Jueces 2:22 - Li Santil hu

²² Tinba̱nu chi joꞌcaꞌin re xyalbal rixeb laj Israel ma teꞌxba̱nu na li cꞌaꞌru ninye joꞌ queꞌxba̱nu lix xeꞌto̱nil xyucuaꞌeb malaj ut incꞌaꞌ, chan li Ka̱cuaꞌ.

Q'eqchi Bible

²² Jo'ka'in naq li Qaawa' kiraj xyalb'al rixeb' laj Israel re rilb'al ma te'xtaaqe tana li chaab'il b'e malaj ut ink'a', jo' ke'xb'aanu chaq li xna' xyuwa'eb'.

Jueces 2:22 ပူးပေါင်းရင်းမြစ်များ

Deuteronomio 8:2

Chijulticokꞌ e̱re chanru nak li Ka̱cuaꞌ le̱ Dios quicꞌamoc be che̱ru chiru caꞌcꞌa̱l chihab nak cuanquex chak saꞌ li chaki chꞌochꞌ. Quixtakla li raylal saꞌ e̱be̱n re xyalbal e̱rix, ut re te̱cubsi e̱rib, ut re ajcuiꞌ nak tixnau cꞌaꞌru cuan saꞌ le̱ chꞌo̱l, ma te̱ba̱nu lix chakꞌrab malaj ut incꞌaꞌ.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Deuteronomio 13:3

me̱pa̱b li cꞌaꞌru tixye e̱re li profeta aꞌan, chi moco li naxye xya̱lal li matcꞌ. Li Ka̱cuaꞌ le̱ Dios yo̱k chixyalbal e̱rix re rilbal ma nequera li Ka̱cuaꞌ chi anchal e̱chꞌo̱l ut chi anchal e̱metzꞌe̱u.

Proverbios 17:3

Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

Génesis 22:1

Mokon chic li Dios quixyal rix lix pa̱ba̱l laj Abraham. Li Dios quixye re: —Abraham.— Ut aꞌan quixye: —Cueꞌquin, Ka̱cuaꞌ.—

Salmos 66:10

At inDios, la̱at xatyaloc rix li kapa̱ba̱l. Xacuisi li kama̱usilal joꞌ nak na-isi̱c lix tzꞌajnil li plata saꞌ li xam.

Li xHu LAJ JOB 23:10

Abanan aꞌan naxnau chixjunil li cꞌaꞌru ninba̱nu. Nak naxyal rix lin pa̱ba̱l, naril nak ma̱cꞌaꞌ inma̱c. Chanchan li tzꞌakal oro li ma̱cꞌaꞌ xtzꞌajnil.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

Éxodo 15:25

Ut laj Moisés quitijoc chiru li Ka̱cuaꞌ Dios. Li Dios quixcꞌut jun to̱n li cheꞌ chiru laj Moisés. Laj Moisés quixcut li cheꞌ aꞌan saꞌ li haꞌ ut quicha̱biloꞌ li haꞌ. Sa chic rucꞌbal. Li Ka̱cuaꞌ Dios quixqꞌue jun li chakꞌrab reheb ut quixyaleb saꞌ lix pa̱ba̱leb.

Jueces 2:23

Joꞌcan nak li Ka̱cuaꞌ quixcanabeb li tenamit chi cua̱nc saꞌ li naꞌajej aꞌan. Incꞌaꞌ quirisiheb saꞌ junpa̱t li tenamit li incꞌaꞌ quixkꞌaxtesiheb saꞌ rukꞌ laj Josué nak toj yoꞌyo.