Jueces 19:3 - Li Santil hu

³ Nak ac cuan aran ca̱hib po, co̱ li cui̱nk aj levita chi a̱tinac riqꞌuin chixtzꞌa̱manquil chiru nak ta̱xic cuiꞌchic riqꞌuin. Quixcꞌam jun lix mo̱s chirix ut quixcꞌam ajcuiꞌ cuib li bu̱r. Li ixk quirocsi li cui̱nk saꞌ rochoch lix yucuaꞌ.

Q'eqchi Bible

³ Toja' naq li xb'eelom kixchap xb'e ut koho rik'in li ixq re xtz'aamankil ut xq'unb'esinkil naq taaxik wi' chik rik'in. Kixk'am xmoos chirix ut jun sumal xb'uur. Li ixq kiroksi li winq sa' rochoch li xyuwa'. Kisaho'k ajwi' xch'ool li yuwa'b'ej naq kiril chi wulak ut ki'elk chaq chi xk'ulb'al.

Jueces 19:3 ပူးပေါင်းရင်းမြစ်များ

Génesis 50:21

Anakcuan mexxucuac chic la̱ex. La̱in chic tin-ilok e̱re ut tinqꞌue ajcuiꞌ li cꞌaꞌru ta̱paltok e̱re, joꞌ ajcuiꞌ reheb le̱ cocꞌal, chan laj José. Ut laj José quixcꞌojobeb xchꞌo̱l li ras nak quia̱tinac riqꞌuineb saꞌ usilal.

Génesis 34:3

Riqꞌuin li cꞌaꞌru quixba̱nu laj Siquem, cꞌajoꞌ nak co̱ xchꞌo̱l chirix lix Dina, lix rabin laj Jacob. Ut qui-oc chixkꞌunbesinquil.

Gálatas 6:1

Ex inherma̱n, ma̱re cuan junak e̱rech aj pa̱banelil ta̱oc cuiꞌchic chi ma̱cobc. La̱ex li cuanquex chic rubel xcuanquil li Santil Musikꞌej te̱tenkꞌa saꞌ tu̱lanil re nak ta̱cacuu̱k xchꞌo̱l saꞌ xpa̱ba̱l. Ut cheqꞌuehak retal chi us le̱ yuꞌam re nak la̱ex incꞌaꞌ tex-a̱le̱k.

San Juan 8:11

Ut li ixk quixye re: —Ma̱ jun, Ka̱cuaꞌ.— Ut li Jesús quixye re: —Chi moco la̱in tatinqꞌue chixtojbal a̱ma̱c. Ayu ut matma̱cob chic, chan.

San Mateo 1:19

Ut xban nak ti̱c xchꞌo̱l laj José, li ac xtzꞌa̱man re, incꞌaꞌ quiraj xcꞌutbal xxuta̱n lix María. Xraj raj xcanabanquil chi mukmu.

Oseas 2:14

Abanan la̱in tincꞌam cuiꞌchic saꞌ li chaki chꞌochꞌ bar cuiꞌ ma̱cꞌaꞌ cuan. Ut aran tinkꞌunbesi cuiꞌchic ut tinye re nak kꞌaxal ninra.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Jueces 15:1

Mokon chic saꞌ xkꞌehil li sicꞌoc trigo, co̱ laj Sansón chirilbal li rixakil. Quixcꞌam jun li chꞌina chiba̱t re tixsi re. Quixye re lix yucuaꞌ li rixakil: —Tincuaj xic saꞌ cab riqꞌuin li cuixakil, chan. Abanan li yucuaꞌbej incꞌaꞌ quixcanab chi oc.

Números 22:22

Quijoskꞌoꞌ li Ka̱cuaꞌ xban nak laj Balaam co̱ chirixeb li cui̱nk. Nak yo̱ chi xic laj Balaam chirix lix bu̱r rochben li cuib chi mo̱s, jun lix ángel li Ka̱cuaꞌ quixxakab rib saꞌ be re nak incꞌaꞌ naru ta̱numekꞌ.

Levítico 20:10

Cui junak cui̱nk naxchꞌic rib riqꞌuin li rixakil li ras ri̱tzꞌin, li cui̱nk ut li ixk teꞌcamsi̱k xban nak queꞌxmux ru lix sumlajiqueb.

Levítico 19:17

Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

Jueces 19:2

Abanan li ixk aꞌan incꞌaꞌ us xnaꞌleb. Quixcanab li cui̱nk, ut quisukꞌi Belén saꞌ rochoch lix yucuaꞌ ut aran quicuan chiru ca̱hib po.

Jueces 19:4

Li yucuaꞌbej quixqꞌue xsahil xchꞌo̱l ut quixye re nak ta̱cana̱k riqꞌuineb. Ut li cui̱nk aj levita quicana aran oxib cutan. Quiqꞌueheꞌ xcua ut quiqꞌueheꞌ rucꞌa ut quiqꞌueheꞌ ajcuiꞌ xnaꞌaj re ta̱cua̱rk.

Jueces 19:26

Li ixk co̱ cuiꞌchic saꞌ rochoch li cui̱nk ut quitꞌaneꞌ chire xpuertil li cab li cuan cuiꞌ laj levita. Aran cuan nak quicutanoꞌ.

Oseas 2:16

Ut incꞌaꞌ chic tixye: “At Baal, la̱at laj e̱chal cue.” Tixye ban cue: “at inbe̱lom.”