Jueces 2:13 - Li Santil hu

¹³ Queꞌxtzꞌekta̱na li tzꞌakal Dios ut queꞌxlokꞌoniheb li yi̱banbil dios Baal, ut eb li yi̱banbil dios Astarot xcꞌabaꞌeb.

Q'eqchi Bible

¹³ ke'xkanab' li Qaawa' ut ke'xloq'oni ru laj Bahal jo'wi' lix Astarté.

Jueces 2:13 ပူးပေါင်းရင်းမြစ်များ

Jueces 10:6

Ut eb laj Israel queꞌxba̱nu cuiꞌchic li ma̱usilal chiru li Ka̱cuaꞌ Dios. Queꞌxlokꞌoniheb li yi̱banbil dios Baal ut Astarot. Ut queꞌxlokꞌoniheb ajcuiꞌ lix dioseb laj Siria, ut lix dioseb laj Sidón, joꞌ ajcuiꞌ lix dioseb laj Moab. Ut queꞌxlokꞌoniheb lix dioseb laj Amón ut eb laj filisteo. Eb laj Israel queꞌxtzꞌekta̱na li Ka̱cuaꞌ Dios ut incꞌaꞌ chic queꞌcꞌanjelac chiru.

Salmos 106:36

Eb lix tenamit li Dios queꞌxlokꞌoni li yi̱banbil dios ut xban li ma̱c aꞌan queꞌxqꞌue ribeb chi sachecꞌ.

Jueces 3:7

Eb laj Israel queꞌxba̱nu li ma̱usilal chiru li Ka̱cuaꞌ. Queꞌxcanab xlokꞌoninquil li Ka̱cuaꞌ lix Dioseb. Aꞌ chic eb li yi̱banbil dios Baal ut eb li yi̱banbil dios Asera queꞌxlokꞌoni.

1 Corintios 8:5

Cuan nequeꞌyehoc re nak cuan nabal li dios joꞌ saꞌ choxa joꞌ saꞌ ruchichꞌochꞌ. Dios ut Ka̱cuaꞌ nequeꞌxye reheb. Ut ya̱l nak cuan nabaleb li yi̱banbil dios.

2 Reyes 23:13

Ut quixtakla ajcuiꞌ xpoꞌbal eb li artal li quixyi̱b laj Salomón lix reyeb laj Israel. Eb li artal aꞌan queꞌcuan saꞌ li este re Jerusalén ut saꞌ li sur re li tzu̱l Olivos. Eb li artal aꞌan queꞌyi̱ba̱c re xlokꞌoninquileb li jalanil dios li kꞌaxal yibeb ru. Aꞌaneb lix Astoret lix dioseb laj Sidón, laj Quemos lix dioseb laj Moab ut laj Milcom lix dioseb li ralal xcꞌajol laj Amón.

1 Reyes 11:33

Tinjach ruheb lin tenamit xban nak eb laj Israel quineꞌxtzꞌekta̱na ut queꞌxlokꞌoniheb li jalanil dios, lix Astoret lix dioseb laj Sidón, laj Quemos lix dioseb laj Moab, ut laj Moloc lix dioseb laj Amón. Incꞌaꞌ queꞌxba̱nu li cꞌaꞌru quinye reheb chi moco queꞌcuan saꞌ ti̱quilal chicuu. Incꞌaꞌ queꞌxba̱nu li cꞌaꞌru quinye saꞌ lin contrato ut saꞌ lin chakꞌrab, joꞌ quixba̱nu laj David lix yucuaꞌ laj Salomón.

1 Reyes 11:5

Laj Salomón quixlokꞌoni lix dioseb laj Sidón, lix Astoret xcꞌabaꞌ. Ut quixlokꞌoni ajcuiꞌ laj Milcom lix dioseb laj Amón, ut kꞌaxal yibru queꞌxba̱nu nak queꞌxlokꞌoni aꞌan.

