Jueces 18:3 - Li Santil hu

³ Nak yo̱queb chi nachꞌoc riqꞌuin li rochoch laj Micaía, queꞌrabi nak yo̱ chi a̱tinac li sa̱j cui̱nk. Queꞌxqꞌue retal nak aꞌan aj Leví xban li ra̱tinoba̱l. Nak queꞌcuulac queꞌxye re: —¿Cꞌaꞌru yo̱cat arin? ¿Ani xcꞌamoc chak a̱cue arin? ¿Cꞌaꞌru aj e nak cuancat arin? chanqueb.

Q'eqchi Bible

³ Nach' wankeb' li oob' chi winq rik'in li rochoch laj Mikaías; jo'kan naq ke'xnaw li xyaab' xkux li saaj al aj Leví, ke'jilok chi xk'atq ut ke'xye re: “K'aru yookat arin? Ani xk'amok chaq aawe sa' li na'ajej a'in? K'aru xsachk aawe arin?”, chankeb'.

Jueces 18:3 ပူးပေါင်းရင်းမြစ်များ

San Mateo 26:73

Ut junpa̱tak chican, li cuanqueb aran queꞌjiloc riqꞌuin laj Pedro ut queꞌxye re: —Relic chi ya̱l nak la̱at xcomoneb xban nak la̱ cua̱tinoba̱l nacꞌutuc re nak la̱at aj Galilea.—

Isaías 22:16

“¿Cꞌaꞌru a̱cuanquil la̱at? ¿Ani quiqꞌuehoc a̱lese̱ns chixyi̱banquil li mukleba̱l arin? ¿Ani xyehoc a̱cue nak ta̱yi̱b la̱ hiloba̱l saꞌ li sako̱nac aꞌin li najt xteram?

Jueces 12:6

Cui eb aꞌan teꞌxye nak incꞌaꞌ, quiyeheꞌ reheb nak teꞌxye li a̱tin “Xibolet”. Ut eb laj Efraín queꞌxye “Sibolet” xban nak incꞌaꞌ queꞌru chixyebal chi tzꞌakal li a̱tin aꞌan. Riqꞌuin aꞌan queꞌxnau nak aꞌaneb xcomoneb li ralal xcꞌajol laj Efraín. Queꞌchapeꞌ ut queꞌcamsi̱c saꞌ li naꞌajej li na-ux cuiꞌ numecꞌ jun pacꞌal li nimaꞌ Jordán. Joꞌcan nak queꞌcamsi̱c cuib roxcꞌa̱l (42,000) mil li ralal xcꞌajol laj Efraín.

Génesis 27:22

Laj Jacob quijiloc chixcꞌatk lix yucuaꞌ. Laj Isaac quixma̱yu ru lix tel ut quixye re: —La̱in nacuabi nak lix ya̱b la̱ cux, aꞌan xya̱b xcux laj Jacob, ut la̱ tel, aꞌan xtel laj Esaú nak nacuecꞌa, chan.

Jueces 18:2

Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Jueces 18:4

Li sa̱j cui̱nk quixye: —Laj Micaía quixye cue nak tincꞌanjelak chiru chokꞌ aj tij ut niquinixtoj, chan.