Jueces 18:20 - Li Santil hu

²⁰ Li cꞌaꞌru queꞌxye eb aꞌan quicuulac chiru laj tij. Joꞌcan nak quixchapeb li yi̱banbil dios ut li efod joꞌ ajcuiꞌ li dios li queꞌxtakla xyi̱banquil. Ut co̱ chirixeb li ralal xcꞌajol laj Dan.

Q'eqchi Bible

²⁰ Kisaho'k sa' xch'ool laj tij rik'in a'an; kixchap li efod, li kok' jalam u ut li pak'b'il yos, ut koho sa' xyanqeb' laj Dan.

Jueces 18:20 ပူးပေါင်းရင်းမြစ်များ

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

Oseas 4:3

Xban li ma̱usilal li nequeꞌxba̱nu, li chꞌochꞌ ta̱chakik ut ma̱cꞌaꞌ chic ta̱e̱lk chiru. Chixjunil li cuan chiru ta̱ca̱mk. Chixjunil li xul saꞌ qꞌuicheꞌ joꞌqueb ajcuiꞌ li nequeꞌrupupic chiru choxa telajeꞌca̱mk ut telajeꞌca̱mk ajcuiꞌ li car li nequeꞌcuan saꞌ li palau.

Ezequiel 13:19

Xine̱mux nak xeba̱nu li incꞌaꞌ us ut riqꞌuin aꞌan xecꞌul li cebada ut li caxlan cua. Xecamsiheb li moco xcꞌulubeb ta ca̱mc ut xecol rix li moco xcꞌulubeb ta cua̱nc chi yoꞌyo. Xeba̱nu aꞌan riqꞌuin li ticꞌtiꞌ xeye.

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

Proverbios 30:15

Cuanqueb cristian caꞌaj cuiꞌ xtzꞌa̱manquil cꞌaꞌru reheb nequeꞌcuulac chiruheb. Chanchaneb li xul li natzꞌubuc quicꞌ. Cuanqueb oxib li incꞌaꞌ natzꞌakloc re li joꞌ qꞌuial nequeꞌxcꞌul. Ut cuan jun chic ma̱ jaruj naxcꞌojob xchꞌo̱l riqꞌuin li joꞌ qꞌuial naxcꞌul.

Jueces 17:10

Laj Micaía quixye re: —Cana̱kat cuiqꞌuin. La̱at tatcꞌanjelak chicuu chokꞌ aj tij ut ta̱qꞌue innaꞌleb joꞌ junak yucuaꞌbej. Tinqꞌue a̱cue laje̱b chi tumin plata rajlal chihab ut tinqꞌue a̱cuakꞌ ut tinqꞌue a̱tzacae̱mk, chan laj Micaía.

Levítico 26:1

Li Ka̱cuaꞌ Dios quixye: —Me̱yi̱b e̱jalanil dios chi moco e̱pechꞌbil dios, chi moco te̱yi̱b e̱dios pec re te̱lokꞌoniheb. Chi moco chiruheb li pec te̱yi̱b junak retalil e̱dios xban nak la̱in li Ka̱cuaꞌ le̱ Dios.

Jueces 18:19

Ut eb aꞌan queꞌxye re: —Matchokin. Yoꞌo chikix. La̱o takaj nak tatcꞌanjelak chokꞌ aj tij kiqꞌuin. Chanchanakat kayucuaꞌ nak tatcua̱nk. ¿Ma incꞌaꞌ ta biꞌ us nak tatcꞌanjelak chokꞌ aj tij chiruheb li jun chꞌu̱tal chi ralal xcꞌajol laj Israel chiru nak yo̱kat chi cꞌanjelac chiru jun cabal ajcuiꞌ? chanqueb re.

Jueces 18:21

Queꞌxqꞌue chi ubej eb li cocꞌal, li queto̱mk ut chixjunil li cꞌaꞌru cuan reheb ut queꞌco̱eb.

Ezequiel 21:21

Lix reyeb laj Babilonia tixxakab rib saꞌ xa̱la be ut incꞌaꞌ tixnau bar cuan li be ta̱xic cuiꞌ. Tixkꞌehi riqꞌuin lix tzimaj ut ta̱patzꞌok riqꞌuineb lix dios. Ut ta̱kꞌehi̱nk riqꞌuin lix sa̱seb li xul li quixmayeja re tixnau bar cuan li be ta̱xic cuiꞌ.