Jueces 2:17 - Li Santil hu

¹⁷ Abanan eb laj Israel incꞌaꞌ ajcuiꞌ queꞌabin chiruheb laj rakol a̱tin. Toj yo̱queb ajcuiꞌ chixlokꞌoninquil li jalanil dios. Eb aꞌan incꞌaꞌ queꞌxba̱nu li naxye lix chakꞌrab li Ka̱cuaꞌ joꞌ queꞌxba̱nu chak lix xeꞌto̱nil yucuaꞌeb najter.

Q'eqchi Bible

¹⁷ Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

Jueces 2:17 ပူးပေါင်းရင်းမြစ်များ

Gálatas 1:6

Nasach inchꞌo̱l e̱ban xban nak kꞌaxal junpa̱t yo̱quex chixcanabanquil li tzꞌakal Dios li quisicꞌoc e̱ru xban li rusilal li Jesucristo. Ut yo̱quex chixpa̱banquil jalan tijleb chirix li evangelio li moco ya̱l ta.

Deuteronomio 9:12

Ut li Ka̱cuaꞌ quixye cue, “Ayu. Cuben chi junpa̱t xban nak eb li cristian li cacuisiheb chak Egipto incꞌaꞌ us yo̱queb chixba̱nunquil. Queꞌxtzꞌekta̱na lin chakꞌrab li quinqꞌue reheb ut queꞌxyi̱b lix dios chꞌi̱chꞌ re teꞌxlokꞌoni.

Jueces 2:7

Eb li tenamit queꞌcꞌanjelac chiru li Ka̱cuaꞌ joꞌ najtil quicuan laj Josué saꞌ xya̱nkeb. Ut nak ac xcam laj Josué, queꞌxlokꞌoni ajcuiꞌ li Dios joꞌ najtil yoꞌyo̱queb li queꞌcꞌamoc be chiruheb, li queꞌril riqꞌuin xnakꞌeb ru li quixba̱nu li Ka̱cuaꞌ re xcolbaleb laj Israel.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

Salmos 106:43

Li Ka̱cuaꞌ nabal sut quixcoleb lix tenamit. Abanan eb aꞌan queꞌxkꞌetkꞌeti ribeb chiru. Aꞌ ajcuiꞌ li ma̱usilal li queꞌxba̱nu, aꞌan ajcuiꞌ li quisachoc reheb.

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Salmos 73:27

Eb li nequeꞌxcanab a̱pa̱banquil teꞌosokꞌ. La̱at ta̱sacheb ru li nequeꞌtzꞌekta̱nan a̱cue.

1 Samuel 12:19

Ut queꞌxye re laj Samuel: —Chattijok chikix la̱o aj cꞌanjel cha̱cuu. Tzꞌa̱ma chiru li Dios nak incꞌaꞌ toxcanab chi ca̱mc xban nak ma̱c xkaba̱nu nak xkapatzꞌ karey, chanqueb.

1 Samuel 12:17

Qꞌuehomak retal. ¿Ma ma̱cuaꞌ ta biꞌ anakcuan xkꞌehil li sicꞌoc trigo? Anakcuan ma̱cuaꞌ xkꞌehil li hab. Abanan la̱in tintzꞌa̱ma chiru li Dios nak tixqꞌue chak li ca̱k ut li hab re nak te̱qꞌue retal nak ma̱c xeba̱nu chiru li Dios nak xetzꞌa̱ma le̱ rey, chan laj Samuel.

1 Samuel 12:12

Nak queqꞌue retal nak laj Nahas lix reyeb laj Amón oc re chi pletic e̱riqꞌuin, la̱ex xetzꞌekta̱na li Ka̱cuaꞌ Dios ut aꞌan raj li tzꞌakal le̱ rey. Ut xeye, “Takaj junak karey re ta̱takla̱nk saꞌ kabe̱n,” chanquex.

Josué 24:31

Ut eb laj Israel queꞌcꞌanjelac chiru li Ka̱cuaꞌ nak toj yoꞌyo laj Josué. Joꞌcan ajcuiꞌ queꞌxba̱nu chiruheb laj cꞌamol be li toj queꞌcana nak quicam laj Josué xban nak eb aꞌan queꞌxnau chixjunil li joꞌ qꞌuial li usilal quixba̱nu li Ka̱cuaꞌ reheb laj Israel.

Josué 24:24

Ut queꞌxye re: —La̱o tocꞌanjelak chiru li Ka̱cuaꞌ li kaDios ut takaba̱nu li cꞌaꞌru tixye ke, chanqueb.

Deuteronomio 9:16

Ut la̱in quicuil nak yo̱quex chi ma̱cobc chiru li Ka̱cuaꞌ le̱ Dios. Queyi̱b jun li cuacax oro re te̱lokꞌoni. Saꞌ junpa̱t quetzꞌekta̱na li chakꞌrab li quixqꞌue e̱re li Ka̱cuaꞌ. Quekꞌet li ra̱tin.

Levítico 17:7

Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Éxodo 32:8

Saꞌ junpa̱t queꞌxkꞌet li cua̱tin. Ut queꞌxyi̱b jun cuacax oro chokꞌ xdioseb. Yo̱queb chi mayejac chiru ut yo̱queb chixlokꞌoninquil. Yo̱queb chixyebal, “Li cuacax aꞌin, aꞌan li kadios, la̱o aj Israel. Li dios aꞌin, aꞌan li qui-isin chak ke saꞌ li tenamit Egipto”, chanqueb.

Amós 2:4

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Deuteronomio 31:18

Ut la̱in incꞌaꞌ tincuabi lix tijeb saꞌ li cutan aꞌan. Tinmuk ban cuib chiruheb xban li ma̱usilal teꞌxba̱nu nak teꞌxlokꞌoniheb li jalanil Dios.

Jueces 8:33

Nak ac xcam laj Gedeón, eb laj Israel queꞌoc cuiꞌchic chixba̱nunquil li ma̱usilal. Queꞌxlokꞌoniheb li yi̱banbil dios Baal. Ut queꞌxsicꞌ ru chokꞌ xdioseb laj Baal-berit xcꞌabaꞌ.

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.