Jueces 17:2 - Li Santil hu

² Laj Micaía quixye re lix naꞌ: —Nak qui-elkꞌa̱c cha̱cuu li jun mil riqꞌuin jun ciento chi tumin plata, la̱at xatzꞌa̱ma ma̱usilal saꞌ xbe̱n li ani qui-elkꞌan re. La̱in xin-elkꞌan re la̱ tumin. Cueꞌ li tumin cuan cuiqꞌuin. Anakcuan tinkꞌaxtesi a̱cue, chan. Ut li naꞌbej quixye: —Li Ka̱cuaꞌ Dios taxak chi-osobtesi̱nk a̱cue, chan.

Q'eqchi Bible

² Sa' jun kutan kixye re li xna': “Naq x'elq'aak chawu o'lajuk'aal rox o'q'ob' (1,100) chi tumin plaat, laa'at xatz'aama maa'usilal sa' xb'een laj elq'. Laa'in xin'elq'ank re laatumin. We' li tumin wank wik'in, ut anaqwan tinq'axtesi aawe”, chan. Kichaq'ok li xna' ut kixye: “Li Qaawa' chi'osob'tesinq taxaq aawe!”, chan.

Jueces 17:2 ပူးပေါင်းရင်းမြစ်များ

Nehemías 13:25

La̱in quincuechꞌiheb ut quinbok raylal saꞌ xbe̱neb. Cuan quinsaqꞌueb ut cuan quinmichꞌeb chi rismal ut quinpuersiheb nak teꞌxye riqꞌuin juramento nak incꞌaꞌ chic teꞌxqꞌue li ralal xcꞌajoleb chi sumla̱c riqꞌuineb li ralal xcꞌajoleb li jalaneb xtenamit, chi moco teꞌxcꞌam rixakileb saꞌ xya̱nkeb li jalaneb xtenamit, chanquin reheb.

Li xHu LIX RUT 3:10

Laj Booz quichakꞌoc ut quixye re: —Li Ka̱cuaꞌ Dios taxak chi-osobtesi̱nk a̱cue xban nak kꞌaxal nabal cuiꞌchic li usilal yo̱cat chixba̱nunquil riqꞌuin aꞌin. Xru raj xasicꞌ junak cui̱nk toj sa̱j chicuu la̱in, usta biom usta nebaꞌ. Abanan incꞌaꞌ xaba̱nu chi joꞌcan.

2 Juan 1:11

Xban nak li ani naxtzꞌa̱ma chiru li Dios nak ta̱rosobtesiheb laj balakꞌ, aꞌan ta̱tzꞌako̱nk riqꞌuin lix yibal ru lix cꞌanjeleb.

1 Corintios 16:22

Li Ka̱cuaꞌ Jesucristo chi se̱b ta̱cha̱lk. Cui cuan junak saꞌ e̱ya̱nk incꞌaꞌ naxra li Jesucristo, chi cha̱lc ta raylal saꞌ xbe̱n.

Romanos 9:3

Tinqꞌue raj cuib chi tzꞌekta̱na̱c ut chi isi̱c riqꞌuin li Cristo cui ta riqꞌuin aꞌan ta̱ru̱k tebintenkꞌa re teꞌcolekꞌ.

San Mateo 26:74

Ut laj Pedro qui-oc chi majecua̱nc ut quixye riqꞌuin juramento: —Incꞌaꞌ ninnau ru li cui̱nk aꞌan, chan. Ut saꞌ ajcuiꞌ li ho̱nal aꞌan quiya̱bac laj tzoꞌ xul.

Jeremías 48:10

(Tzꞌekta̱nanbilakeb li incꞌaꞌ nequeꞌxqꞌue xchꞌo̱l chixba̱nunquil lix cꞌanjel li Dios. Tzꞌekta̱nanbilakeb li incꞌaꞌ teꞌoque̱nk chi camsi̱nc nak taklanbileb xban li Ka̱cuaꞌ.)

