Jueces 2:14 - Li Santil hu

¹⁴ Cꞌajoꞌ nak quichal xjoskꞌil li Dios saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj e̱lkꞌ ut qui-elkꞌa̱c chixjunil li cꞌaꞌru cuan reheb. Quixkꞌaxtesiheb saꞌ rukꞌeb li xicꞌ nequeꞌiloc reheb, li cuanqueb chi nachꞌ riqꞌuineb ut eb aꞌan chic queꞌnumta saꞌ xbe̱neb. Ut eb laj Israel incꞌaꞌ queꞌxcuy xcolbaleb rib chiruheb.

Q'eqchi Bible

¹⁴ Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Jueces 2:14 ပူးပေါင်းရင်းမြစ်များ

2 Reyes 17:20

Joꞌcan nak li Ka̱cuaꞌ quixtzꞌekta̱naheb chixjunileb laj Israel. Quixtakla li raylal saꞌ xbe̱neb ut quixcanabeb saꞌ rukꞌeb li xicꞌ nequeꞌiloc reheb toj retal nak queꞌisi̱c saꞌ lix naꞌajeb.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Jueces 10:7

Ut li Ka̱cuaꞌ Dios quijoskꞌoꞌ saꞌ xbe̱neb laj Israel. Joꞌcan nak quixkꞌaxtesiheb saꞌ rukꞌeb laj filisteo ut saꞌ rukꞌeb laj Amón.

Jueces 4:2

Joꞌcan nak li Ka̱cuaꞌ quixkꞌaxtesiheb saꞌ rukꞌ laj Jabín lix reyeb laj Canaán. Aꞌan nataklan saꞌ li tenamit Hazor. Li cui̱nk li nacꞌamoc be saꞌ xya̱nkeb lix soldado li rey Jabín, aꞌan laj Sísara. Aꞌan nacuan saꞌ li naꞌajej Haroset-goim.

Levítico 26:37

Nak yo̱keb chi e̱lelic teꞌxtichi ribeb chi ribileb rib usta ma̱ ani yo̱k chi a̱lina̱nc reheb. Ut incꞌaꞌ teꞌru̱k chixcolbal ribeb chiruheb li xicꞌ nequeꞌiloc reheb.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Salmos 44:12

Xoa̱canab saꞌ rukꞌeb li xicꞌ nequeꞌiloc ke. Chanchan nak xoa̱cꞌayi. Ut, ¿cꞌaꞌ ta ru xara chikix nak xoa̱kꞌaxtesi saꞌ rukꞌeb? Moco xacꞌul ta katzꞌak.

2 Crónicas 15:5

Saꞌ eb li cutan aꞌan, ma̱ ani naru na-el saꞌ junak tenamit chi moco na-oc yal chi joꞌcan xban nak eb li tenamit yalak bar cuanqueb saꞌ raylal.

Jueces 1:34

Eb laj amorreo incꞌaꞌ queꞌxcanabeb li ralal xcꞌajol laj Dan chi oc saꞌ li ru takꞌa. Queꞌcana ban saꞌ li naꞌajej li tzu̱l ru.

Jueces 1:19

Li Ka̱cuaꞌ cuan riqꞌuineb li ralal xcꞌajol laj Judá ut queꞌnumta saꞌ xbe̱neb li cuanqueb saꞌ li naꞌajej li tzu̱l ru. Abanan incꞌaꞌ queꞌru queꞌnumta saꞌ xbe̱neb li cuanqueb saꞌ li ru takꞌa xban nak eb aꞌan cuanqueb lix carruaje yi̱banbil riqꞌuin chꞌi̱chꞌ.

Deuteronomio 28:58

Cui incꞌaꞌ te̱ba̱nu chi anchal e̱chꞌo̱l chixjunil li chakꞌrab li tzꞌi̱banbil saꞌ li hu aꞌin, ut cui incꞌaꞌ te̱xucua ru li Ka̱cuaꞌ li nimajcual Dios li kꞌaxal lokꞌ,

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.

Deuteronomio 28:20

Li Ka̱cuaꞌ tixtakla li raylal saꞌ e̱be̱n ut textzꞌekta̱na xban chixjunil li cꞌaꞌru te̱ba̱nu. Sachso e̱chꞌo̱l texcana̱k ut texsachekꞌ chi junpa̱t xban li ma̱usilal te̱ba̱nu nak te̱tzꞌekta̱na li Ka̱cuaꞌ.

Números 32:14

Ut anakcuan la̱ex li ralal xcꞌajolex li queꞌxba̱nu li incꞌaꞌ us, te̱raj cuiꞌchic xqꞌuebal xjoskꞌil li Dios saꞌ kabe̱n la̱o aj Israel.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Jueces 2:20

Cꞌajoꞌ nak quijoskꞌoꞌ li Ka̱cuaꞌ saꞌ xbe̱neb laj Israel. Ut quixye: —Eb li tenamit aꞌin xeꞌxkꞌet li contrato li quinba̱nu riqꞌuineb lix xeꞌto̱nil xyucuaꞌeb. Incꞌaꞌ nequeꞌraj xba̱nunquil li cꞌaꞌru ninye reheb.

