Jueces 16:9 - Li Santil hu

⁹ Ac cuanqueb cui̱nk mukmu̱queb saꞌ rochoch lix Dalila nak quixbacꞌ laj Sansón. Quixjap re chixyebal: —At Sansón, xeꞌchal laj filisteo cha̱chapbal, chan. Abanan laj Sansón quixtꞌupi lix cꞌa̱mal li tzimaj. Chanchan cꞌatbil cꞌa̱m nak queꞌtꞌupeꞌ. Ut incꞌaꞌ ajcuiꞌ queꞌxnau chanru nak kꞌaxal cau rib laj Sansón.

Q'eqchi Bible

⁹ Ak wankeb' winq muqmuukeb' sa' xwarib'aal lix Dalila naq a'in kixjap re: “We'keb' laj Filistea sa' aab'een, a Sansón!”, chan. Ab'an laj Sansón kixt'up li xk'aamal simaj kama' wi' nat'upe'k li k'atb'il k'aam. Ut eb' laj Filistea ink'a' ke'ruuk xnawb'al b'ar nachalk li xmetz'ew laj Sansón.

Jueces 16:9 ပူးပေါင်းရင်းမြစ်များ

Salmos 58:9

Riqꞌuin xjoskꞌil li Dios tixsacheb saꞌ junpa̱t chi incꞌaꞌ teꞌxqꞌue retal. Chanchanakeb li pim li na-osoꞌ xban xam chi toj ma̱cꞌaꞌ xqꞌuix.

Jueces 16:7

Laj Sansón quixye: —Cui tineꞌxbacꞌ riqꞌuin cuukub chi xcꞌa̱mal li tzimaj li toj ma̱jiꞌ chaki, la̱in ma̱cꞌaꞌak chic inmetzꞌe̱u, chan laj Sansón.

Jueces 16:8

Ut eb li nequeꞌtaklan saꞌ xbe̱neb laj filisteo queꞌxcꞌam cuukub chi xcꞌa̱mal li tzimaj li toj ma̱jiꞌ chaki ut queꞌxqꞌue re lix Dalila re nak tixbacꞌ laj Sansón.

Jueces 16:10

Lix Dalila quixye re laj Sansón: —Yo̱cat chinbalakꞌinquil. Ticꞌtiꞌ li xaye cue. Ba̱nu usilal, ye cue chanru nak ta̱ru̱k a̱bacꞌbal, chan.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.