Jueces 18:31 - Li Santil hu

³¹ Ut li yi̱banbil dios, li quixyi̱b laj Micaía, quicuan saꞌ xya̱nkeb laj Dan joꞌ najtil quicuan li rochoch li Ka̱cuaꞌ Dios aran Silo.

Q'eqchi Bible

³¹ Ut li pak'b'il yos yiib'anb'il xb'aan laj Mikaías kiwank sa' xyanqeb' laj Dan, jo' najtil kiwank li rochoch li Yos aran Siló.

Jueces 18:31 ပူးပေါင်းရင်းမြစ်များ

Josué 18:1

Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

1 Samuel 1:3

Laj Elcana rajlal chihab naxic Silo chi lokꞌoni̱nc ut chixqꞌuebal lix mayej chiru li nimajcual Dios. Aran Silo cuan laj Elí laj tij rochbeneb li cuib chi ralal, laj Ofni ut laj Finees. Aꞌan aj tijeb ajcuiꞌ chiru li Dios.

Jueces 19:18

Laj levita quixye re: —Yal numecꞌ yo̱co arin. Belén xochal chak, li cuan xcue̱nt Judá. Xic ke saꞌ kochoch. Najt cuanco chak toj saꞌ xnaꞌajeb li ralal xcꞌajol laj Efraín, li tzu̱l ru. Xincuulac chak Belén ut anakcuan xic ke saꞌ rochoch li Dios. Ma̱ ani nayechiꞌin kanaꞌaj re tocua̱rk cuiꞌ.

Jeremías 7:12

Ayukex anakcuan Silo saꞌ li naꞌajej li quinsicꞌ chak ru junxil re tinlokꞌoni̱k cuiꞌ. Qꞌuehomak retal cꞌaꞌru quinba̱nu re xban li ma̱c li queꞌxba̱nu lin tenamit Israel.

1 Samuel 4:4

Joꞌcan nak queꞌxtaklaheb li cui̱nk aran Silo re nak teꞌxcꞌam chak lix Lokꞌlaj Ca̱x li nimajcual Dios, li cuan li cuib chi querubines saꞌ xbe̱n. Ut eb laj Ofni ut laj Finees, li cuib chi ralal laj Elí, yo̱queb chi cha̱lc chixcꞌatk li Lokꞌlaj Ca̱x.

Jueces 21:21

Kꞌesak e̱ru chi iloc. Nak yo̱keb chi ninkꞌei̱k, eb li xkaꞌal teꞌe̱lk chi chꞌu̱tal re teꞌxajok. Che̱junilex la̱ex tex-e̱lk saꞌ li naꞌajej li mukmu̱kex cuiꞌ. Ut chi ju̱nkal te̱chap ju̱nkak le̱ rixakil saꞌ xya̱nkeb li yo̱keb chi xajoc ut texxic chi junpa̱t saꞌ le̱ tenamit.

Jueces 21:19

Rajlal chihab nacuan jun li ninkꞌe aran Silo re xlokꞌoninquil li Ka̱cuaꞌ, chanqueb. Li tenamit Silo cuan saꞌ xyiheb li cuib chi tenamit Bet-el ut Lebona. Bet-el nacana saꞌ li sur. Lebona nacana saꞌ li norte. Ut nachꞌ riqꞌuin li tenamit Silo, saꞌ li oriente, nanumeꞌ li be li naxic toj Siquem.

Jeremías 41:5

queꞌcuulac Mizpa ca̱cꞌa̱l chi cui̱nk li queꞌchal chak Siquem, Silo, ut Samaria. Jobil lix macheb ut pejel li rakꞌeb ut setinbil lix tibeleb retalil lix rahil xchꞌo̱leb. Queꞌxcꞌam li ru li trigo ut li pom re teꞌmayejak saꞌ li templo.