Jueces 18:29 - Li Santil hu

²⁹ Queꞌxjal xcꞌabaꞌ li tenamit aꞌan. Incꞌaꞌ chic queꞌxye “Lais” re. “Dan” chic queꞌxqꞌue chokꞌ xcꞌabaꞌ xban nak aj Dan xcꞌabaꞌ lix xeꞌto̱nil xyucuaꞌeb. Laj Dan, aꞌan li ralal laj Jacob.

Q'eqchi Bible

²⁹ Ke'xjal ajwi' xk'ab'a' li tenamit: ink'a' chik Lahis naxk'ab'a'in anaqwan, Dan b'an ke'xk'e cho'q xk'ab'a' re xjultikankil laj Dan li xyuwa'eb', ralal laj Israel.

Jueces 18:29 ပူးပေါင်းရင်းမြစ်များ

1 Reyes 15:20

Li rey Ben-adad quixcꞌul xchꞌo̱l li quixye laj Asa. Joꞌcan nak quixtaklaheb lix soldado joꞌqueb ajcuiꞌ li nequeꞌtaklan saꞌ xbe̱neb re nak teꞌpletik aran Israel. Ut queꞌnumta saꞌ xbe̱neb li tenamit Ijón, Dan, Abel-bet-maaca, ut quinumta ajcuiꞌ saꞌ xbe̱neb chixjunileb li naꞌajej Cineret joꞌ ajcuiꞌ chixjunil lix naꞌajeb li ralal xcꞌajol laj Neftalí.

Josué 19:47

Eb li ralal xcꞌajol laj Dan incꞌaꞌ quitzꞌakloc lix naꞌajeb. Joꞌcan nak queꞌco̱eb chi pletic saꞌ li tenamit Lesem. Queꞌxcamsiheb chi chꞌi̱chꞌ li cristian ut queꞌre̱chani li naꞌajej ut aran queꞌcana chi cua̱nc. Li tenamit aꞌan Lesem xcꞌabaꞌ, abanan eb aꞌan queꞌxqꞌue Dan chokꞌ xcꞌabaꞌ xban nak aꞌan xcꞌabaꞌ lix xeꞌto̱nil yucuaꞌeb.

Génesis 14:14

Nak laj Abram quirabi nak quicꞌameꞌ laj Lot, ticto quixchꞌutubeb oxib ciento riqꞌuin cuakxaklaju (318) lix mo̱s. Eb aꞌan yoꞌlajenakeb saꞌ lix chꞌochꞌ laj Abram. Chixjunileb queꞌxta̱ke li queꞌcꞌamoc re laj Lot. Queꞌcuulac toj saꞌ li tenamit Dan.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Génesis 30:6

Tojoꞌnak lix Raquel quixye: —Anakcuan aj Dan tinqꞌue chokꞌ xcꞌabaꞌ li cꞌulaꞌal aꞌin xban nak li Ka̱cuaꞌ Dios xrabi li cꞌaꞌru xintzꞌa̱ma chiru. Xinrisi saꞌ raylal ut quixqꞌue cue jun lin cꞌulaꞌal, chan lix Raquel.

Jueces 18:7

Ut eb li o̱b chi cui̱nk queꞌel aran ut queꞌco̱eb saꞌ li tenamit Lais. Nak queꞌcuulac aran, queꞌxqꞌue retal nak eb li tenamit cꞌojcꞌo̱queb xchꞌo̱l. Chanchaneb laj Sidón. Cuanqueb saꞌ xya̱lal ut ma̱ ani nachꞌiꞌchꞌiꞌin reheb. Cuan chixjunil li cꞌaꞌruheb re. Najt xya̱nkeb riqꞌuineb laj Sidón. Ut incꞌaꞌ nequeꞌlokꞌoc chi moco nequeꞌcꞌayin riqꞌuineb li jalaneb xtenamit.

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Deuteronomio 34:1

Laj Moisés qui-el saꞌ li ru takꞌa aran Moab ut quitakeꞌ chiru li tzu̱l Nebo ut co̱ saꞌ xbe̱n li tzu̱l Pisga li cuan saꞌ xcaꞌyaba̱l li tenamit Jericó. Ut li Ka̱cuaꞌ quixcꞌut chiru chixjunil li nimla naꞌajej li cuan Galaad toj saꞌ li naꞌajej li teꞌre̱chani li ralal xcꞌajol laj Dan.