Jueces 19:12 - Li Santil hu

¹² Abanan li cui̱nk quixye re: —Incꞌaꞌ tocana̱k chi cua̱rc saꞌ junak tenamit ma̱cuaꞌ xcomoneb laj Israel. Toxic ban toj Gabaa, chan.

Q'eqchi Bible

¹² Kisumeek xb'aan laj eechal re: “Ink'a' too'ok sa' jun tenamit maawa' xkomoneb' laj Israel. Paynum toxoonume'q toj Kibehá,

Jueces 19:12 ပူးပေါင်းရင်းမြစ်များ

Jueces 19:11

lix mo̱s quixye re laj levita: —¿Ma incꞌaꞌ raj us nak toxic saꞌ li tenamit Jebús? Takanumsi li kꞌojyi̱n saꞌ li tenamit aꞌan saꞌ xya̱nkeb laj jebuseo, chan.

Jueces 19:13

Quixye ajcuiꞌ re lix mo̱s: —Kayalak kakꞌe chi xic toj Gabaa malaj ut toj Ramá re nak aran tocana̱k chi cua̱rc, chan.

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Josué 18:25

Quiqꞌueheꞌ ajcuiꞌ reheb li tenamit Gabaón, Ramá, Beerot,

Josué 18:28

Zela, Elef, Jebús li nequeꞌxye ajcuiꞌ Jerusalén re, Gabaa ut Quiriat. Ca̱laju chixjunileb li tenamit rochbeneb li cocꞌ cꞌaleba̱l. Aꞌan aꞌin li naꞌajej li quiqꞌueheꞌ reheb li ralal xcꞌajol laj Benjamín, aꞌ yal chanru xqꞌuial li junju̱nk chꞌu̱tal.

1 Samuel 10:26

Tojoꞌnak laj Samuel quixtaklaheb li tenamit saꞌ li rochocheb. Ut laj Saúl co̱ ajcuiꞌ saꞌ li rochoch aran Gabaa. Ut queꞌco̱eb chirix li cui̱nk li cauheb rib chi pletic, eb li cui̱nk li queꞌecꞌasi̱c xchꞌo̱leb xban li Dios.

1 Samuel 13:2

quixsiqꞌueb ru oxib mil li soldado saꞌ xya̱nkeb laj Israel. Cuib mil queꞌcana rochben laj Saúl aran Micmas, ut saꞌ eb li tzu̱l Bet-el. Ut eb li jun mil chic queꞌcana rochben laj Jonatán aran Gabaa saꞌ lix naꞌajeb li ralal xcꞌajol laj Benjamín. Ut eb li jun chꞌol chic queꞌtakla̱c saꞌ xmuheba̱leb.

Isaías 10:29

Queꞌnumeꞌ saꞌ li tzu̱l ut queꞌxyi̱b lix muheba̱leb aran Geba. Cꞌajoꞌ nak teꞌxucuak li cuanqueb Ramá. Ut li cuanqueb aran Gabaa saꞌ lix tenamit laj Saúl queꞌe̱lelic.

Oseas 5:8

Cheya̱basihak li trompeta aran Gabaa. Cheya̱basihak aran Ramá. Cheyehak resil aran Bet-avén xban nak ticla̱c re li ple̱t. Cheqꞌuehak retal ut texxucuak la̱ex li ralal xcꞌajol laj Benjamín.