Jueces 3:12

Queꞌma̱cob cuiꞌchic chiru li Ka̱cuaꞌ eb laj Israel. Joꞌcan nak li Ka̱cuaꞌ quixqꞌue xmetzꞌe̱u laj Eglón chi numta̱c saꞌ xbe̱neb. Laj Eglón, aꞌan lix reyeb laj Moab. Kꞌaxal cau rib laj Eglón chiruheb laj Israel.

2 Samuel 7:11

Chalen nak xebinxakab chak laj rakol a̱tin chi takla̱nc saꞌ xbe̱neb lin tenamit Israel, nabal li raylal xeꞌxcꞌul xbaneb li xicꞌ nequeꞌiloc reheb. Anakcuan la̱in tatinqꞌue chi hila̱nc riqꞌuin li raylal aꞌin. Incꞌaꞌ chic texchꞌiꞌchꞌiꞌi̱k xbaneb li xicꞌ nequeꞌiloc e̱re. Ut tinqꞌueheb a̱cualal a̱cꞌajol.

2 Reyes 13:3

Xban li ma̱usilal li queꞌxba̱nu, quichal xjoskꞌil li Ka̱cuaꞌ Dios saꞌ xbe̱neb laj Israel. Najt quixcanabeb rubel xcuanquil laj Hazael lix reyeb laj Siria joꞌ ajcuiꞌ laj Ben-adad li ralal.

Nehemías 9:27

Joꞌcan nak cakꞌaxtesiheb saꞌ rukꞌeb li xicꞌ nequeꞌiloc reheb ut saꞌ rukꞌeb aꞌan nabal li raylal queꞌxcꞌul. Nak ac cuanqueb chic saꞌ raylal queꞌxtzꞌa̱ma xtenkꞌanquileb a̱cue. Ut la̱at toj saꞌ choxa cacuabi chak lix tijeb. Xban nak kꞌaxal nim la̱ cuuxta̱n caxakabeb li ani teꞌcolok reheb saꞌ rukꞌeb li xicꞌ nequeꞌiloc reheb.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Números 32:13

Cꞌajoꞌ nak quijoskꞌoꞌ li Dios saꞌ xbe̱neb laj Israel. Joꞌcan nak quixqꞌueheb chixbeninquil ribeb saꞌ li chaki chꞌochꞌ chiru caꞌcꞌa̱l chihab toj retal queꞌosoꞌ chixjunileb li queꞌxba̱nu li incꞌaꞌ us chiru li Ka̱cuaꞌ.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

2 Samuel 24:1

Quichal cuiꞌchic xjoskꞌil li Ka̱cuaꞌ Dios saꞌ xbe̱neb laj Israel. Joꞌcan nak quixqꞌue xjoskꞌil laj David saꞌ xbe̱neb. Quiyeheꞌ re laj David nak ta̱rajlaheb chixjunileb laj Israel ut eb laj Judá.

2 Crónicas 28:5

Joꞌcan nak li Ka̱cuaꞌ Dios quixkꞌaxtesi li rey Acaz saꞌ rukꞌ lix reyeb laj Siria. Eb laj Siria queꞌnumta saꞌ xbe̱neb laj Judá ut queꞌxchap nabaleb ut queꞌxcꞌam chi pre̱xil toj Damasco. Ut quitꞌaneꞌ ajcuiꞌ li rey Acaz saꞌ rukꞌ lix reyeb laj Israel ut nabaleb li queꞌcamsi̱c xban.

Salmos 44:11

Xoa̱kꞌaxtesi saꞌ rukꞌeb li xicꞌ nequeꞌiloc ke. Chanchano li carner re camsi̱c. Ut xoa̱chaꞌchaꞌi saꞌ xya̱nkeb li jalaneb xtenamit, li nequeꞌlokꞌonin jalanil dios.

Isaías 42:24

¿Ani li quiqꞌuehoc re chi elkꞌa̱c li cꞌaꞌru reheb li ralal xcꞌajol laj Jacob? Ut, ¿Ani li quikꞌaxtesin reheb laj Israel chi rahobtesi̱c? ¿Ma ma̱cuaꞌ ta biꞌ aꞌan li Ka̱cuaꞌ li xeꞌma̱cob chiru? Eb aꞌan incꞌaꞌ xeꞌxba̱nu li cꞌaꞌru quiraj li Ka̱cuaꞌ chi moco queꞌxba̱nu li cꞌaꞌru naxye saꞌ lix chakꞌrab.