Jueces 20:13 - Li Santil hu

¹³ Kꞌaxtesihomakeb saꞌ kukꞌ eb li cui̱nk aj Gabaa, li xeꞌxba̱nu li ma̱usilal. Takacamsiheb re nak ta̱e̱lk li ma̱usilal saꞌ li katenamit Israel, chanqueb. Abanan eb li ralal xcꞌajol laj Benjamín incꞌaꞌ queꞌraj rabinquil li cꞌaꞌru queꞌxye li rech aj Israelil.

Q'eqchi Bible

¹³ Anaqwan ajwi' q'axtesihomaqeb' sa' quq' li maa'us aj winqeb' a'an li wankeb' Kibehá, re naq te'qakamsi ut chisachq chi junajwa li maa'usilal sa' li tenamit Israel”. Ab'anan eb' laj Benjamín ink'a' ke'raj rab'inkileb' li rech aj Israelil,

Jueces 20:13 ပူးပေါင်းရင်းမြစ်များ

Jueces 19:22

Nak sa saꞌ xchꞌo̱leb, queꞌcuulac jun chꞌu̱tal li cui̱nk li incꞌaꞌ useb xnaꞌleb. Queꞌxsut li cab ut yo̱queb chixtꞌochbal li puerta ut queꞌxye re li che̱quel cui̱nk, laj e̱chal re li cab: —Isi chak li cui̱nk li xacꞌul saꞌ la̱ cuochoch. Takaj ma̱cobc riqꞌuin, chanqueb.

Deuteronomio 17:12

Cui cuan junak naxkꞌetkꞌeti rib chiruheb laj tij ut laj rakol a̱tin ut incꞌaꞌ tixba̱nu li teꞌxye eb aꞌan li yo̱queb chi cꞌanjelac chiru li Ka̱cuaꞌ le̱ Dios, tento nak ta̱teneba̱k ca̱mc saꞌ xbe̱n aꞌan. Tento nak te̱risi li ma̱usilal saꞌ e̱ya̱nk la̱ex aj Israel.

Deuteronomio 13:13

nak cuanqueb cui̱nk incꞌaꞌ useb xnaꞌleb yo̱keb chixcꞌambal xbe li tenamit chixlokꞌoninquil li jalan Dios li incꞌaꞌ xelokꞌoni la̱ex.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

Oseas 10:9

Li Ka̱cuaꞌ quixye reheb laj Israel: —Chalen nak quetiquib chak ma̱cobc aran Gabaa toj chalen anakcuan toj yo̱quex ajcuiꞌ chi ma̱cobc chicuu. Ut nak quicuan li ple̱t aran Gabaa riqꞌuineb li incꞌaꞌ useb xnaꞌleb, la̱ex incꞌaꞌ quex-osoꞌ.

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Eclesiastés 11:10

Checanabak xcꞌoxlanquil li cꞌaꞌak re ru nachꞌiꞌchꞌiꞌin e̱re joꞌ ajcuiꞌ li chꞌaꞌajquilal. Chenauhak nak incꞌaꞌ najt texcua̱nk saꞌ le̱ sa̱jilal. Joꞌcan nak ma̱cꞌaꞌ na-oc cuiꞌ li cꞌaꞌru te̱ba̱nu.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

2 Crónicas 25:20

Laj Amasías incꞌaꞌ qui-abin chiru xban nak ac cuan saꞌ xchꞌo̱l li Dios nak tixkꞌaxtesi laj Amasías saꞌ rukꞌ li rey Joás. Quixba̱nu chi joꞌcan xban nak quixtiquib xlokꞌoninquil li jalanil dios li queꞌxlokꞌoni eb laj Edom.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

2 Crónicas 13:7

Ut queꞌxchꞌutub ribeb nabaleb li cui̱nk li incꞌaꞌ useb xnaꞌleb riqꞌuin laj Jeroboam. Ut eb aꞌan queꞌxkꞌetkꞌeti ribeb chiru laj Roboam xban nak laj Roboam toj sa̱j ut toj ma̱jiꞌ cau xchꞌo̱l chi takla̱nc. Joꞌcan nak incꞌaꞌ quiru xcolbal rib chiruheb.

1 Reyes 21:13

Ut queꞌcuulac li cui̱nk li incꞌaꞌ useb xnaꞌleb. Queꞌchunla chiru laj Nabot ut queꞌxye li ticꞌtiꞌ chiruheb li tenamit. Queꞌxye nak laj Nabot quixmajecua li Dios ut quixmajecua ajcuiꞌ li rey. Ut queꞌxcꞌam laj Nabot chire tenamit ut queꞌxcuti chi pec toj retal quicam.

2 Samuel 23:6

Abanan eb li nequeꞌxba̱nu li ma̱usilal chanchaneb li qꞌuix li michꞌbil ut tzꞌekta̱nanbil. Ut ma̱ ani naru nachꞌeꞌoc re riqꞌuin li rukꞌ.

2 Samuel 20:1

Saꞌ li tenamit Gilgal quicuan jun li cui̱nk incꞌaꞌ us xnaꞌleb. Aꞌan laj Seba, ralal laj Bicri. Xcomoneb li ralal xcꞌajol laj Benjamín. Laj Seba quixya̱basi li trompeta re xchꞌutubanquileb li tenamit, ut quixye reheb: —La̱o ma̱cꞌaꞌ nakara chirix laj David li ralal laj Isaí. Ma̱cꞌaꞌ tixqꞌue ke. Chikajunilo toxic saꞌ kamuheba̱l, chan.

