Jueces 2:16 - Li Santil hu

¹⁶ Usta yo̱ xjoskꞌil li Ka̱cuaꞌ saꞌ xbe̱neb, abanan quixxakabeb laj rakol a̱tin chixtenkꞌanquileb laj Israel re nak teꞌxcol ribeb chiruheb li yo̱queb chi makꞌoc re li cꞌaꞌru reheb.

Q'eqchi Bible

¹⁶ Toja' naq li Qaawa' kixwaklesiheb' aj k'amol b'e li ke'xkol li tenamit sa' ruq'eb' laj elq'.

Jueces 2:16 ပူးပေါင်းရင်းမြစ်များ

Hechos 13:20

Chixjunil aꞌin quicꞌulman chiru ca̱hib ciento riqꞌuin mero ciento chihab. Chirix aꞌan li Dios quixqꞌueheb aj rakol a̱tin chi takla̱nc saꞌ xbe̱neb toj qui-oc laj Samuel li profeta.

1 Samuel 12:11

Ut li Ka̱cuaꞌ quixtaklaheb laj Jerobaal, laj Barac, laj Jefté, ut laj Samuel che̱tenkꞌanquil re texcolekꞌ chiruheb li xicꞌ nequeꞌiloc e̱re ut quexcuan chi ma̱cꞌaꞌ chic e̱cꞌaꞌux.

Nehemías 9:27

Joꞌcan nak cakꞌaxtesiheb saꞌ rukꞌeb li xicꞌ nequeꞌiloc reheb ut saꞌ rukꞌeb aꞌan nabal li raylal queꞌxcꞌul. Nak ac cuanqueb chic saꞌ raylal queꞌxtzꞌa̱ma xtenkꞌanquileb a̱cue. Ut la̱at toj saꞌ choxa cacuabi chak lix tijeb. Xban nak kꞌaxal nim la̱ cuuxta̱n caxakabeb li ani teꞌcolok reheb saꞌ rukꞌeb li xicꞌ nequeꞌiloc reheb.

Jueces 3:15

Ut eb laj Israel queꞌxya̱ba cuiꞌchic xcꞌabaꞌ li Ka̱cuaꞌ Dios. Ut li Ka̱cuaꞌ quixsicꞌ ru jun li cui̱nk re ta̱colok reheb chiruheb laj Moab. Li cui̱nk li quisiqꞌueꞌ ru, aꞌan laj Aod li ralal laj Gera ut xcomoneb li ralal xcꞌajol laj Benjamín. Laj Aod nacꞌanjelac riqꞌuin lix tzꞌe ukꞌ. Eb laj Israel queꞌxtakla laj Aod riqꞌuin laj Eglón lix reyeb laj Moab re tixqꞌue jun lix ma̱tan.

Jueces 6:14

Ut li Ka̱cuaꞌ quiril laj Gedeón ut quixye re: —Ayu ut ta̱coleb laj Israel riqꞌuin la̱ metzꞌe̱u chiruheb laj Madián. ¿Ma ma̱cuaꞌ ta biꞌ la̱in yo̱quin chi takla̱nc a̱cue? chan.

Jueces 4:5

Lix Débora rajlal naxic chi chunla̱c rubel jun to̱n li palmera chi rakoc a̱tin. Li naꞌajej aꞌan “Palmera re lix Débora” nequeꞌxye re. Li cheꞌ aꞌan cuan saꞌ lix naꞌajeb li ralal xcꞌajol laj Efraín li tzu̱l ru li cuan saꞌ xyi li tenamit Ramá ut Bet-el. Ut eb laj Israel rajlal nequeꞌxic riqꞌuin re teꞌxyi̱b ru lix chꞌaꞌajquilaleb.

Jueces 10:1

Nak ac xcam laj Abimelec, jun li cui̱nk xcomoneb li ralal xcꞌajol laj Isacar qui-oc chi tenkꞌa̱nc reheb laj Israel. Li cui̱nk aꞌan aj Tola xcꞌabaꞌ. Cuan saꞌ li tenamit Samir li nacana saꞌ lix naꞌajeb li ralal xcꞌajol laj Efraín, li tzu̱l ru. Laj Tola, aꞌan li ralal laj Fúa. Ut laj Fúa, aꞌan li ralal laj Dodo.

Li xHu LIX RUT 1:1

Saꞌ eb li cutan nak cuanqueb laj rakol a̱tin chi takla̱nc saꞌ xbe̱neb li tenamit Israel, quicuan jun li cueꞌej saꞌ chixjunil li naꞌajej aꞌan. Ut cuan jun li cui̱nk aj Belén xcue̱nt Judá co̱ chi cua̱nc saꞌ li tenamit Moab rochben li rixakil. Ut xcabichaleb li ralal quixcꞌam chirix.

Jueces 3:31

Li jun chic li quicꞌamoc be chiruheb laj Israel, aꞌan laj Samgar li ralal laj Anat. Laj Samgar quicoloc reheb laj Israel chiruheb laj filisteo xban nak quixcamsi cuakib ciento (600) aj filisteo riqꞌuin lix cheꞌ re xberesinquil bo̱yx.

Jueces 11:32

Ut laj Jefté quinumeꞌ jun pacꞌal li nimaꞌ chi pletic riqꞌuineb laj Amón. Ut li Ka̱cuaꞌ Dios quixkꞌaxtesiheb laj Amón saꞌ rukꞌeb laj Israel.

1 Samuel 14:48

Cau xchꞌo̱l chi pletic laj Saúl. Quixchꞌutubeb lix soldados ut quinumta saꞌ xbe̱neb laj Amalec. Ut quixcoleb laj Israel chiruheb chixjunileb li nequeꞌelkꞌan re li cꞌaꞌru reheb.

2 Samuel 7:11

Chalen nak xebinxakab chak laj rakol a̱tin chi takla̱nc saꞌ xbe̱neb lin tenamit Israel, nabal li raylal xeꞌxcꞌul xbaneb li xicꞌ nequeꞌiloc reheb. Anakcuan la̱in tatinqꞌue chi hila̱nc riqꞌuin li raylal aꞌin. Incꞌaꞌ chic texchꞌiꞌchꞌiꞌi̱k xbaneb li xicꞌ nequeꞌiloc e̱re. Ut tinqꞌueheb a̱cualal a̱cꞌajol.