Jueces 18:28 - Li Santil hu

²⁸ Ma̱ ani quicoloc reheb li cuanqueb Lais xban nak najt cuan li tenamit Sidón riqꞌuineb ut xban ajcuiꞌ nak ma̱ ani aj iqꞌuin nequeꞌxcꞌam ribeb. Li tenamit Lais cuan saꞌ li ru takꞌa chixcꞌatk li tenamit Bet-rehob. Eb li ralal xcꞌajol laj Dan queꞌxyi̱b cuiꞌchic li tenamit ut aran queꞌcana chi cua̱nc.

Q'eqchi Bible

²⁸ Maajun kichalk chi xtenq'ankileb', xb'aan naq najt wankeb' rik'in Sidón ut ink'a' neke'raatina rib' rik'ineb' laj Aram. Lahis wank sa' li taq'a sa' xjayal Bet-Rejob. Chirix chik a'an eb' laj Dan ke'xwaklesi wi' chik li tenamit ut ke'kanaak chi wank aran.

Jueces 18:28 ပူးပေါင်းရင်းမြစ်များ

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

Jueces 18:7

Ut eb li o̱b chi cui̱nk queꞌel aran ut queꞌco̱eb saꞌ li tenamit Lais. Nak queꞌcuulac aran, queꞌxqꞌue retal nak eb li tenamit cꞌojcꞌo̱queb xchꞌo̱l. Chanchaneb laj Sidón. Cuanqueb saꞌ xya̱lal ut ma̱ ani nachꞌiꞌchꞌiꞌin reheb. Cuan chixjunil li cꞌaꞌruheb re. Najt xya̱nkeb riqꞌuineb laj Sidón. Ut incꞌaꞌ nequeꞌlokꞌoc chi moco nequeꞌcꞌayin riqꞌuineb li jalaneb xtenamit.

Números 13:21

Eb li cui̱nk li queꞌco̱eb chixqꞌuebal retal li naꞌajej queꞌxtiquib chak xqꞌuebal retal saꞌ li chaki chꞌochꞌ Zin. Ut queꞌcuulac toj saꞌ li tenamit Rehob, li cuan nachꞌ riqꞌuin Hamat.

Isaías 23:12

Li Dios quixye reheb li cuanqueb saꞌ li tenamit Tiro, li quiyi̱ba̱c xbaneb laj Sidón: —Incꞌaꞌ chic ta̱sahokꞌ saꞌ e̱chꞌo̱l. Junxil chanchanex jun li tukꞌ ixk. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokꞌ saꞌ e̱chꞌo̱l.—

Isaías 23:4

Xuta̱nal xex-el la̱ex aj Sidón, li nimla tenamit li cuan chire li palau. Ta̱cuulak xkꞌehil nak te̱ye: —Chanchan ma̱ jun sut xcuecꞌa li raylal li nequeꞌxcꞌul li ixk li oqueb re chi qꞌuira̱c. Chanchan nak ma̱ jun li cualal incꞌajol xinqꞌuiresi, chi moco te̱lom chi moco xkaꞌal.—

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Salmos 7:2

Incꞌaꞌ nacuaj nak tineꞌxtꞌupi joꞌ nequeꞌxba̱nu li cakcoj nak nequeꞌxtꞌupi junak li xul. Incꞌaꞌ nacuaj nak tineꞌxcamsi chi ma̱ ani ta̱colok cue.

2 Samuel 14:6

At rey, cuanqueb cuib inyum. Abanan xeꞌpletic saꞌ cꞌaleba̱l. Ut ma̱ ani xeꞌjachoc reheb chi pletic. Li jun quixcamsi li jun chic.

Jueces 18:1

Saꞌ eb li cutan aꞌan toj ma̱cꞌaꞌak rey aran Israel. Eb li ralal xcꞌajol laj Dan yo̱queb chixsicꞌbal lix naꞌajeb xban nak toj ma̱jiꞌ nequeꞌxcꞌul lix naꞌajeb saꞌ xya̱nkeb li cablaju xte̱paleb li ralal xcꞌajol laj Israel.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Jueces 18:29

Queꞌxjal xcꞌabaꞌ li tenamit aꞌan. Incꞌaꞌ chic queꞌxye “Lais” re. “Dan” chic queꞌxqꞌue chokꞌ xcꞌabaꞌ xban nak aj Dan xcꞌabaꞌ lix xeꞌto̱nil xyucuaꞌeb. Laj Dan, aꞌan li ralal laj Jacob.

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

2 Samuel 24:6

Chirix aꞌan queꞌco̱eb saꞌ eb li tenamit Galaad ut Hodsi saꞌ lix naꞌajeb laj hititas. Nak queꞌel aran queꞌco̱eb saꞌ li tenamit Dan-jaán. Ut chirix aꞌan queꞌco̱eb Sidón ut saꞌ eb li naꞌajej li cuanqueb chi xjun sutam.