Jueces 17:10 - Li Santil hu

¹⁰ Laj Micaía quixye re: —Cana̱kat cuiqꞌuin. La̱at tatcꞌanjelak chicuu chokꞌ aj tij ut ta̱qꞌue innaꞌleb joꞌ junak yucuaꞌbej. Tinqꞌue a̱cue laje̱b chi tumin plata rajlal chihab ut tinqꞌue a̱cuakꞌ ut tinqꞌue a̱tzacae̱mk, chan laj Micaía.

Q'eqchi Bible

¹⁰ Kixye laj Mikaías: “Kanaaqat sa' wochoch, ut laa'ataq aj tij arin ut jo'qat jun li yuwa'b'ej cho'q we. Tink'e aawe lajeeb' chi tumin plaat rajlal chihab'. Tink'e ajwi' aawaq' ut aatzekemq”, chan.

Jueces 17:10 ပူးပေါင်းရင်းမြစ်များ

1 Pedro 5:2

La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

1 Timoteo 6:10

Li xrahinquil ru li tumin, aꞌan xxeꞌ xto̱nal chixjunil li ma̱usilal. Cuanqueb li queꞌxtzꞌekta̱na lix pa̱ba̱l xban xrahinquil ru li tumin. Ut qꞌuila raylal queꞌxbok saꞌ xbe̱neb. Ut nequeꞌyotꞌotꞌnac saꞌ xchꞌo̱leb riqꞌuin li incꞌaꞌ us nequeꞌxba̱nu.

San Juan 12:6

Ma̱cuaꞌ xban nak naxraheb li nebaꞌ nak quixye aꞌan. Quixye chi joꞌcan xban nak aj e̱lkꞌ. Riqꞌuin aꞌan cuan lix bo̱lsil li tumin ut cuan nak naxchap chokꞌ re aꞌan li tumin cuan chi saꞌ.

San Mateo 26:15

Ut quixye reheb: —¿Joꞌ nimal te̱qꞌue cue cui tinkꞌaxtesi li Jesús e̱re? chan reheb. Ut eb aꞌan queꞌxcꞌu̱b nak teꞌxqꞌue laje̱b xcaꞌcꞌa̱l chi tumin plata re.

Ezequiel 13:19

Xine̱mux nak xeba̱nu li incꞌaꞌ us ut riqꞌuin aꞌan xecꞌul li cebada ut li caxlan cua. Xecamsiheb li moco xcꞌulubeb ta ca̱mc ut xecol rix li moco xcꞌulubeb ta cua̱nc chi yoꞌyo. Xeba̱nu aꞌan riqꞌuin li ticꞌtiꞌ xeye.

Isaías 22:21

Tinqꞌue chirix laj Eliaquim la̱ cuakꞌ rochben lix cꞌa̱mal a̱saꞌ. Tinkꞌaxtesi li cuanquil re li quinqꞌue a̱cue junxil. Ut aꞌanak chic li ta̱cꞌamok be chiruheb li cuanqueb Jerusalén joꞌ eb ajcuiꞌ li ralal xcꞌajol laj Judá.

Li xHu LAJ JOB 29:16

Chanchanin chic lix yucuaꞌeb li nequeꞌraj tenkꞌa̱c. Ut la̱in ajcuiꞌ nincoloc reheb li jalaneb xtenamit.

2 Reyes 13:14

Saꞌ eb li cutan aꞌan li profeta Eliseo nim xyajel ut ca̱mc re. Laj Joás lix reyeb laj Israel quicuulac riqꞌuin. Ta̱ya̱bak nak quixye re: —At Eliseo, la̱at chanchanat lin yucuaꞌ. La̱at nacatcoloc reheb laj Israel, chan.

2 Reyes 6:21

Ut lix reyeb laj Israel quirileb laj Siria. Quixye re laj Eliseo: —At Ka̱cuaꞌ, ¿ma tintakla xcamsinquileb? chan.

1 Samuel 2:36

Ut eb la̱ cuechꞌalal li incꞌaꞌ teꞌca̱mk teꞌxic riqꞌuin laj tij li tinsicꞌ ru ut teꞌxtzꞌa̱ma xtzacae̱mkeb ut xtumineb re. Ut teꞌxtzꞌa̱ma chiru nak tixcanabeb chi cꞌanjelac saꞌ xya̱nkeb laj tij re nak teꞌtzaca̱nk,” chan li Ka̱cuaꞌ.—

Jueces 17:11

Quixcꞌul xchꞌo̱l laj levita ut quicana aran joꞌ jun reheb li ralal laj Micaía.

Génesis 45:8

Ma̱cuaꞌ e̱ban la̱ex nak cuanquin arin. Aꞌ li Ka̱cuaꞌ Dios quinixtakla chak arin re nak tinchꞌolob xya̱lal chiru laj faraón. Li Ka̱cuaꞌ Dios quixkꞌaxtesi saꞌ cuukꞌ chixjunil li cꞌaꞌru cuan re laj faraón ut la̱in ajcuiꞌ quin-oc chokꞌ acuabej re chixjunil li tenamit Egipto.

Jueces 17:9

Laj Micaía quixpatzꞌ re: —¿Bar xatchal chak? chan. Li sa̱j cui̱nk quixye re: —La̱in laj levita. Xinchal chak Belén xcue̱nt Judá. Yo̱quin chixsicꞌbal junak innaꞌaj re tincua̱nk cuiꞌ, chan.

Jueces 18:4

Li sa̱j cui̱nk quixye: —Laj Micaía quixye cue nak tincꞌanjelak chiru chokꞌ aj tij ut niquinixtoj, chan.

2 Reyes 2:12

Laj Eliseo quiril li quicꞌulman ut quixjap re chi cau ut quixye: —At inyucuaꞌ, at inyucuaꞌ, at Elías, la̱at chanchanat li kayucuaꞌ, la̱o aj Israel, chan. Ut incꞌaꞌ chic quiril ru laj Elías. Xban xrahil xchꞌo̱l laj Eliseo quixchap li rakꞌ li cuan chirix ut quixpej. Cuib jachal qui-el.