Jueces 17:5 - Li Santil hu

⁵ Saꞌ li rochoch laj Micaía quicuan jun li naꞌajej re xlokꞌoninquil lix dioseb. Quixyi̱b jun li efod ut quixyi̱beb ajcuiꞌ lix dios. Ut quixxakab jun li ralal chi cꞌanjelac chokꞌ aj tij chiruheb li yi̱banbil dios.

Q'eqchi Bible

⁵ Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

Jueces 17:5 ပူးပေါင်းရင်းမြစ်များ

Jueces 18:14

Li o̱beb chi cui̱nk li queꞌco̱eb chi qꞌuehoc etal saꞌ li naꞌajej Lais queꞌxye reheb lix comon: —Cꞌoxlahomak cꞌaꞌru te̱ba̱nu xban nak saꞌ li rochoch li cui̱nk aꞌan cuan jun li efod ut cuanqueb li yi̱banbil dios. Ut cuan lix dios yi̱banbil riqꞌuin cheꞌ ut li ru yi̱banbil riqꞌuin plata. ¿Cꞌaꞌru nequecꞌoxla? ¿Cꞌaꞌru takaba̱nu? chanqueb.

Jueces 8:27

Ut riqꞌuin li caꞌxic li quikꞌaxtesi̱c re, laj Gedeón quixyi̱b jun li efod oro ut quixqꞌue aran Ofra saꞌ lix tenamit. Ut chixjunileb laj Israel queꞌxcanab xlokꞌoninquil li Ka̱cuaꞌ lix Dioseb. Aꞌ chic li efod queꞌxqꞌue xlokꞌal. Joꞌcan nak laj Gedeón quixbalakꞌi rib ut quixbalakꞌiheb ajcuiꞌ li ralal xcꞌajol.

Génesis 31:19

Ma̱ ani laj Labán. Cuan chak saꞌ jalan naꞌajej chixbesbal rixeb lix carner nak lix Raquel quirelkꞌaheb lix dios lix yucuaꞌ.

Jueces 18:24

Laj Micaía quixye reheb: —¿Ma incꞌaꞌ ta biꞌ xecꞌam lin dios li xinyi̱b la̱in? ¿Ma incꞌaꞌ ta biꞌ xecꞌam che̱rix laj tij li yo̱ chi cꞌanjelac chicuu? ¿Cꞌaꞌut nak nequepatzꞌ cue cꞌaꞌru nincꞌul? chan.

Génesis 31:30

La̱in ninnau nak xat-el cuiqꞌuin saꞌ junpa̱t xban nak ta̱cuaj ru xic saꞌ rochoch la̱ yucuaꞌ. Caꞌaj cuiꞌ li incꞌaꞌ nintau ru la̱in, ¿cꞌaꞌut nak xacuelkꞌaheb chak lin dios? chan laj Labán.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Éxodo 28:15

Ut te̱yi̱b ajcuiꞌ li pectoral li nequeꞌxqꞌue chire xchꞌo̱l retalil li ti̱quilal. Te̱yi̱b chi cha̱bil xyi̱banquil joꞌ nak te̱yi̱b li efod. Yi̱banbilak riqꞌuin oro, ut riqꞌuin li nokꞌ azul, li nokꞌ púrpura ut li nokꞌ cak ut li bakbil nokꞌ lino.

Hebreos 5:4

Lix cꞌanjel li xyucuaꞌil aj tij kꞌaxal lokꞌ, aban ma̱ jun naxyoꞌob xcꞌanjel yal xjunes rib. Eb aꞌan sicꞌbil ruheb xban li Dios. Li Dios naxxakabeb chi cꞌanjelac joꞌ nak quixakaba̱c laj Aarón najter.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Esdras 1:7

Ut li rey Ciro quirisi chak li secꞌ li nacꞌanjelac saꞌ li rochoch li Dios, li queꞌelkꞌa̱c ut queꞌqꞌueheꞌ saꞌ rochocheb lix dioseb laj Babilonia xban li rey Nabucodonosor.

1 Reyes 12:31

Laj Jeroboam quixyi̱b rochocheb li yi̱banbil dios saꞌ eb li naꞌajej najt xteram. Ut saꞌ xya̱nkeb li tenamit quixsiqꞌueb ru li quixxakab chokꞌ aj tij li ma̱cuaꞌeb ralal xcꞌajol laj Leví.

1 Samuel 23:6

Nak laj Abiatar li ralal laj Ahimelec quie̱lelic chiru laj Saúl, quixcꞌam li efod chirix. Ut quixcꞌam ajcuiꞌ chirix nak co̱ riqꞌuin laj David aran Keila.

