Jueces 17:4 - Li Santil hu

⁴ Laj Micaía quixqꞌue li tumin re lix naꞌ. Ut lix naꞌ quixqꞌue cuib ciento li tumin plata re jun aj tenol chꞌi̱chꞌ re nak tixyi̱b lix dios cheꞌ ut tixletz li plata chiru. Ut li yi̱banbil dios aꞌan quiqꞌueheꞌ saꞌ rochoch laj Micaía.

Q'eqchi Bible

⁴ a'in kixchap lajeek'aal (200) chi tumin plaat ut kixk'am rik'in jun aj tenol plaat. Aran kiyiib'amank jun pak'b'il yos li kik'ehe'k sa' rochoch laj Mikaías.

Jueces 17:4 ပူးပေါင်းရင်းမြစ်များ

Jueces 17:3

Ut laj Micaía quixkꞌaxtesi li tumin re lix naꞌ. Ut li naꞌbej quixye: —Relic chi ya̱l nak li tumin ac xinkꞌaxtesi re li Ka̱cuaꞌ saꞌ xcꞌabaꞌ lin yum re xyi̱banquil indios. Tinqꞌue chi yi̱ba̱c indios cheꞌ ut li ru yi̱banbilak riqꞌuin plata, chan.

Jueces 17:5

Saꞌ li rochoch laj Micaía quicuan jun li naꞌajej re xlokꞌoninquil lix dioseb. Quixyi̱b jun li efod ut quixyi̱beb ajcuiꞌ lix dios. Ut quixxakab jun li ralal chi cꞌanjelac chokꞌ aj tij chiruheb li yi̱banbil dios.

Isaías 30:22

La̱ex incꞌaꞌ chic te̱raj le̱ yi̱banbil dios li qꞌuebil plata ut oro chirixeb. Te̱tzꞌekta̱naheb joꞌ li mul. Ut te̱ye: —Incꞌaꞌ chic nakaj rilbaleb, chaꞌakex.

Isaías 44:13

Ut junak laj pechꞌ naxbis riqꞌuin bisleb li cꞌaꞌru naraj xyi̱banquil ut naxtzꞌi̱ba retalil. Naxjiꞌ ru lix cheꞌ riqꞌuin chꞌi̱chꞌ. Naxqꞌue retalil li jalam u̱ch ut naxyi̱b joꞌ riloba̱l li cui̱nk re nak chꞌinaꞌus ta̱e̱lk re tixqꞌue saꞌ rochoch.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Jueces 18:17

Ut eb li o̱b chi aj qꞌuehol etal queꞌoc saꞌ li rochoch laj Micaía ut queꞌxcꞌam lix efod ut queꞌxcꞌam ajcuiꞌ lix dios yi̱banbil riqꞌuin cheꞌ joꞌ ajcuiꞌ li dios yi̱banbil riqꞌuin plata. Queꞌxcꞌam chixjunil li yi̱banbil dios. Ut laj tij xakxo saꞌ li oqueba̱l rochbeneb li cuakib ciento chi soldado.

Habacuc 2:18

¿Cꞌaꞌru ta̱oc cuiꞌ e̱re li pechꞌbil dios li nequeyi̱b la̱ex riqꞌuin le̱ rukꞌ? ¿Ma cuan ta biꞌ xcuanquil li dios yi̱banbil riqꞌuin chꞌi̱chꞌ? Yal nequebalakꞌi e̱rib riqꞌuineb. Li yi̱banbil dios incꞌaꞌ nequeꞌa̱tinac. ¿Chan ta cuiꞌ ru nak cauhak e̱chꞌo̱l riqꞌuin li cꞌaꞌru yal te̱yi̱b riqꞌuin e̱rukꞌ?