Jueces 18:18 - Li Santil hu

¹⁸ Nak laj tij quiril nak li o̱b chi cui̱nk queꞌoc saꞌ li rochoch laj Micaía ut yo̱queb chixcꞌambal chixjunileb li yi̱banbil dios ut li efod, quixye reheb: ¿Cꞌaꞌru yo̱quex chixba̱nunquil? chan.

Q'eqchi Bible

¹⁸ Naq kiril laj tij naq li oob' chi winq ke'ok sa' rochoch laj Mikaías ut ke'xk'am li efod, li kok' jalam u jo'wi' li pak'b'il yos, kixye reheb': “K'aru yookex xb'aanunkil?”, chan.

Jueces 18:18 ပူးပေါင်းရင်းမြစ်များ

Levítico 26:1

Li Ka̱cuaꞌ Dios quixye: —Me̱yi̱b e̱jalanil dios chi moco e̱pechꞌbil dios, chi moco te̱yi̱b e̱dios pec re te̱lokꞌoniheb. Chi moco chiruheb li pec te̱yi̱b junak retalil e̱dios xban nak la̱in li Ka̱cuaꞌ le̱ Dios.

Jueces 18:17

Ut eb li o̱b chi aj qꞌuehol etal queꞌoc saꞌ li rochoch laj Micaía ut queꞌxcꞌam lix efod ut queꞌxcꞌam ajcuiꞌ lix dios yi̱banbil riqꞌuin cheꞌ joꞌ ajcuiꞌ li dios yi̱banbil riqꞌuin plata. Queꞌxcꞌam chixjunil li yi̱banbil dios. Ut laj tij xakxo saꞌ li oqueba̱l rochbeneb li cuakib ciento chi soldado.

Jueces 18:19

Ut eb aꞌan queꞌxye re: —Matchokin. Yoꞌo chikix. La̱o takaj nak tatcꞌanjelak chokꞌ aj tij kiqꞌuin. Chanchanakat kayucuaꞌ nak tatcua̱nk. ¿Ma incꞌaꞌ ta biꞌ us nak tatcꞌanjelak chokꞌ aj tij chiruheb li jun chꞌu̱tal chi ralal xcꞌajol laj Israel chiru nak yo̱kat chi cꞌanjelac chiru jun cabal ajcuiꞌ? chanqueb re.

Isaías 46:2

Queꞌcubsi̱c xcuanquileb ut queꞌsacheꞌ ruheb li yi̱banbil dios ut queꞌcꞌameꞌ saꞌ jalan tenamit rochbeneb li bu̱r. Incꞌaꞌ queꞌru xcolbaleb rib.

Ezequiel 21:21

Lix reyeb laj Babilonia tixxakab rib saꞌ xa̱la be ut incꞌaꞌ tixnau bar cuan li be ta̱xic cuiꞌ. Tixkꞌehi riqꞌuin lix tzimaj ut ta̱patzꞌok riqꞌuineb lix dios. Ut ta̱kꞌehi̱nk riqꞌuin lix sa̱seb li xul li quixmayeja re tixnau bar cuan li be ta̱xic cuiꞌ.