Jueces 19:17 - Li Santil hu

¹⁷ Li che̱quel cui̱nk quiril li cui̱nk li yal numecꞌ yo̱ chunchu saꞌ xyi li tenamit. Quixpatzꞌ re: —¿Bar xatchal? Ut, ¿bar xic a̱cue? chan re.

Q'eqchi Bible

¹⁷ Li cheekel winq kixtaqsi li rilob'aal ut kixka'ya laj b'ihaaj li wank sa' xyi li tenamit, ut kixye re: “B'ar xatchalk chaq ut b'ar xik aawe?”, chan.

Jueces 19:17 ပူးပေါင်းရင်းမြစ်များ

Génesis 32:17

Ut quixye re lix mo̱s, li ta̱xic chi ubej: —Nak ta̱cꞌul laj Esaú li cuas, aꞌan tixpatzꞌ a̱cue, “¿Ani a̱patrón ut bar xic a̱cue? ¿Ani aj e li queto̱mk li yo̱cat chixcꞌambal?” chaꞌak a̱cue.

Génesis 16:8

Ut li ángel quia̱tinac riqꞌuin ut quixpatzꞌ re: —Agar, at xmo̱s lix Sarai, ¿bar xatchal chak? Ut, ¿bar yo̱cat chi xic? chan. Ut lix Agar quixye re: —La̱in yo̱quin chi e̱lelic chiru lix Sarai lin patrón, chan.

Jueces 19:16

Quinumeꞌ jun li che̱quel cui̱nk quisukꞌi chak saꞌ cꞌaleba̱l chi cꞌanjelac. Yo̱ chi xic saꞌ rochoch. Li cui̱nk aꞌan cuan Gabaa, aban chalenak chak saꞌ lix naꞌajeb li ralal xcꞌajol laj Efraín, li tzu̱l ru. Eb li cristian li cuanqueb saꞌ li tenamit Gabaa, aꞌan xcomoneb li ralal xcꞌajol laj Benjamín.

Jueces 19:18

Laj levita quixye re: —Yal numecꞌ yo̱co arin. Belén xochal chak, li cuan xcue̱nt Judá. Xic ke saꞌ kochoch. Najt cuanco chak toj saꞌ xnaꞌajeb li ralal xcꞌajol laj Efraín, li tzu̱l ru. Xincuulac chak Belén ut anakcuan xic ke saꞌ rochoch li Dios. Ma̱ ani nayechiꞌin kanaꞌaj re tocua̱rk cuiꞌ.

2 Samuel 12:4

Saꞌ jun li cutan quicuulac jun rulaꞌ li cui̱nk biom. Li cui̱nk aꞌan incꞌaꞌ quiraj xcamsinquil junak reheb lix queto̱mk re tixyi̱b xtibel xcua li rulaꞌ. Joꞌcan nak co̱ ut quixchap lix carner li nebaꞌ ut quixcamsi re tixyi̱b xtzacae̱mk li rulaꞌ, chan laj Natán.

Isaías 33:8

Eb li be poꞌinbileb. Ma̱ ani chic nequeꞌbe̱c saꞌ eb li be. Incꞌaꞌ chic nequeꞌxba̱nu li cꞌaꞌru xeꞌxye saꞌ eb li contrato. Nequeꞌxkꞌet ban li ra̱tineb. Ma̱ ani chic na-oxlokꞌi li ras ri̱tzꞌin.

Jeremías 14:8

At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?