Jueces 19:5 - Li Santil hu

⁵ Saꞌ li xca̱ li cutan nak quisake̱u, queꞌcuacli toj ekꞌela ut laj levita quixcauresi rib re ta̱xic saꞌ xtenamit. Abanan lix yucuaꞌ li ixk quixye re: —Cuaꞌin cuan, tojoꞌnak tatxic re nak cauhak a̱cuib chi be̱c, chan.

Q'eqchi Bible

⁵ Sa' xka li kutan naq kisaqewk, ke'wakliik toj eq'la ut laj Leví kixkawresi rib' re taaxik. Ab'anan li xyuwa' li ixq kixye re li xhi': “Chatzeka jun hab'okaq re xkolb'al laach'ool; tojo' naq tatxik”, chan.

Jueces 19:5 ပူးပေါင်းရင်းမြစ်များ

Jueces 19:8

Saꞌ roꞌ li cutan quicuacli ekꞌela re ta̱xic. Abanan lix yucuaꞌ li ixk quixye: —Ba̱nu usilal, cuaꞌin cuan tojoꞌnak tatxic, chan. Ut chi xcabichaleb queꞌoc chi cuaꞌac toj retal quicuaꞌleboꞌ.

Génesis 18:5

Xban nak xexcꞌulun cuiqꞌuin, tincꞌam chak caꞌchꞌinak le̱ tzacae̱mk re nak sahak saꞌ le̱ chꞌo̱l nak texxic, chan laj Abraham. Ut eb aꞌan queꞌchakꞌoc ut queꞌxye re: —Us, bantiox a̱cue.

Hechos 9:19

Ut nak ac xcuaꞌac, quicacuu cuiꞌchic. Laj Saulo quicana cuib oxib cutan saꞌ xya̱nkeb laj pa̱banel li cuanqueb Damasco.

San Juan 4:34

Li Jesús quixye reheb: —La̱in nasahoꞌ inchꞌo̱l nak ninba̱nu li cꞌaꞌru naraj li quitaklan chak cue ut tinchoy xba̱nunquil lix cꞌanjel. Aꞌan ru̱chil li cua chokꞌ cue la̱in, chan.

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

1 Reyes 13:7

Li rey quixye re lix profeta li Dios: —Yoꞌo chicuix saꞌ cuochoch. Tatcuaꞌak cuiqꞌuin ut tinqꞌue junak a̱ma̱tan, chan.

1 Samuel 30:12

Queꞌxqꞌue ajcuiꞌ li chaki higo ut cuib cu̱t li chaki uvas. Ut quicꞌulun cuiꞌchic xchꞌo̱l li cui̱nk xban nak ac cuan oxib cutan ut oxib kꞌojyi̱n incꞌaꞌ naxyal cua.

Jueces 19:4

Li yucuaꞌbej quixqꞌue xsahil xchꞌo̱l ut quixye re nak ta̱cana̱k riqꞌuineb. Ut li cui̱nk aj levita quicana aran oxib cutan. Quiqꞌueheꞌ xcua ut quiqꞌueheꞌ rucꞌa ut quiqꞌueheꞌ ajcuiꞌ xnaꞌaj re ta̱cua̱rk.