Jueces 2:19 - Li Santil hu

¹⁹ Ut nak nacam laj rakol a̱tin, nequeꞌoc cuiꞌchic xba̱nunquil li ma̱usilal eb laj Israel ut kꞌaxal cuiꞌchic yibru li nequeꞌxba̱nu chiru li queꞌxba̱nu chak lix naꞌ xyucuaꞌeb. Nequeꞌxlokꞌoni li jalanil dios ut nequeꞌcꞌanjelac chiruheb. Ut incꞌaꞌ nequeꞌxcanab xba̱nunquil li ma̱usilal xban nak kꞌaxal cauheb xchꞌo̱l.

Q'eqchi Bible

¹⁹ Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

Jueces 2:19 ပူးပေါင်းရင်းမြစ်များ

Jueces 8:33

Nak ac xcam laj Gedeón, eb laj Israel queꞌoc cuiꞌchic chixba̱nunquil li ma̱usilal. Queꞌxlokꞌoniheb li yi̱banbil dios Baal. Ut queꞌxsicꞌ ru chokꞌ xdioseb laj Baal-berit xcꞌabaꞌ.

Jueces 4:1

Nak ac xcam laj Aod, eb laj Israel queꞌoc cuiꞌchic chixba̱nunquil li incꞌaꞌ us chiru li Ka̱cuaꞌ.

San Mateo 23:32

Choyomak biꞌ xba̱nunquil li incꞌaꞌ us li queꞌxtiquib xba̱nunquil le̱ xeꞌto̱nil yucuaꞌ.

Jeremías 23:17

Rajlal nequeꞌxye reheb li xicꞌ nequeꞌiloc cue, “Li Ka̱cuaꞌ xye nak texcua̱nk saꞌ tuktu̱quil usilal”. Ut nequeꞌxye ajcuiꞌ reheb li nequeꞌxqꞌue xchꞌo̱l chixba̱nunquil li cꞌaꞌru nequeꞌraj xjuneseb, “Ba̱nuhomak li cꞌaꞌru nequeraj. Ma̱cꞌaꞌ te̱cꞌul”, chanqueb.

Jeremías 16:12

Ut la̱ex kꞌaxal cuiꞌchic yibru nequeba̱nu chiru li queꞌxba̱nu le̱ xeꞌto̱nil yucuaꞌ. Nequeba̱nu li ma̱usilal li nequeraj xba̱nunquil yal e̱junes ut incꞌaꞌ us le̱ naꞌleb. Incꞌaꞌ nequeba̱nu li cꞌaꞌru naxye li Ka̱cuaꞌ.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Salmos 78:8

Teꞌxserakꞌi reheb li ralal xcꞌajol re nak incꞌaꞌ teꞌxba̱nu joꞌ queꞌxba̱nu li kaxeꞌto̱nil yucuaꞌ. Eb aꞌan queꞌxba̱nu li cꞌaꞌru queꞌraj xjuneseb ut incꞌaꞌ queꞌabin chiru li Dios. Moco cauheb ta xchꞌo̱l riqꞌuin li Dios. Joꞌcan nak queꞌxkꞌet li ra̱tin.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Jueces 2:7

Eb li tenamit queꞌcꞌanjelac chiru li Ka̱cuaꞌ joꞌ najtil quicuan laj Josué saꞌ xya̱nkeb. Ut nak ac xcam laj Josué, queꞌxlokꞌoni ajcuiꞌ li Dios joꞌ najtil yoꞌyo̱queb li queꞌcꞌamoc be chiruheb, li queꞌril riqꞌuin xnakꞌeb ru li quixba̱nu li Ka̱cuaꞌ re xcolbaleb laj Israel.

Josué 24:31

Ut eb laj Israel queꞌcꞌanjelac chiru li Ka̱cuaꞌ nak toj yoꞌyo laj Josué. Joꞌcan ajcuiꞌ queꞌxba̱nu chiruheb laj cꞌamol be li toj queꞌcana nak quicam laj Josué xban nak eb aꞌan queꞌxnau chixjunil li joꞌ qꞌuial li usilal quixba̱nu li Ka̱cuaꞌ reheb laj Israel.