1 Samuel 30:22

Abanan cuanqueb saꞌ xya̱nkeb li queꞌco̱eb chirix laj David incꞌaꞌ us xnaꞌlebeb. Queꞌxye re laj David: —Eb aꞌan incꞌaꞌ xeꞌco̱eb chikix. Incꞌaꞌ naru teꞌxcꞌul li cꞌaꞌru xke̱chani chak. Caꞌaj cui li rixakileb ut lix cocꞌaleb teꞌqꞌuehekꞌ reheb, chanqueb.

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Deuteronomio 24:7

Cui junak li cui̱nk ta̱relkꞌa li rech aj Israelil ut tixqꞌue joꞌ jun lix mo̱s malaj ut naxcꞌayi, tento nak ta̱camsi̱k li ani qui-elkꞌan re. Tento nak te̱risi saꞌ e̱ya̱nk chixjunil li ma̱usilal aꞌan.

Deuteronomio 22:24

aꞌaneb tento nak teꞌcꞌamekꞌ chi xcabichaleb chiruheb laj rakol a̱tin saꞌ li oqueba̱l re li tenamit ut teꞌcutekꞌ chi pec toj retal teꞌcamsi̱k. Ta̱camsi̱k li ixk xban nak incꞌaꞌ quixjap re saꞌ li tenamit chixcolbal rib. Ut li cui̱nk ta̱camsi̱k xban nak quixmux ru li rixakil li ras ri̱tzꞌin. Chi joꞌcaꞌin te̱risi li ma̱usilal saꞌ e̱ya̱nk.

Deuteronomio 22:21

li xkaꞌal ta̱cꞌamekꞌ chiru li puerta re li rochoch lix yucuaꞌ ut eb li cui̱nk saꞌ li tenamit aꞌan teꞌxcuti chi pec toj retal teꞌxcamsi xban nak xba̱nu li incꞌaꞌ us nak toj cuan saꞌ rochoch lix yucuaꞌ. Chi joꞌcaꞌin te̱risi li ma̱usilal aꞌan saꞌ e̱ya̱nk la̱ex.

Deuteronomio 21:21

Ut chixjunileb li cui̱nk li cuanqueb saꞌ li tenamit aꞌan teꞌxcuti chi pec toj retal ta̱ca̱mk. Chi joꞌcaꞌin te̱risi li ma̱usilal saꞌ e̱ya̱nk. Ut chixjunileb laj Israel teꞌrabi resil ut teꞌxucuak xban.

Deuteronomio 19:19

tojoꞌnak te̱ba̱nu re aꞌan joꞌ quiraj raj xba̱nunquil re li ras ri̱tzꞌin. Tento nak te̱risi li ma̱usilal saꞌ e̱ya̱nk.

Deuteronomio 17:7

Li ani teꞌyehok re nak cuan xma̱c, aꞌaneb li xbe̱n li teꞌcutuk re chi pec. Chirix aꞌan, eb li jun chꞌol chic teꞌxcut chi pec. Chi joꞌcaꞌin te̱risi saꞌ e̱ya̱nk li naꞌleb li incꞌaꞌ us.

Deuteronomio 13:5

Te̱qꞌue chi camsi̱c li profeta aj balakꞌ malaj ut li naxchꞌolob xya̱lal li matcꞌ cui teꞌxye e̱re nak te̱kꞌetkꞌeti e̱rib chiru li Ka̱cuaꞌ le̱ Dios li qui-isin chak e̱re Egipto li quexcuan cuiꞌ chokꞌ rahobtesinbil mo̱s. Incꞌaꞌ cha̱bil aꞌan xban nak quixye e̱re nak te̱tzꞌekta̱na li Ka̱cuaꞌ ut te̱canab xba̱nunquil li chakꞌrab li quixqꞌue e̱re. Tento nak te̱risi li ma̱usilal saꞌ e̱ya̱nk.

1 Corintios 5:13

Abanan la̱o torakok a̱tin saꞌ xbe̱neb li kech aj pa̱banelil li yo̱queb chi ma̱cobc saꞌ kaya̱nk. Joꞌcan nak tento te̱risi saꞌ e̱ya̱nk li cui̱nk aꞌan li yo̱ chi ma̱cobc.

2 Corintios 6:15

¿Ma naru ta biꞌ ta̱cua̱nk chi sum a̱tin li Cristo riqꞌuin laj tza? ¿Ma naru ta biꞌ teꞌcua̱nk chi sum a̱tin laj pa̱banel riqꞌuineb li toj ma̱jiꞌ nequeꞌpa̱ban?

Jueces 20:12

Ut queꞌxtakla resil saꞌ xya̱nkeb li ralal xcꞌajol laj Benjamín ut queꞌxye: —¿Cꞌaꞌut nak xeꞌxba̱nu li ma̱usilal aꞌin saꞌ e̱ya̱nk?

Jueces 20:14

Chixjunileb li ralal xcꞌajol laj Benjamín queꞌchal yalak bar. Queꞌxchꞌutub ribeb aran Gabaa chi pletic riqꞌuineb li rech aj Israelil.

Deuteronomio 13:6

Cui ani tixye e̱re saꞌ mukmu nak te̱lokꞌoni li jalanil dios, me̱ba̱nu chi joꞌcan. Me̱ba̱nu aꞌan usta le̱ ras, usta le̱ ralal malaj ut le̱ rabin, usta le̱ rixakil li nequera, usta li tzꞌakal e̱rami̱g li ta̱yehok e̱re nak te̱lokꞌoniheb li jalanil dios li incꞌaꞌ xelokꞌoni ruheb, chi moco xeꞌxlokꞌoni le̱ naꞌ e̱yucuaꞌ.