Jueces 16:24 - Li Santil hu

²⁴ Nak queꞌril ru laj Sansón, eb li tenamit queꞌxlokꞌoni laj Dagón lix dioseb, ut queꞌxye: —Li kadios xkꞌaxtesi saꞌ kukꞌ laj Sansón, li xicꞌ na-iloc ke. Aꞌan li quicamsin reheb nabal li kacomon ut aꞌan ajcuiꞌ quisachoc re li katenamit, chanqueb.

Q'eqchi Bible

²⁴ Naq eb' li poyanam ke'ril ru laj Sansón, ke'xnima ru li xyoseb' ut ke'xye: “Li qayos xk'e sa' quq' laj Sansón li xik' na'ilok qe, li xsachok re li qatenamit ut xkamsi naab'aleb' li qakomon”, chankeb'.

Jueces 16:24 ပူးပေါင်းရင်းမြစ်များ

Daniel 5:4

Queꞌucꞌac vino ut queꞌxlokꞌoniheb li dios yi̱banbil riqꞌuin oro, plata, bronce, chꞌi̱chꞌ, cheꞌ ut pec.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

Habacuc 1:16

Eb laj chapol car nequeꞌxqꞌue xlokꞌal lix yoy ut lix anzuelo. Nequeꞌmayejac ut nequeꞌxcꞌat li pom chiru xban nak riqꞌuin aꞌan nequeꞌxsicꞌ li cꞌaꞌru nequeꞌxtzaca.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Ezequiel 20:14

Abanan incꞌaꞌ quinsach ruheb xban nak incꞌaꞌ quicuaj nak ta̱isi̱k lin lokꞌal xbaneb li xni̱nkal ru tenamit li queꞌiloc re nak quicuisiheb laj Israel aran Egipto.

Isaías 37:20

Anakcuan ut at Ka̱cuaꞌ, at kaDios, nakatzꞌa̱ma cha̱cuu nak choa̱col chiruheb laj Asiria re nak chixjunileb li cuanqueb xcuanquil saꞌ ruchichꞌochꞌ teꞌxnau nak la̱at li Ka̱cuaꞌ Dios ut ma̱ ani chic junak dios cuan. Caꞌaj cuiꞌ la̱at, chan laj Ezequías.

1 Crónicas 10:9

Nak ac queꞌrisi li rakꞌ re pletic, queꞌxcꞌam lix jolom laj Saúl ut queꞌxcꞌam lix chꞌi̱chꞌ re pletic. Queꞌxtakla resil saꞌ chixjunil lix tenamiteb laj filisteo re nak teꞌrabi resil nak camenak chic laj Saúl. Ut queꞌxye ajcuiꞌ resil saꞌ rochoch lix dioseb.

1 Samuel 31:9

Queꞌxset xcux laj Saúl ut queꞌxcꞌam lix jolom rochben lix chꞌi̱chꞌ re pletic ut queꞌxtaklaheb laj takl saꞌ chixjunil lix tenamiteb laj filisteo re nak teꞌrabi resil nak camenak chic laj Saúl. Queꞌxye ajcuiꞌ resil saꞌ rochocheb lix dioseb.

Jueces 15:16

Laj Sansón quibichan ut quixye: —Riqꞌuin xbakel xca̱lam re bu̱r quincamsi jun mil chi cui̱nk. Riqꞌuin xbakel xca̱lam re jun li bu̱r xincanabeb chi tu̱btu, chan.

Jueces 15:8

Qui-oc chi pletic riqꞌuineb ut quixcamsi nabaleb. Chirix aꞌan, laj Sansón co̱ chi cua̱nc saꞌ jun li ochoch pec saꞌ li sako̱nac cuan saꞌ li naꞌajej Etam.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

Jueces 16:25

Cꞌajoꞌ nak queꞌsahoꞌ saꞌ xchꞌo̱leb li tenamit ut queꞌxye: —Cꞌamomak chak laj Sansón. Aꞌan tixqꞌue xsahil kachꞌo̱l, chanqueb. Ut queꞌrisi laj Sansón saꞌ tzꞌalam ut queꞌoc chixseꞌenquil ut chixhobbal. Ut queꞌxxakab saꞌ xyi cuib li rokechal li nimla cab.

Salmos 97:7

Chixjunileb li nequeꞌxnimobresi ribeb riqꞌuin xlokꞌoninquil li yi̱banbil dios, xuta̱nal nequeꞌcana. Ut chixjunileb li jalanil dios teꞌcana̱k rubel xcuanquil li Ka̱cuaꞌ.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.