1 Samuel 31:10

Chirix chic aꞌan queꞌxqꞌue lix chꞌi̱chꞌ laj Saúl saꞌ li rochoch lix Astarot, lix dioseb. Ut queꞌxtꞌuyub li camenak chiru li tzꞌac aran Bet-sán.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

1 Samuel 7:3

Ut laj Samuel quixye reheb laj Israel: —Cui la̱ex texsukꞌi̱k cuiꞌchic riqꞌuin li Ka̱cuaꞌ chi anchal e̱chꞌo̱l, tento nak te̱tzꞌekta̱na chi junaj cua chixjunileb li jalanil dios li cuanqueb saꞌ e̱ya̱nk joꞌ ajcuiꞌ li yi̱banbil dios xAstarot ut kꞌaxtesihomak e̱rib re li Ka̱cuaꞌ. Junes aꞌan chic te̱lokꞌoni. Ut li Ka̱cuaꞌ ta̱colok e̱re saꞌ rukꞌeb laj filisteo, chan.

1 Samuel 12:10

Nak ac cuanqueb chic saꞌ raylal, queꞌxtzꞌa̱ma xtenkꞌanquileb chiru li Dios ut queꞌxye, “La̱o xoma̱cob xban nak xatkatzꞌekta̱na ut xkalokꞌoniheb li yi̱banbil dios Baal ut Astarot. At Ka̱cuaꞌ, choa̱col taxak chiruheb li xicꞌ nequeꞌiloc ke ut tocꞌanjelak cha̱cuu,” chanqueb.

2 Crónicas 7:22

Cuanqueb li teꞌxye, “Xeꞌxcꞌul chi joꞌcan xban nak queꞌxtzꞌekta̱na li Dios li queꞌxlokꞌoni chak lix xeꞌto̱nil yucuaꞌeb. Li Dios, aꞌan li qui-isin chak reheb saꞌ li tenamit Egipto. Eb aꞌan queꞌxlokꞌoni li jalanil dios ut queꞌcꞌanjelac chiruheb. Joꞌcan nak li Dios xqꞌue li raylal aꞌin saꞌ xbe̱neb,” chaꞌkeb.—

Números 25:3

Joꞌcan nak eb laj Israel queꞌoc chixlokꞌoninquil li yi̱banbil dios Baal-peor. Ut cꞌajoꞌ nak quichal xjoskꞌil li Ka̱cuaꞌ saꞌ xbe̱neb laj Israel.

2 Crónicas 12:2

Xban nak laj Roboam quixkꞌet lix chakꞌrab li Ka̱cuaꞌ, joꞌcan nak laj Sisac, lix reyeb laj Egipto, quichal chi pletic riqꞌuineb laj Jerusalén. Aꞌin quicꞌulman nak ac yo̱ chic roꞌ chihab roquic chokꞌ rey laj Roboam.

2 Crónicas 28:3

Ut quixcꞌat li pom saꞌ li ru takꞌa Hinom. Ut quixcꞌateb chokꞌ xmayej lix cocꞌal joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak eb li ralal xcꞌajol laj Israel queꞌoc aran.

2 Crónicas 33:3

Quixyi̱b cuiꞌchic li naꞌajej li najt xteram li quilajxpoꞌi laj Ezequías lix yucuaꞌ. Quixyi̱b ajcuiꞌ eb li artal li nequeꞌxlokꞌoni cuiꞌ eb li yi̱banbil dios Baal ut quixyi̱b cuiꞌchic lix jalam u̱ch li dios xAsera. Ut quixlokꞌoniheb li chahim, joꞌ ajcuiꞌ li po ut li sakꞌe.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

Jeremías 16:11

Ut la̱at ta̱ye reheb, “Li Ka̱cuaꞌ tixba̱nu e̱re chi joꞌcan xban nak eb le̱ xeꞌto̱nil yucuaꞌ queꞌxcanab xlokꞌoninquil li Ka̱cuaꞌ ut queꞌxlokꞌoniheb li jalanil dios ut queꞌcꞌanjelac chiruheb. Queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru naxye saꞌ lix chakꞌrab.