Jueces 17:1 - Li Santil hu

¹ Quicuan jun li cui̱nk aj Micaía xcꞌabaꞌ saꞌ lix naꞌajeb li ralal xcꞌajol laj Efraín, li tzu̱l ru.

Q'eqchi Bible

¹ Kiwank jun li winq aran sa' xtzuulul Efraín, aj Mikaías xk'ab'a'.

Jueces 17:1 ပူးပေါင်းရင်းမြစ်များ

Jueces 18:2

Joꞌcan nak eb li ralal xcꞌajol laj Dan queꞌxsicꞌ ruheb o̱b chi cui̱nk cauheb xchꞌo̱l saꞌ xya̱nkeb ut queꞌxtaklaheb chixqꞌuebal retal chanru li naꞌajej. Queꞌxye reheb: —Ayukex ut qꞌuehomak chak retal chanru li naꞌajej, chanqueb. Queꞌel saꞌ eb li tenamit Zora ut Estaol ut queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru, ut queꞌxnumsi li kꞌojyi̱n saꞌ li rochoch laj Micaía.

Jueces 10:1

Nak ac xcam laj Abimelec, jun li cui̱nk xcomoneb li ralal xcꞌajol laj Isacar qui-oc chi tenkꞌa̱nc reheb laj Israel. Li cui̱nk aꞌan aj Tola xcꞌabaꞌ. Cuan saꞌ li tenamit Samir li nacana saꞌ lix naꞌajeb li ralal xcꞌajol laj Efraín, li tzu̱l ru. Laj Tola, aꞌan li ralal laj Fúa. Ut laj Fúa, aꞌan li ralal laj Dodo.

Josué 15:9

Li nuba̱l naxqꞌue chak vue̱lt saꞌ xbe̱n li tzu̱l ut nacuulac cuan cuiꞌ li yuꞌam haꞌ li cuan Neftoa. Ut nacuulac ajcuiꞌ toj saꞌ eb li tenamit li cuanqueb saꞌ li tzu̱l Efrón, ut nocoxnumekꞌ saꞌ li naꞌajej Baala, li nequeꞌxye ajcuiꞌ Quiriat-jearim re.

Jueces 16:31

Eb li ri̱tzꞌin ut eb li rechꞌalal laj Sansón queꞌxcꞌam li camenak ut queꞌxmuk saꞌ li naꞌajej li mukbil cuiꞌ laj Manoa lix yucuaꞌ. Li mukleba̱l aꞌan nacana saꞌ xyi li cuib chi tenamit Zora ut Estaol. Laj Sansón quicꞌamoc be chiruheb laj Israel chiru junmay chihab.

Jueces 17:2

Laj Micaía quixye re lix naꞌ: —Nak qui-elkꞌa̱c cha̱cuu li jun mil riqꞌuin jun ciento chi tumin plata, la̱at xatzꞌa̱ma ma̱usilal saꞌ xbe̱n li ani qui-elkꞌan re. La̱in xin-elkꞌan re la̱ tumin. Cueꞌ li tumin cuan cuiqꞌuin. Anakcuan tinkꞌaxtesi a̱cue, chan. Ut li naꞌbej quixye: —Li Ka̱cuaꞌ Dios taxak chi-osobtesi̱nk a̱cue, chan.

Josué 21:21

Quiqꞌueheꞌ reheb li tenamit Siquem li tzu̱l ru, li cuan saꞌ lix naꞌajeb li ralal xcꞌajol laj Efraín. Aꞌan li tenamit li quisiqꞌueꞌ ru re teꞌxcol cuiꞌ rib eb li nequeꞌxcamsi ras ri̱tzꞌin chi incꞌaꞌ yal naraj xchꞌo̱l. Ut quiqꞌueheꞌ ajcuiꞌ reheb li tenamit Gezer,

Josué 24:30

Quimukeꞌ saꞌ li tenamit Timnat-sera li quiqꞌueheꞌ re, li cuan saꞌ eb li tzu̱l Efraín. Li naꞌajej aꞌan cuan jun pacꞌal li tzu̱l Gaas saꞌ xjayal li norte.

Jueces 3:27

Nak quicuulac saꞌ lix naꞌajeb li ralal xcꞌajol laj Efraín, li tzu̱l ru, laj Aod quixya̱basi li trompeta re xbokbaleb laj Israel. Ut chixjunileb queꞌco̱eb chirix. Laj Aod yo̱ chi cꞌamoc be chiruheb.

Jueces 18:13

Nak queꞌel aran queꞌco̱eb saꞌ lix naꞌajeb li ralal xcꞌajol laj Efraín, li tzu̱l ru. Ut queꞌcuulac saꞌ li rochoch laj Micaía.

1 Reyes 4:8

Aꞌaneb aꞌin lix cꞌabaꞌeb li cui̱nk ut li naꞌajej li queꞌcꞌanjelac cuiꞌ: Laj Ben-hur quicꞌanjelac saꞌ xnaꞌajeb li ralal xcꞌajol laj Efraín, li tzu̱l ru.