Jueces 18:8 - Li Santil hu

⁸ Li o̱b chi cui̱nk queꞌsukꞌi saꞌ eb li tenamit Zora ut Estaol. Ut eb lix comon queꞌxpatzꞌ reheb: —¿Cꞌaꞌru xeril chak? chanqueb.

Q'eqchi Bible

⁸ Toja' naq ke'sutq'iik chaq Sorá ut Estahol, b'arwi' wankeb' li xkomon, ut eb' a'in ke'xpatz' reheb': “K'aru li esil nekek'am chaq qe?”, chankeb'.

Jueces 18:8 ပူးပေါင်းရင်းမြစ်များ

Jueces 18:11

Joꞌcan nak queꞌco̱eb li cuakib ciento chi cui̱nk xcomoneb li ralal xcꞌajol laj Dan. Queꞌel saꞌ eb li tenamit Zora ut Estaol. Cuanqueb lix chꞌi̱chꞌ re pletic riqꞌuineb nak queꞌco̱eb.

Jueces 18:2

Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Jueces 16:31

Eb li ri̱tzꞌin ut eb li rechꞌalal laj Sansón queꞌxcꞌam li camenak ut queꞌxmuk saꞌ li naꞌajej li mukbil cuiꞌ laj Manoa lix yucuaꞌ. Li mukleba̱l aꞌan nacana saꞌ xyi li cuib chi tenamit Zora ut Estaol. Laj Sansón quicꞌamoc be chiruheb laj Israel chiru junmay chihab.

Jueces 13:2

Saꞌ li naꞌajej Zora quicuan jun li cui̱nk aj Manoa xcꞌabaꞌ. Li cui̱nk aꞌan xcomoneb li ralal xcꞌajol laj Dan. Ma̱ jun xcocꞌal quicuan xban nak li rixakil incꞌaꞌ naqꞌuiresin.

Josué 15:33

Ut saꞌ eb li ru takꞌa, aꞌaneb aꞌin li tenamit li quiqꞌueheꞌ reheb: Estaol, Zora, Asena,

Jueces 18:7

Ut eb li o̱b chi cui̱nk queꞌel aran ut queꞌco̱eb saꞌ li tenamit Lais. Nak queꞌcuulac aran, queꞌxqꞌue retal nak eb li tenamit cꞌojcꞌo̱queb xchꞌo̱l. Chanchaneb laj Sidón. Cuanqueb saꞌ xya̱lal ut ma̱ ani nachꞌiꞌchꞌiꞌin reheb. Cuan chixjunil li cꞌaꞌruheb re. Najt xya̱nkeb riqꞌuineb laj Sidón. Ut incꞌaꞌ nequeꞌlokꞌoc chi moco nequeꞌcꞌayin riqꞌuineb li jalaneb xtenamit.

Jueces 18:9

Eb li o̱b chi cui̱nk queꞌxye: —Yoꞌkeb chi pletic riqꞌuineb li cuanqueb Lais. Xkaqꞌue retal chi us li naꞌajej. Aꞌan cha̱bil naꞌajej. ¿Cꞌaꞌut nak tocana̱k chi ma̱cꞌaꞌ takaba̱nu? Se̱bahomak e̱rib. Yoꞌkeb chire̱chaninquil li naꞌajej aꞌan, chanqueb.