Jueces 18:2 - Li Santil hu

² Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Q'eqchi Bible

² Jo'kan naq eb' laj Dan ke'xsik' ru oob' chi winq kaweb' xch'ool sa' li xjunkab'aleb', ut ke'xtaqlaheb' chi rilb'al li tenamit ut xb'eeninkil. Ke'xye reheb': “Ayuqex ut k'ehomaq chaq reetal chanru li na'ajej”, chankeb'. Ke'elk b'i' aran Sorá ut Estahol ut ke'wulak sa' xtzuulul Efraín, nach' rik'in li rochoch laj Mikaías, ut aran ke'xnumsi li q'oqyink.

Jueces 18:2 ပူးပေါင်းရင်းမြစ်များ

Jueces 13:25

Ut lix musikꞌ li Ka̱cuaꞌ li Dios qui-oc chirecꞌasinquil xchꞌo̱l laj Sansón nak cuan saꞌ li naꞌajej li cuanqueb cuiꞌ lix muheba̱leb li ralal xcꞌajol laj Dan, li cuan saꞌ xyiheb li cuib chi tenamit Zora ut Estaol.

Josué 2:1

Laj Josué, li ralal laj Nun, toj Sitim quixtakla cuibeb laj qꞌuehol etal chi mukmu ut quixye reheb: —Ayukex xqꞌuebal retal li naꞌajej Canaán ut li tenamit Jericó, chan. Eb aꞌan queꞌco̱eb ut queꞌcuulac saꞌ rochoch jun li ixk xcomoneb li nequeꞌxcꞌayi rib, xRahab xcꞌabaꞌ. Ut aran queꞌcana chixnumsinquil li kꞌojyi̱n.

Jueces 18:11

Joꞌcan nak queꞌco̱eb li cuakib ciento chi cui̱nk xcomoneb li ralal xcꞌajol laj Dan. Queꞌel saꞌ eb li tenamit Zora ut Estaol. Cuanqueb lix chꞌi̱chꞌ re pletic riqꞌuineb nak queꞌco̱eb.

Jueces 18:8

Li o̱b chi cui̱nk queꞌsukꞌi saꞌ eb li tenamit Zora ut Estaol. Ut eb lix comon queꞌxpatzꞌ reheb: —¿Cꞌaꞌru xeril chak? chanqueb.

Números 13:17

Nak quixtaklaheb li cui̱nk laj Moisés chixqꞌuebal retal chanru li naꞌajej Canaán, quixye reheb: —Ayukex saꞌ li naꞌajej Neguev ut texnumekꞌ saꞌ li naꞌajej li tzu̱l ru.

San Lucas 14:31

¿Ma cuan ta biꞌ junak rey ta̱xic chi pletic riqꞌuin junak chic rey cui incꞌaꞌ ta̱cꞌojla̱k xbe̱n cua chixcꞌoxlanquil ma tixcuy pletic rochbeneb laje̱bak mil chi cui̱nk riqꞌuin li rey jun chic, li yo̱ chi cha̱lc chi pletic rochbeneb junmay mil chi cui̱nk?

Proverbios 20:18

Li cꞌaꞌru naxcꞌu̱b ru junak, us na-el xban nak naxqꞌue saꞌ xchꞌo̱l li cha̱bil naꞌleb qꞌuebil re. Joꞌcan nak te̱cꞌoxla chi us nak te̱tiquib junak ple̱t.

Jueces 19:18

Laj levita quixye re: —Yal numecꞌ yo̱co arin. Belén xochal chak, li cuan xcue̱nt Judá. Xic ke saꞌ kochoch. Najt cuanco chak toj saꞌ xnaꞌajeb li ralal xcꞌajol laj Efraín, li tzu̱l ru. Xincuulac chak Belén ut anakcuan xic ke saꞌ rochoch li Dios. Ma̱ ani nayechiꞌin kanaꞌaj re tocua̱rk cuiꞌ.

Jueces 19:1

Saꞌ eb li cutan nak eb laj Israel toj ma̱cꞌaꞌ xreyeb quicuan jun li cui̱nk xcomoneb li ralal xcꞌajol laj Leví saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan quixsicꞌ jun li ixk re ta̱cua̱nk riqꞌuin. Li ixk aꞌan, Belén xtenamit xcue̱nt Judá.

Jueces 16:31

Eb li ri̱tzꞌin ut eb li rechꞌalal laj Sansón queꞌxcꞌam li camenak ut queꞌxmuk saꞌ li naꞌajej li mukbil cuiꞌ laj Manoa lix yucuaꞌ. Li mukleba̱l aꞌan nacana saꞌ xyi li cuib chi tenamit Zora ut Estaol. Laj Sansón quicꞌamoc be chiruheb laj Israel chiru junmay chihab.

Jueces 13:2

Saꞌ li naꞌajej Zora quicuan jun li cui̱nk aj Manoa xcꞌabaꞌ. Li cui̱nk aꞌan xcomoneb li ralal xcꞌajol laj Dan. Ma̱ jun xcocꞌal quicuan xban nak li rixakil incꞌaꞌ naqꞌuiresin.

Josué 19:41

Aꞌaneb aꞌin li tenamit li quiqꞌueheꞌ reheb: Zora, Estaol, Ir-semes,

Génesis 42:9

Ut quinak saꞌ xchꞌo̱l laj José chanru nak quimatqꞌuec chirixeb li ras. Quixye reheb: —La̱ex moco ya̱l ta nak chi lokꞌoc xexchal arin. La̱ex yal qꞌuehoc etal xexchal arin re nak te̱ril li cꞌaꞌru cuan arin, chan laj José.

Josué 15:33

Ut saꞌ eb li ru takꞌa, aꞌaneb aꞌin li tenamit li quiqꞌueheꞌ reheb: Estaol, Zora, Asena,

Jueces 17:1

Quicuan jun li cui̱nk aj Micaía xcꞌabaꞌ saꞌ lix naꞌajeb li ralal xcꞌajol laj Efraín, li tzu̱l ru.

Jueces 18:3

Nak yo̱queb chi nachꞌoc riqꞌuin li rochoch laj Micaía, queꞌrabi nak yo̱ chi a̱tinac li sa̱j cui̱nk. Queꞌxqꞌue retal nak aꞌan aj Leví xban li ra̱tinoba̱l. Nak queꞌcuulac queꞌxye re: —¿Cꞌaꞌru yo̱cat arin? ¿Ani xcꞌamoc chak a̱cue arin? ¿Cꞌaꞌru aj e nak cuancat arin? chanqueb.

Josué 2:2

Abanan cuan li queꞌyehoc resil re li rey li cuan Jericó. Ut queꞌxye: —Cuanqueb aj Israel xeꞌchal chixqꞌuebal retal li tenamit chiru li kꞌojyi̱n aꞌin, chanqueb.

Jueces 18:13

Nak queꞌel aran queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru. Ut queꞌcuulac saꞌ li rochoch laj Micaía.