Jueces 18:27 - Li Santil hu

²⁷ Queꞌxcꞌam li cꞌaꞌru re laj Micaía. Queꞌxcꞌameb li dios li quixyi̱b ut queꞌxcꞌam ajcuiꞌ laj tij. Queꞌco̱eb saꞌ li naꞌajej Lais. Eb li cuanqueb aran cuanqueb saꞌ xya̱lal ut ma̱cꞌaꞌ nequeꞌxcꞌoxla. Abanan eb li ralal xcꞌajol laj Dan queꞌxcamsiheb chi chꞌi̱chꞌ li cristian ut queꞌxcꞌat lix tenamiteb.

Q'eqchi Bible

²⁷ ke'xk'am li pak'b'il yos yiib'anb'il xb'aan laj Mikaías ut, rochb'eeneb' laj tij, koheb' Lahis, a'an jun tenamit wank sa' tuqtuukilal ut maak'a' neke'xk'oxla. Ke'xkamsiheb' chi ch'iich' li xpoyanamil ut ke'xk'at li tenamit.

Jueces 18:27 ပူးပေါင်းရင်းမြစ်များ

Jueces 18:7

Ut eb li o̱b chi cui̱nk queꞌel aran ut queꞌco̱eb saꞌ li tenamit Lais. Nak queꞌcuulac aran, queꞌxqꞌue retal nak eb li tenamit cꞌojcꞌo̱queb xchꞌo̱l. Chanchaneb laj Sidón. Cuanqueb saꞌ xya̱lal ut ma̱ ani nachꞌiꞌchꞌiꞌin reheb. Cuan chixjunil li cꞌaꞌruheb re. Najt xya̱nkeb riqꞌuineb laj Sidón. Ut incꞌaꞌ nequeꞌlokꞌoc chi moco nequeꞌcꞌayin riqꞌuineb li jalaneb xtenamit.

Josué 19:47

Eb li ralal xcꞌajol laj Dan incꞌaꞌ quitzꞌakloc lix naꞌajeb. Joꞌcan nak queꞌco̱eb chi pletic saꞌ li tenamit Lesem. Queꞌxcamsiheb chi chꞌi̱chꞌ li cristian ut queꞌre̱chani li naꞌajej ut aran queꞌcana chi cua̱nc. Li tenamit aꞌan Lesem xcꞌabaꞌ, abanan eb aꞌan queꞌxqꞌue Dan chokꞌ xcꞌabaꞌ xban nak aꞌan xcꞌabaꞌ lix xeꞌto̱nil yucuaꞌeb.

Jueces 18:10

Tocuulak chi pletic riqꞌuineb chi ma̱cꞌaꞌ saꞌ xchꞌo̱leb li cuanqueb aran. Toxkatau jun nimla naꞌajej. Saꞌ li naꞌajej aꞌan ma̱cꞌaꞌ pa̱lt. Cuan ban chixjunil. Li Dios ac xkꞌaxtesi li naꞌajej aꞌan saꞌ kukꞌ, chanqueb.

Josué 11:11

Ut eb laj Israel queꞌxcamsi chi chꞌi̱chꞌ chixjunileb li cuanqueb saꞌ li naꞌajej aꞌan. Queꞌxsach ru chi junaj cua. Ma̱cꞌaꞌ chic queꞌxcanab chi yoꞌyo ut queꞌxcꞌat li tenamit.

Deuteronomio 33:22

Laj Moisés quixye chirixeb li ralal xcꞌajol laj Dan: Eb li ralal xcꞌajol laj Dan chanchaneb li cakcoj toj sa̱jeb, li nequeꞌel chak toj Basán.

Génesis 49:16

La̱at, Dan, la̱at tatrakok a̱tin saꞌ xbe̱neb la̱ cualal a̱cꞌajol ut tatcꞌamok be chiruheb saꞌ xya̱nkeb laj Israel.

Jueces 18:26

Laj Micaía quixqꞌue retal nak nabaleb li ralal xcꞌajol laj Dan ut incꞌaꞌ quiraj pletic riqꞌuineb. Ti̱c quisukꞌi saꞌ rochoch. Ut eb li ralal xcꞌajol laj Dan queꞌoc cuiꞌchic chi xic.

Jueces 8:11

Laj Gedeón rochbeneb lix soldado yo̱queb chi xic saꞌ li be li cuan saꞌ xnuba̱l li chaki chꞌochꞌ li cuan saꞌ xjayal li oriente riqꞌuineb li tenamit Noba ut Jogbeha. Nak ma̱cꞌaꞌ saꞌ xchꞌo̱leb laj Madián, laj Gedeón rochbeneb lix soldado queꞌoc chi pletic riqꞌuineb.