̱k chixcꞌambal oxib li cocꞌ chiba̱t. Li xcab yo̱k chixcꞌambal oxib li caxlan cua. Ut li rox yo̱k chixcꞌambal jun botella li vino.