Jueces 17:6 - Li Santil hu

⁶ Saꞌ eb li cutan aꞌan li junju̱nk queꞌxba̱nu li cꞌaꞌru queꞌraj xba̱nunquil xban nak ma̱cꞌaꞌ junak rey chi takla̱nc saꞌ xbe̱neb.

Q'eqchi Bible

⁶ Sa'eb' li kutan a'an maak'a'eb' chaq awab'ej aran Israel, ut li junjunq naxb'aanu li k'aru naraj xb'aanunkil.

Jueces 17:6 ပူးပေါင်းရင်းမြစ်များ

Proverbios 14:12

Cuanqueb li nequeꞌxcꞌoxla nak us li nequeꞌxba̱nu xjuneseb, abanan li cꞌaꞌru nequeꞌxba̱nu, aꞌan ajcuiꞌ li nacꞌamoc chak re li ca̱mc saꞌ xbe̱neb.

Deuteronomio 12:8

Saꞌ li naꞌajej aꞌan incꞌaꞌ chic te̱ba̱nu joꞌ nakaba̱nu la̱o saꞌ li naꞌajej aꞌin. Anakcuan nakaba̱nu joꞌ nakaj la̱o chikaju̱nkal.

Proverbios 12:15

Li ani ma̱cꞌaꞌ xnaꞌleb naxcꞌoxla nak us yo̱ chixba̱nunquil. Abanan li cuan xnaꞌleb naxqꞌue saꞌ xchꞌo̱l li naꞌleb naqꞌueheꞌ re.

Jueces 21:25

Saꞌ eb li cutan aꞌan ma̱cꞌaꞌ xreyeb laj Israel. Chixjunileb queꞌxba̱nu li cꞌaꞌru queꞌraj xba̱nunquil xjuneseb.

Jueces 19:1

Saꞌ eb li cutan nak eb laj Israel toj ma̱cꞌaꞌ xreyeb quicuan jun li cui̱nk xcomoneb li ralal xcꞌajol laj Leví saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan quixsicꞌ jun li ixk re ta̱cua̱nk riqꞌuin. Li ixk aꞌan, Belén xtenamit xcue̱nt Judá.

Jueces 18:1

Saꞌ eb li cutan aꞌan toj ma̱cꞌaꞌak rey aran Israel. Eb li ralal xcꞌajol laj Dan yo̱queb chixsicꞌbal lix naꞌajeb xban nak toj ma̱jiꞌ nequeꞌxcꞌul lix naꞌajeb saꞌ xya̱nkeb li cablaju xte̱paleb li ralal xcꞌajol laj Israel.

Proverbios 16:2

Eb li cristian nequeꞌxcꞌoxla nak us chixjunil li nequeꞌxba̱nu. Abanan, li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

Eclesiastés 11:9

La̱ex, li toj sa̱jex, cheyalak xsahil le̱ sa̱jilal. Cheba̱nuhak li cꞌaꞌru te̱ra ru ut li cꞌaꞌru nacuulac che̱ru. Abanan, tento nak te̱qꞌue retal nak saꞌ jun cutan ta̱rakok a̱tin li Dios saꞌ e̱be̱n.

Salmos 12:4

Chakꞌuseb li nequeꞌyehoc re chi joꞌcaꞌin: —La̱o nakanau a̱tinac kajunes. La̱o yal ke cꞌaꞌru takaye. Ma̱ ani naru nakꞌusuc ke.—

Jueces 21:3

—At Ka̱cuaꞌ, la̱at li kaDios la̱o aj Israel. ¿Cꞌaꞌut nak xkacꞌul chi joꞌcaꞌin? ¿Cꞌaꞌut nak teꞌosokꞌ chi junaj cua li jun xte̱paleb laj Israel? chanqueb.

Deuteronomio 33:5

Li Ka̱cuaꞌ, aꞌan li rey aran Jesurún nak queꞌxchꞌutub ribeb li nequeꞌcꞌamoc be rochbeneb lix te̱paleb laj Israel.—

Génesis 36:31

Nak toj ma̱jiꞌ nacuan xreyeb laj Israel, aꞌaneb aꞌin li queꞌtaklan saꞌ li tenamit Edom.