Jueces 16:12 - Li Santil hu

¹² Ut lix Dalila quixsicꞌ li laso toj acꞌ ut quixbacꞌ laj Sansón. Tojoꞌnak quixye: —At Sansón, xeꞌchal laj filisteo cha̱chapbal, chan. Ac cuanqueb aj filisteo mukmu̱queb chak saꞌ li rochoch lix Dalila roybeninquil nak teꞌxchap laj Sansón. Abanan laj Sansón quixtꞌupi li laso. Chanchan nokꞌ nak quixtꞌupi.

Q'eqchi Bible

¹² Jo'kan naq lix Dalila kixchapeb' k'aam li toj ak'eb', kixb'ak' laj Sansón chiruheb' a'an ut kixjap re chi xyeeb'al: “We'keb' laj Filistea sa' aab'een, a Sansón!”, chan. Muqmuukeb' winq sa' xwarib'aal lix Dalila, ab'anan laj Sansón kixt'upeb' li k'aam chapcho wi' kama' wi' nat'upe'k li noq'.

Jueces 16:12 ပူးပေါင်းရင်းမြစ်များ

Jueces 16:11

Laj Sansón quixye re: —Cui tineꞌxbacꞌ riqꞌuin li laso li toj acꞌ, li toj ma̱jiꞌ ocsinbil, ma̱cꞌaꞌak chic inmetzꞌe̱u. Chanchanakin chic joꞌ chixjunileb li cui̱nk, chan.

Jueces 16:13

Lix Dalila quixye re: —Toj yo̱cat ajcuiꞌ chinbalakꞌinquil ut yo̱cat chi ticꞌtiꞌic. Ye cue lix ya̱lal. ¿Chanru naru tatinbacꞌ? chan. Laj Sansón quixye re: —Cui la̱at ta̱quem li cuukub jo̱b li cuismal saꞌ li tꞌicr ut ta̱chꞌic chi cau saꞌ chꞌochꞌ riqꞌuin lix cheꞌel la̱ quemleb, ma̱cꞌaꞌak chic inmetzꞌe̱u. Chanchanakin chic joꞌ chixjunileb li cui̱nk, chan. Joꞌcan nak lix Dalila quixcuartesi laj Sansón. Quixchap li cuukub jo̱b li rismal laj Sansón ut quixquem rochben lix tꞌicr.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.

Hechos 21:33

Ut li coronel quixchap laj Pablo. Quixtakla xbacꞌbal riqꞌuin cuib chi cadena. Ut quixpatzꞌ ani aꞌan ut cꞌaꞌru xma̱c.