Jueces 18:9 - Li Santil hu

⁹ Eb li o̱b chi cui̱nk queꞌxye: —Yoꞌkeb chi pletic riqꞌuineb li cuanqueb Lais. Xkaqꞌue retal chi us li naꞌajej. Aꞌan cha̱bil naꞌajej. ¿Cꞌaꞌut nak tocana̱k chi ma̱cꞌaꞌ takaba̱nu? Se̱bahomak e̱rib. Yoꞌkeb chire̱chaninquil li naꞌajej aꞌan, chanqueb.

Q'eqchi Bible

⁹ Ke'xye: “Xaqlinqex, yo'qeb' sa' xb'eeneb' a'an! Xqil li tenamit ut k'ajo' xchaq'al ru! K'a' naq chunchuukex arin chi maak'a' nekeye? Seeb'ahomaq eerib' chi xik chi reechaninkil li ch'och' a'an.

Jueces 18:9 ပူးပေါင်းရင်းမြစ်များ

Números 13:30

Ut laj Caleb quixye reheb nak teꞌxcanab a̱tinac riqꞌuin laj Moisés. Quixye reheb: —Tento toxic chi pletic riqꞌuineb. La̱o cau kib chiruheb aꞌan. La̱o naru nake̱chani li naꞌajej aꞌan, chan.

Josué 18:3

Laj Josué quixye reheb: —¿Joꞌ najtil chic toj yo̱kex chiroybeninquil le̱ naꞌaj? ¿Ma incꞌaꞌ naru te̱cꞌul le̱ naꞌaj li xqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ?

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

1 Reyes 22:23

Ut laj Micaías quixye ajcuiꞌ re: —Aꞌan aꞌin li quicꞌulman. Li Ka̱cuaꞌ quixtakla jun li musikꞌej riqꞌuineb la̱ profeta re nak teꞌxye ticꞌtiꞌ a̱cue, xban nak ac tenebanbil chak raylal saꞌ a̱be̱n xban li Ka̱cuaꞌ, chan laj Micaías.

1 Reyes 22:3

Lix reyeb laj Israel quixye reheb li nequeꞌtenkꞌan re: —¿Ma incꞌaꞌ nequenau nak li tenamit Ramot, li cuan saꞌ xcue̱nt Galaad, ke la̱o? Cui ke la̱o, ¿cꞌaꞌut nak ma̱cꞌaꞌ yo̱co? ¿Cꞌaꞌut nak incꞌaꞌ nakisi rubel xcuanquil lix reyeb laj Siria? chan.

2 Samuel 10:12

Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

1 Samuel 4:9

Cauhak taxak kachꞌo̱l la̱o aj filisteo. Cau taxak topletik riqꞌuineb re nak incꞌaꞌ teꞌnumta̱k saꞌ kabe̱n. Ma̱re anchal tocana̱k rubel xcuanquileb joꞌ nak xeꞌcuan rubel kacuanquil la̱o, chanqueb.

Jueces 18:8

Li o̱b chi cui̱nk queꞌsukꞌi saꞌ eb li tenamit Zora ut Estaol. Ut eb lix comon queꞌxpatzꞌ reheb: —¿Cꞌaꞌru xeril chak? chanqueb.

Jueces 18:10

Tocuulak chi pletic riqꞌuineb chi ma̱cꞌaꞌ saꞌ xchꞌo̱leb li cuanqueb aran. Toxkatau jun nimla naꞌajej. Saꞌ li naꞌajej aꞌan ma̱cꞌaꞌ pa̱lt. Cuan ban chixjunil. Li Dios ac xkꞌaxtesi li naꞌajej aꞌan saꞌ kukꞌ, chanqueb.