Génesis 6:11

Saꞌ li ruchichꞌochꞌ numtajenak li raylal ut li ma̱usilal xban nak eb li cristian incꞌaꞌ chic nequeꞌxcꞌoxla li Dios ut cꞌajoꞌ xyibal ru lix naꞌlebeb.

Deuteronomio 31:29

La̱in ninnau nak chirix lin camic eb li tenamit teꞌxba̱nu li ma̱usilal ut teꞌxtzꞌekta̱na li cꞌaꞌru xinye reheb. Raylal ta̱cha̱lk saꞌ xbe̱neb chiruheb li cutan cha̱lel xban nak teꞌxba̱nu li ma̱usilal chiru li Ka̱cuaꞌ. Teꞌxqꞌue xjoskꞌil li Ka̱cuaꞌ riqꞌuin li cꞌaꞌru teꞌxyi̱b riqꞌuin li rukꞌeb.—

Jueces 2:18

Nak li Ka̱cuaꞌ naxxakab junak aj rakol a̱tin, aꞌan ajcuiꞌ natenkꞌan re. Ut aꞌan ajcuiꞌ nacoloc reheb laj Israel saꞌ rukꞌeb li xicꞌ nequeꞌiloc reheb joꞌ najtil yoꞌyo laj rakol a̱tin. Li Ka̱cuaꞌ quiril xtokꞌoba̱l ruheb nak yo̱queb chi ya̱bac xban li raylal li yo̱queb chixcꞌulbal saꞌ rukꞌeb li xicꞌ nequeꞌiloc reheb.

Jueces 2:20

Cꞌajoꞌ nak quijoskꞌoꞌ li Ka̱cuaꞌ saꞌ xbe̱neb laj Israel. Ut quixye: —Eb li tenamit aꞌin xeꞌxkꞌet li contrato li quinba̱nu riqꞌuineb lix xeꞌto̱nil xyucuaꞌeb. Incꞌaꞌ nequeꞌraj xba̱nunquil li cꞌaꞌru ninye reheb.

Ezequiel 20:30

Joꞌcan nak ta̱ye reheb laj Israel nak la̱in li Ka̱cuaꞌ Dios ninye: ¿Ma toj te̱mux e̱rib joꞌ queꞌxba̱nu le̱ naꞌ e̱yucuaꞌ? ¿Ma te̱lokꞌoniheb li jalanil dios joꞌ queꞌxba̱nu eb aꞌan?

Éxodo 32:7

Ut li Dios quixye re laj Moisés: —Ayu, cuben. Tatxic riqꞌuineb li cristian. Cꞌajoꞌ xyibal ru yo̱queb la̱ tenamit li xacuisiheb chak saꞌ li tenamit Egipto.

Jueces 10:13

Abanan, la̱ex xine̱tzꞌekta̱na ut xelokꞌoniheb li jalanil dios. Joꞌcan nak la̱in incꞌaꞌ chic texincol saꞌ rukꞌeb li xicꞌ nequeꞌiloc e̱re.

Nehemías 9:28

Abanan nak ac sa chic saꞌ xchꞌo̱leb nak cuanqueb, nequeꞌoc cuiꞌchic chixba̱nunquil li ma̱usilal cha̱cuu. Joꞌcan nak nacacanabeb cuiꞌchic saꞌ rukꞌeb li xicꞌ nequeꞌiloc reheb. Ut eb aꞌan nequeꞌoc cuiꞌchic xtzꞌa̱manquil xtenkꞌanquil a̱cue. Ut la̱at xban nak kꞌaxal nim la̱ cuusilal, toj saꞌ choxa nacacuabi lix tijeb ut nabal sut xacoleb chiruheb li xicꞌ nequeꞌiloc reheb.