Jueces 15:15 - Li Santil hu

¹⁵ Laj Sansón quixtau jun xbakel xca̱lam re bu̱r toj rax bak. Quixchap ut chiru aꞌan quixcamsiheb jun mil chi cui̱nk xcomoneb laj filisteo.

Q'eqchi Bible

¹⁵ Chirix chik a'an kixtaw jun xkalam e li b'uur li toje'aq na'oso'k li rix, kixye' li ruq', kixxok ut chiru a'an kixkamsi lajeek'aal rox o'q'ob' (1,000) chi winq:

Jueces 15:15 ပူးပေါင်းရင်းမြစ်များ

Josué 23:10

Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

Levítico 26:8

Yal o̱b ajcuiꞌ e̱re la̱ex te̱ra̱linaheb jun ciento li xicꞌ nequeꞌiloc e̱re. Ut jun ciento e̱re la̱ex teꞌra̱linaheb laje̱b mil. Ut te̱camsiheb chi chꞌi̱chꞌ li xicꞌ nequeꞌiloc e̱re.

Jueces 3:31

Li jun chic li quicꞌamoc be chiruheb laj Israel, aꞌan laj Samgar li ralal laj Anat. Laj Samgar quicoloc reheb laj Israel chiruheb laj filisteo xban nak quixcamsi cuakib ciento (600) aj filisteo riqꞌuin lix cheꞌ re xberesinquil bo̱yx.

1 Samuel 14:14

Saꞌ li xbe̱n ple̱t aꞌan junmay tana li soldado li queꞌxcamsiheb laj Jonatán ut li natenkꞌan re saꞌ li chꞌina naꞌajej aꞌan.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Jueces 7:16

Laj Gedeón quixchꞌutubeb li oxib ciento chi soldado. Oxib chꞌu̱tal quirisiheb. Ut quixqꞌueheb junju̱nk xtrompeta saꞌ rukꞌeb chixjunileb ut quixqꞌue ajcuiꞌ junju̱nk xcuqueb cuan xam chi saꞌ.

Jueces 4:21

Ut laj Sísara quicube xcuara xban nak kꞌaxal lublu. Lix Jael quixchap chak jun li cheꞌ kꞌes ruꞌuj xcomon li nequeꞌxtꞌoj saꞌ chꞌochꞌ re xchapbal li muheba̱l. Ut quixchap lix martillo ut quijiloc riqꞌuin laj Sísara chi timil timil ut quixnumsi li kꞌesnal cheꞌ saꞌ xjolom toj retal qui-oc li cheꞌ saꞌ chꞌochꞌ. Joꞌcaꞌin nak quicam laj Sísara.

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

Jueces 15:16

Laj Sansón quibichan ut quixye: —Riqꞌuin xbakel xca̱lam re bu̱r quincamsi jun mil chi cui̱nk. Riqꞌuin xbakel xca̱lam re jun li bu̱r xincanabeb chi tu̱btu, chan.

Jueces 15:17

Chirix aꞌan quixtzꞌek xbakel xca̱lam re li bu̱r. Ut quixqꞌue chokꞌ xcꞌabaꞌ li naꞌajej aꞌan Ramat-lehi.

Levítico 26:7

La̱ex te̱ra̱linaheb li xicꞌ nequeꞌiloc e̱re ut te̱camsiheb chi chꞌi̱chꞌ.

2 Samuel 23:8

Aꞌaneb aꞌin lix cꞌabaꞌeb lix soldados laj David, li kꞌaxal cauheb xchꞌo̱l chi pletic. Li xbe̱n, aꞌan laj Joseb-basebet, Tacmón xtenamit. Nequeꞌxye ajcuiꞌ Adino re. Aꞌan li kꞌaxal nim xcuanquil saꞌ xbe̱neb li oxibeb li cauheb xchꞌo̱l chi pletic. Saꞌ jun li ple̱t quixcamsiheb cuakxakib ciento chi cui̱nk riqꞌuin lix la̱ns.