Éxodo 28:4

Joꞌcaꞌin nak te̱yi̱b li rakꞌeb: li rakꞌ li nim rok li nequeꞌxqꞌue toj chi saꞌ (túnica), ut li rakꞌ jun chic li nequeꞌxqꞌue saꞌ xbe̱n (manto), ut li rakꞌ jun chic li kꞌaxal cha̱bil xyi̱banquil li nequeꞌxqꞌue toj saꞌ xbe̱n (efod). Ut teꞌxyi̱b ajcuiꞌ li tꞌicr li nequeꞌxqꞌue chire xchꞌo̱l (pectoral) joꞌ ajcuiꞌ lix cꞌa̱mal xsaꞌ (cinturón) ut li tꞌicr li nequeꞌxbacꞌ saꞌ xjolom (mitra). Joꞌcan nak yi̱bomak chi cha̱bil li rakꞌ la̱ cuas laj Aarón joꞌ eb ajcuiꞌ li ralal re nak eb aꞌan teꞌcꞌanjelak chicuu chokꞌ aj tij.

Éxodo 24:5

Laj Moisés quixtaklaheb li sa̱j cui̱nk aj Israel chi mayejac chiru li Dios. Queꞌxcamsi li bo̱yx ut queꞌxcꞌat chokꞌ xmayej chiru li Dios re xpatzꞌbal xcuybal xma̱queb.

Números 3:10

Ta̱xakabeb laj Aarón ut eb li ralal chi cꞌanjelac chokꞌ aj tij. Ut li jalan teꞌnachꞌok riqꞌuin li tabernáculo teꞌca̱mk.—

Jueces 17:4

Laj Micaía quixqꞌue li tumin re lix naꞌ. Ut lix naꞌ quixqꞌue cuib ciento li tumin plata re jun aj tenol chꞌi̱chꞌ re nak tixyi̱b lix dios cheꞌ ut tixletz li plata chiru. Ut li yi̱banbil dios aꞌan quiqꞌueheꞌ saꞌ rochoch laj Micaía.

Jueces 18:30

Ut eb li ralal xcꞌajol laj Dan queꞌxxakab li yi̱banbil dios re teꞌxlokꞌoni. Ut laj Jonatán, li ralal laj Gersón, rochben li ralal xcꞌajol queꞌcꞌanjelac chokꞌ aj tij chiruheb li ralal xcꞌajol laj Dan chalen toj nak queꞌchapeꞌ ut queꞌcꞌameꞌ chi najt. Laj Gersón, aꞌan li ralal laj Moisés.

Isaías 44:13

Ut junak laj pechꞌ naxbis riqꞌuin bisleb li cꞌaꞌru naraj xyi̱banquil ut naxtzꞌi̱ba retalil. Naxjiꞌ ru lix cheꞌ riqꞌuin chꞌi̱chꞌ. Naxqꞌue retalil li jalam u̱ch ut naxyi̱b joꞌ riloba̱l li cui̱nk re nak chꞌinaꞌus ta̱e̱lk re tixqꞌue saꞌ rochoch.

Ezequiel 21:21

Lix reyeb laj Babilonia tixxakab rib saꞌ xa̱la be ut incꞌaꞌ tixnau bar cuan li be ta̱xic cuiꞌ. Tixkꞌehi riqꞌuin lix tzimaj ut ta̱patzꞌok riqꞌuineb lix dios. Ut ta̱kꞌehi̱nk riqꞌuin lix sa̱seb li xul li quixmayeja re tixnau bar cuan li be ta̱xic cuiꞌ.

1 Samuel 19:13

Lix Mical quixchap jun li yi̱banbil dios ut quixyocob saꞌ li cuarib. Quixqꞌue li rix jun li chiba̱t saꞌ xjolom ut quixtzꞌap riqꞌuin tꞌicr.

1 Reyes 12:32

Ut quixye nak saꞌ li oꞌlaju xbe li cuakxak li po teꞌxba̱nu jun li nimla ninkꞌe. Chanchan li ninkꞌe li nequeꞌxba̱nu aran Judá. Ut quimayejac chiru li artal aran Bet-el chiru li cuacax oro li quixqꞌue chi yi̱ba̱c. Ut quixxakab eb ajcuiꞌ aj tij re teꞌcꞌanjelak saꞌ eb li naꞌajej li najt xteram li quixyi̱b.

Ezequiel 21:26

La̱in li nimajcual Dios ninye a̱cue: —Isi la̱ corona li cuan saꞌ a̱jolom, joꞌ ajcuiꞌ li tꞌicr li nacatzꞌap cuiꞌ a̱jolom. Anakcuan ta̱jala̱k chixjunil. Li ma̱cꞌaꞌ xcuanquil ta̱qꞌuehekꞌ xcuanquil, ut li cuan xcuanquil ta̱isi̱k xcuanquil.