Jueces 16:13 - Li Santil hu

¹³ Lix Dalila quixye re: —Toj yo̱cat ajcuiꞌ chinbalakꞌinquil ut yo̱cat chi ticꞌtiꞌic. Ye cue lix ya̱lal. ¿Chanru naru tatinbacꞌ? chan. Laj Sansón quixye re: —Cui la̱at ta̱quem li cuukub jo̱b li cuismal saꞌ li tꞌicr ut ta̱chꞌic chi cau saꞌ chꞌochꞌ riqꞌuin lix cheꞌel la̱ quemleb, ma̱cꞌaꞌak chic inmetzꞌe̱u. Chanchanakin chic joꞌ chixjunileb li cui̱nk, chan. Joꞌcan nak lix Dalila quixcuartesi laj Sansón. Quixchap li cuukub jo̱b li rismal laj Sansón ut quixquem rochben lix tꞌicr.

Q'eqchi Bible

¹³ Toja' naq lix Dalila kixye re laj Sansón: “Toj anaqwan yookat chinb'alaq'inkil ut junes tik'ti' nakaye we. Ye we k'a' raj ru tatb'ak'manq wi'”, chan. Kisumeek: “Wi taakem xwuqichal li xtz'ulb'al rismal injolom rik'in li xwa li kemom ut taach'ik chi kaw sa' ch'och' rik'in li xche'el laakemleb', maak'a'aq chik inmetz'ew ut kama'aqin raj yalaq anihaq chik winq”, chan.

Jueces 16:13 ပူးပေါင်းရင်းမြစ်များ

Jueces 16:12

Ut lix Dalila quixsicꞌ li laso toj acꞌ ut quixbacꞌ laj Sansón. Tojoꞌnak quixye: —At Sansón, xeꞌchal laj filisteo cha̱chapbal, chan. Ac cuanqueb aj filisteo mukmu̱queb chak saꞌ li rochoch lix Dalila roybeninquil nak teꞌxchap laj Sansón. Abanan laj Sansón quixtꞌupi li laso. Chanchan nokꞌ nak quixtꞌupi.

Jueces 16:14

Nak yo̱ chi cua̱rc, quixchap chi us riqꞌuin lix cheꞌel lix quemleb. Ut quixjap re: —At Sansón, xeꞌchal laj filisteo cha̱chapbal, chan. Ut laj Sansón qui-aj ru, ut quixmichꞌ li cheꞌ li chapcho cuiꞌ li rismal rochben li tꞌicr.

Jueces 14:17

Chiru cuukub cutan yo̱ chi ya̱bac li ixakilbej nak yo̱ li ninkꞌe toj retal nak saꞌ xcuuk li cutan laj Sansón quixye re cꞌaꞌru xya̱lal xban nak incꞌaꞌ naxcanab xpatzꞌbal. Nak ac xnau, li ixk coxye xya̱lal reheb li rech tenamitil.

Jueces 16:10

Lix Dalila quixye re laj Sansón: —Yo̱cat chinbalakꞌinquil. Ticꞌtiꞌ li xaye cue. Ba̱nu usilal, ye cue chanru nak ta̱ru̱k a̱bacꞌbal, chan.