Proverbios 28:24

Li ani narelkꞌa li cꞌaꞌru cuan re lix naꞌ xyucuaꞌ ut naxye nak moco ma̱c ta li naxba̱nu, aꞌan xcomoneb li nequeꞌsachoc.

Salmos 10:3

Li incꞌaꞌ useb xnaꞌleb nequeꞌxnimobresi ribeb riqꞌuin li cꞌaꞌru nequeꞌxrahi ru lix chꞌo̱leb. Ut nequeꞌxqꞌue xlokꞌal li naxrahi ru cꞌaꞌak re ru, aban nequeꞌxtzꞌekta̱na li Dios.

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

1 Samuel 23:21

Laj Saúl quixye reheb: —Aꞌ taxak li Ka̱cuaꞌ chi-osobtesi̱nk e̱re xban nak xeril xtokꞌoba̱l cuu nak xeye cue.

1 Samuel 15:13

Laj Samuel co̱ cuan cuiꞌ laj Saúl ut laj Saúl quixye re: —Osobtesinbilat taxak xban li Ka̱cuaꞌ. La̱in xinba̱nu li cꞌaꞌru quixye cue li Ka̱cuaꞌ, chan.

1 Samuel 14:28

Jun li soldado quixye re laj Jonatán: —La̱ yucuaꞌ quixba̱nu jun li juramento riqꞌuineb li soldados ut quixye nak tzꞌekta̱nanbilak li ani ta̱tzaca̱nk chiru li cutan aꞌin. Joꞌcan nak tacuajenako, chan.

1 Samuel 14:24

Saꞌ li cutan aꞌan tacuajenakeb li soldado aj Israel xban nak laj Saúl ac xba̱nu li juramento ut quixye: —Tzꞌekta̱nanbilak li ani ta̱cuaꞌak nak toj ma̱jiꞌ na-oc li kꞌojyi̱n cui toj ma̱jiꞌ nequeꞌke̱chaniheb laj filisteo, chan. Joꞌcan nak incꞌaꞌ queꞌcuaꞌac eb li soldados aj Israel.

Jueces 5:23

Lix ángel li Ka̱cuaꞌ quixye, “Chetzꞌekta̱naheb li cuanqueb saꞌ li tenamit Meroz xban nak incꞌaꞌ queꞌco̱eb chi pletic. Chetzꞌekta̱naheb xban nak incꞌaꞌ queꞌxtenkꞌaheb lix soldado li Ka̱cuaꞌ nak queꞌpletic riqꞌuineb li cuanqueb xcuanquil.”

Deuteronomio 27:16

Tzꞌekta̱nanbil li ani tixtzꞌekta̱na xnaꞌ xyucuaꞌ. Ut chixjunileb li tenamit teꞌxye: Joꞌcan taxak.

Éxodo 20:7

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Génesis 14:19

Laj Melquisedec quirosobtesi laj Abram riqꞌuin li a̱tin aꞌin: —Osobtesinbil taxak laj Abram xban li Ka̱cuaꞌ Dios, li kꞌaxal nim xcuanquil. Li Ka̱cuaꞌ Dios, aꞌan li quiyi̱ban re li choxa joꞌ ajcuiꞌ li ruchichꞌochꞌ.

Jueces 17:1

Quicuan jun li cui̱nk aj Micaía xcꞌabaꞌ saꞌ lix naꞌajeb li ralal xcꞌajol laj Efraín, li tzu̱l ru.

Jueces 17:3

Ut laj Micaía quixkꞌaxtesi li tumin re lix naꞌ. Ut li naꞌbej quixye: —Relic chi ya̱l nak li tumin ac xinkꞌaxtesi re li Ka̱cuaꞌ saꞌ xcꞌabaꞌ lin yum re xyi̱banquil indios. Tinqꞌue chi yi̱ba̱c indios cheꞌ ut li ru yi̱banbilak riqꞌuin plata, chan.